ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
തെഹ്റാന്: ഇറാന്റെ പരമോന്നത നേതാവ് ആയത്തുല്ല അലി ഖമേനിയുടെ ഭാര്യ മന്സൂറെ ഖോജസ്തേ ആക്രമണത്തില് കൊല്ലപ്പെട്ടു. ശനിയാഴ്ച ഇറാനിലെ സുപ്രധാന സൈനിക-സുരക്ഷാ കേന്ദ്രങ്ങള് ലക്ഷ്യ മാക്കി അമേരിക്കയും ഇസ്രയേലും നടത്തിയ സംയുക്ത വ്യോമാക്രമണത്തില് ഇവര്ക്ക് ഗുരുതരമായി പരിക്കേറ്റിരുന്നു. ചികിത്സയിലിരിക്കെ ഇന്നാണ് മരണം സംഭവിച്ചതെന്ന് ഇറാന്റെ ഔദ്യോഗിക വാര്ത്താ ഏജന്സിയായ തസ്നിം റിപ്പോര്ട്ട് ചെയ്തു.
ആക്രമണത്തില് പരിക്കേറ്റ മന്സൂറെ ഖോജസ്തേ ‘രക്തസാക്ഷിത്വം വരിച്ചതായി’ ഇറാന്റെ ഔദ്യോ ഗിക വാര്ത്താ ചാനലായ പ്രസ് ടിവി സ്ഥിരീകരിച്ചിട്ടുണ്ട്. ശനിയാഴ്ച ഖമേനിയുടെ വസതിക്ക് നേരെയു ണ്ടായ അതേ മിസൈല് ആക്രമണത്തിലാണ് ഇവര്ക്കും പരിക്കേറ്റത്.
ആക്രമണത്തിന്റെ ആദ്യ ഘട്ടത്തില്ത്തന്നെ ആയത്തുല്ല അലി ഖമേനി കൊല്ലപ്പെട്ടതായി നേരത്തെ തന്നെ ഇറാന് സ്ഥിരീകരിച്ചിരുന്നു. ഖമേനിയുടെ മകള്, പേരക്കുട്ടി, മരുമകന്, മരുമകള് എന്നിവരും സംയുക്ത വ്യോമാക്രമണത്തില് കൊല്ലപ്പെട്ടിരുന്നു. ഖമേനിയുടെ മരണം അമേരിക്കന് പ്രസിഡന്റ് ഡൊണാള്ഡ് ട്രംപാണ് ഔദ്യോഗികമായി ലോകത്തെ അറിയിച്ചത്. ഇതിനുപിന്നാലെ ഇറാനിലെ ഭരണമാറ്റം ലക്ഷ്യമിട്ട് തന്ത്രപ്രധാനമായ സൈനിക കേന്ദ്രങ്ങളിലാണ് തങ്ങള് ആക്രമണം നടത്തിയതെന്നും ട്രംപ് പറഞ്ഞു.
Ayatollah Khamenei’s wife also passed away; Iranian media confirms
