ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ദുബായ്: ഇറാനിൽ നിന്നുള്ള ഡ്രോൺ, മിസൈൽ ആക്രമണ ഭീഷണികളെത്തുടർന്ന് താൽക്കാലികമായി നിർത്തിവെച്ചിരുന്ന ദുബായ് അന്താരാഷ്ട്ര വിമാനത്താവളത്തിലെ (DXB) പ്രവർത്തനങ്ങൾ ശനിയാഴ്ച ഭാഗികമായി പുനരാരംഭിച്ചു. സുരക്ഷാ കാരണങ്ങളാൽ അടച്ചിട്ടിരുന്ന വിമാനത്താവളം കർശന നിയന്ത്രണങ്ങളോടെയാണ് വീണ്ടും തുറന്നത്.
നിലവിൽ ദുബായ് അന്താരാഷ്ട്ര വിമാനത്താവളത്തിൽ (DXB) നിന്നും ദുബായ് വേൾഡ് സെൻട്രൽ – അൽ മക്തൂം (DWC) വിമാനത്താവളത്തിൽ നിന്നും പരിമിതമായ തോതിൽ വിമാനങ്ങൾ പുറപ്പെടുന്നുണ്ടെന്ന് അധികൃതർ അറിയിച്ചു. എന്നാൽ വിമാനങ്ങളുടെ സമയക്രമത്തിൽ മാറ്റങ്ങൾ വരാൻ സാധ്യതയുള്ളതി നാൽ, എയർലൈനുകളിൽ നിന്ന് നേരിട്ട് സ്ഥിരീകരണം ലഭിക്കാതെ യാത്രക്കാർ വിമാനത്താവളത്തി ലേക്ക് എത്തരുതെന്ന് ദുബായ് എയർപോർട്ട്സ് അധികൃതർ അറിയിച്ചു.
യുഎഇ പ്രതിരോധ സേനയുടെ ഇടപെടലിനെത്തുടർന്നാണ് വിമാനത്താവളത്തിന്റെ പ്രവർത്തനം താൽക്കാലികമായി നിർത്തിയത്. വിമാനത്താവളത്തിന് സമീപം ആകാശത്ത് വെച്ച് ഒരു വസ്തു തടഞ്ഞതായും തുടർന്ന് പുകപടലങ്ങൾ കണ്ടതായും ദൃക്സാക്ഷികൾ പറഞ്ഞു. “യാത്രക്കാരുടെയും ജീവനക്കാരുടെയും സുരക്ഷ കണക്കിലെടുത്താണ് പ്രവർത്തനങ്ങൾ നിർത്തിവെച്ചത്. മിസൈൽ, ഡ്രോൺ ഭീഷണികളെ യുഎഇ പ്രതിരോധ സേന വിജയകരമായി നേരിടുന്നു,” എന്ന് ദുബായ് മീഡിയ ഓഫീസ് അറിയിച്ചു. പ്രതിരോധ പ്രവർത്തനങ്ങൾക്കിടെ തകർന്നുവീണ അവശിഷ്ടങ്ങൾ മൂലമുണ്ടായ ചെറിയ സംഭവങ്ങളൊഴിച്ചാൽ ആർക്കും പരിക്കേറ്റിട്ടില്ല.
കഴിഞ്ഞ ദിവസങ്ങളിൽ അബുദാബി വിമാനത്താവളം, പാം ജുമൈറ, ബുർജ് അൽ അറബ് തുടങ്ങിയ സ്ഥലങ്ങളെ ലക്ഷ്യമിട്ടും ആക്രമണ ശ്രമങ്ങൾ നടന്നതായി റിപ്പോർട്ടുകളുണ്ട്. കഴിഞ്ഞ ശനിയാഴ്ചയു ണ്ടായ ആക്രമണത്തിൽ ഒരു ടെർമിനലിന് കേടുപാടുകൾ സംഭവിക്കുകയും നാല് ജീവനക്കാർക്ക് പരിക്കേൽക്കുകയും ചെയ്തിരുന്നു. ദുബായിക്ക് പുറമെ ഖത്തറും ബഹ്റൈനും സമാനമായ സുരക്ഷാ വെല്ലുവിളികൾ നേരിടുന്നുണ്ട്. ഇറാനിൽ നിന്നുള്ള 86 റോക്കറ്റുകളും 148 ഡ്രോണുകളും തടഞ്ഞതായി ബഹ്റൈൻ പ്രതിരോധ സേന അവകാശപ്പെട്ടു.
അന്താരാഷ്ട്ര വ്യോമഗതാഗതത്തിലെ ഏറ്റവും തിരക്കേറിയ കേന്ദ്രമായ ദുബായ് വിമാനത്താവളം പൂർണ്ണസ്ഥിതിയിലാകാൻ ഇനിയും സമയമെടുക്കുമെന്നാണ് സൂചന. വിമാനങ്ങൾ ആകാശത്ത് തന്നെ വട്ടം ചുറ്റുന്ന (Holding pattern) സാഹചര്യം Flightradar24 പോലുള്ള വെബ്സൈറ്റുകൾ റിപ്പോർട്ട് ചെയ്തിട്ടുണ്ട്.
