ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ പത്തനംതിട്ട 
പത്തനംതിട്ട: അഹമ്മദാബാദ് വിമാനാപകടത്തില് മരിച്ച പത്തനംതിട്ട സ്വദേശി രഞ്ജിതയുടെ മൃതദേഹം തിരിച്ചറിഞ്ഞു. മൃതദേഹം നാളെ ജന്മനാട്ടില് എത്തിക്കും. സഹോദരന് പുറമെ അമ്മയുടെ ഡിഎന്എ സാമ്പിളും പരിശോധനക്ക് എത്തിച്ചിരുന്നു. അമ്മയുടെ ഡിഎന്എ സാമ്പിളുമായാണ് രഞ്ജിതയുടെ ഡിഎൻഎ മാച്ച് ആയത്.
കഴിഞ്ഞ ജൂണ് 12നാണ് അഹമ്മദാബാദില് എയർ ഇന്ത്യ വിമാനം അപകടത്തില്പെട്ടത്. അഹമ്മ ദാബാദിലെ സർദാർ വല്ലഭായ് പട്ടേല് വിമാനത്താവളത്തില് നിന്ന് ലണ്ടനിലേക്ക് പുറപ്പെട്ട വിമാനം മിനിറ്റുകള്ക്കുള്ളില് തകർന്നുവീഴുകയായിരുന്നു.
രഞ്ജിത ജി നായരുടെ മൃതദേഹം ചൊവ്വാഴ്ച (ജൂണ് 24) നാട്ടില് എത്തിക്കും. തിരുവനന്തപുരം വിമാനത്താവളത്തില് രാവിലെ ഏഴിന് എത്തിക്കുന്ന മൃതദേഹം സ്വദേശമായ പുല്ലാട് രാവിലെ 11ന് എത്തിക്കും. തുടര്ന്ന് രഞ്ജിത പഠിച്ച ശ്രീ വിവേകാനന്ദ ഹൈസ്കൂളില് ഉച്ചയ്ക്ക് 2.30 വരെ പൊതുദര്ശനത്തിന് വയ്ക്കും.
മരണാനന്തര ചടങ്ങുകള് സംബന്ധിച്ച ക്രമീകരണത്തിൻ്റെ ഭാഗമായി പുല്ലാട് വടക്കേകവല മോഡല് സര്ക്കാര് യുപി സ്കൂളിന് ജൂണ് 24 ചൊവ്വാഴ്ച ജില്ലാ കലക്ടര് എസ് പ്രേം കൃഷ്ണന് അവധി പ്രഖ്യാപിച്ചിട്ടുണ്ട്.
തിരുവല്ല പുല്ലാട് സ്വദേശിനി രഞ്ജിത ജി നായർ യുകെയില് നഴ്സായി ജോലി ചെയ്തുവരികയായി രുന്നു. കോഴഞ്ചേരി താലൂക്ക് ആശുപത്രിയില് നഴ്സായിരുന്ന രഞ്ജിത സർക്കാർ ജോലിയിൽ നിന്നും അവധി എടുത്താണ് വിദേശത്ത് ജോലിക്ക് പോയത്. നിരവധി വർഷം ഗള്ഫ് രാജ്യങ്ങളിലായിരുന്നു രഞ്ജിത ജോലി ചെയ്തിരുന്നത്.
പിന്നീട് യുകെയിലേക്ക് ജോലിക്ക് പോയി. സർക്കാർ ജോലിയുടെ അവധി അപേക്ഷ നീട്ടി നല്കാനാ യാണ് രഞ്ജിത അവസാനം നാട്ടിലെത്തിയത്. നടപടികൾ പൂർത്തിയാക്കി തിരികെ യുകെയിലേക്ക് മടങ്ങുമ്പോഴായിരുന്നു അപകടം. ഇപ്പോള് താമസിക്കുന്ന വീടിന് സമീപത്തായി രഞ്ജിതയുടെ പുതിയ വീടിൻ്റെ നിർമാണം നടന്നു വരികയാണ്.
അമ്മ തുളസിക്കുട്ടിയമ്മ ക്യാൻസർ രോഗിയാണ്. പത്തിലും മൂന്നാം ക്ലാസിലും പഠിക്കുന്ന രണ്ട് മക്കളുണ്ട്. രഞ്ജിതയുടെ മൃതദേഹം തിരിച്ചറിയുന്നതിനുള്ള നടപടികൾക്കായി ബന്ധുക്കൾ നേരത്തെ അഹമ്മദാബാദിൽ എത്തിയിരുന്നു.
