ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂഡല്ഹി: ഇറാനിയൻ ആണവ കേന്ദ്രങ്ങളിൽ യുഎസ് വ്യോമാക്രമണങ്ങള് നടത്തിയതിന് പിന്നാലെ മുന്നറിയിപ്പുമായി പശ്ചിമേഷ്യൻ തന്ത്രജ്ഞൻ വെയ്ൽ അവ്വാദ്. അമേരിക്ക ആക്രമണം തുടരുകയും ഇറാൻ തിരിച്ചടിക്കുകയും ചെയ്താല് പശ്ചിമേഷ്യ യുദ്ധത്തിലേക്ക് നീങ്ങുമെന്ന് അദ്ദേഹം വ്യക്തമാക്കി. സംഘർഷം ആഗോള സമാധാനത്തിനും സുരക്ഷയ്ക്കും ഭീഷണിയാകുമെന്നും, മുഴുവൻ മേഖലയെയും അസ്ഥിരപ്പെടുത്താൻ സാധ്യതയുണ്ടെന്നും അവ്വാദ് മുന്നറിയിപ്പ് നൽകി.
ഗള്ഫ് രാജ്യങ്ങള്ക്ക് അടക്കം വലിയ ഭീഷണി ഉയര്ത്തുന്ന തരത്തിലാണ് കാര്യങ്ങള് നീങ്ങുന്നത്, ഇറാന്റെ തിരിച്ചടിയില് ഗള്ഫ് രാജ്യങ്ങളില് ഉള്പ്പെടെ തീക്കളം സൃഷ്ടിക്കുമെന്ന് അദ്ദേഹം ചൂണ്ടി ക്കാട്ടി. ഇറാൻ ചെറിയൊരു രാജ്യമല്ലെന്നും അവരുടെ ശക്തി എന്തെന്ന് അമേരിക്കയ്ക്ക് കൃത്യമായി അറിയാമെന്നും അദ്ദേഹം പറഞ്ഞു.
“അമേരിക്കയ്ക്ക് അവരുടെ ശക്തി തെളിയിക്കാൻ കഴിയുമെങ്കിലും, ഇറാൻ ഒരു ചെറിയ രാജ്യമല്ലെന്ന് അവർ മനസിലാക്കുന്നു. അത് ഭൗമരാഷ്ട്രീയമായി വളരെ പ്രധാനപ്പെട്ട ഒരു രാജ്യമാണ്. അത് കണക്കി ലെടുക്കേണ്ട ഒരു പ്രാദേശിക ശക്തിയാണ്, ഇറാനുമായുള്ള യുദ്ധം അവർക്ക് വർധിപ്പിക്കാൻ കഴിയില്ല, കാരണം അത് മുഴുവൻ മേഖലയ്ക്കും വിനാശകരമായിരിക്കും. ഇസ്രായേലിനൊപ്പം അമേരിക്ക ആക്ര മണ നയം തുടർന്നാൽ ഗള്ഫിലും തീക്കളം സൃഷ്ടിക്കും,” പശ്ചിമേഷ്യൻ തന്ത്രജ്ഞൻ മുന്നറിയിപ്പ് നല്കി.
ഇറാൻ തിരിച്ചടിക്കുന്ന രീതിയെ കുറിച്ചും അദ്ദേഹം വിശദീകരിച്ചു. “മുൻകാലങ്ങളിൽ തങ്ങളുടെ നേതാക്കൾ ആക്രമിക്കപ്പെട്ടതിന് ശേഷം ഇറാൻ എങ്ങനെ തിരിച്ചടിച്ചുവെന്ന് ലോകത്തിന് അറിയാം. ഇറാൻ്റെ ആണവ കേന്ദ്രങ്ങളിൽ വ്യോമാക്രമണം നടത്തിയ ഉടനെ അവര് അമേരിക്കയെ തിരിച്ചടിച്ചിട്ടില്ല, ഇക്കാര്യം അമേരിക്കക്കാർക്കും അറിയാം. എന്നാല്, ലക്ഷ്യം കണ്ടെത്താൻ ഇറാൻ ക്ഷമയോടെ കാത്തി രിക്കും, കുറച്ച് സമയമെടുത്തായിരിക്കും അവര് തിരിച്ചടിക്കുക” എന്നും അദ്ദേഹം അഭിപ്രായപ്പെട്ടു. ആണവ പദ്ധതിക്കെതിരെയുള്ള ആക്രമണമല്ല ഇതെന്നും, യുഎസിൻ്റെയും ഇസ്രയേലിൻ്റെയും ലക്ഷ്യം ഇറാനിലെ ഭരണമാറ്റമാണെന്നും അവ്വാദ് വ്യക്തമാക്കി.
ഈ മേഖലയിലെ എണ്ണ സ്രോതസുകൾ നിയന്ത്രിക്കാനും ഹോർമുസ് കടലിടുക്ക്, ചെങ്കടൽ എന്നിവയു ൾപ്പെടെയുള്ള ആഗോള വ്യാപാര പാതകളിൽ ആധിപത്യം സ്ഥാപിക്കാനുമുള്ള ആഗ്രഹമാണ് അമേരി ക്കയെ ആക്രമണത്തിലേക്ക് പ്രേരിപ്പിച്ചത്. ലോകത്തിൻ്റെ മറ്റു ഭാഗങ്ങൾക്ക് അറിയാവുന്നതുപോലെ, ഈ യുദ്ധത്തിൻ്റെയെല്ലാം പ്രധാന ലക്ഷ്യം ഒരു ഭരണമാറ്റമാണ്, ഇറാനെ ആക്രമിക്കാനുള്ള ഒരു കാരണം മാത്രമാണ് ആണവ പദ്ധതി. അതിനാൽ, ഈ ആക്രമണത്തിൽ ഇസ്രയേലിനെ രഹസ്യമായി സഹായി ച്ചിട്ടും, ഇറാനെ നേരിട്ട് നേരിടുക എന്ന ആദ്യപടി താൻ സ്വീകരിച്ചിട്ടുണ്ടെന്ന് അമേരിക്കൻ പ്രസിഡൻ്റ് കരുതുന്നുണ്ടാകാം.
അമേരിക്കൻ ഭരണകൂടത്തിന്റെ യഥാര്ഥ ഉദ്ദേശ്യം വെളിപ്പെടുത്തിയാൽ കൂടുതൽ അപകടവും സംഘർഷവും ഉണ്ടാകുമെന്ന് അവര്ക്കറിയാം. അമേരിക്കയുടെ പ്രധാന ലക്ഷ്യം എണ്ണയും ഹോർമുസ് കടലിടുക്ക്, ചെങ്കടൽ, മെഡിറ്ററേനിയൻ എന്നിവ കീഴടക്കുക എന്നതുമാണ്, അതിനാൽ ലോകത്തിൻ്റെ ആ ഭാഗത്ത് നിന്ന് നടക്കുന്ന ആഗോള വ്യാപാരം അമേരിക്കൻ നിയന്ത്രണത്തിലായിരിക്കുമെന്നും അദ്ദേഹം പറഞ്ഞു.
ഇത്തരം കാര്യങ്ങള്ക്കു വേണ്ടി അമേരിക്ക നടത്തുന്ന ആക്രമണങ്ങളാണ് ആഗോള സമാധാനത്തിനും സുരക്ഷയ്ക്കും ഭീഷണിയാകുന്നതെന്നും അദ്ദേഹം കൂട്ടിച്ചേര്ത്തു. അതേസമയം, ഇറാൻ്റെ മൂന്ന് ആണവ കേന്ദ്രങ്ങളിലായിരുന്നു കഴിഞ്ഞ ദിവസം അമേരിക്ക ആക്രമണം നടത്തിയത്. ഫോർദോ, നതാന്സ്, ഇസ്ഫാഹാന് എന്നീ ആണവനിലയങ്ങളിലാണ് ആക്രമിച്ചത്. എന്നാല് ആക്രമണത്തില് യാതൊരു കേടുപാടുകളും സംഭവിച്ചിട്ടില്ലെന്ന് ഇറാൻ പ്രതികരിച്ചിരുന്നു.
