മലയാളമിത്രം വെബ് ഡസ്ക് 
ഒമാനിൽ ബോട്ടപകടത്തിൽ രണ്ട് കുട്ടികൾ മരിച്ചു. കോഴിക്കോടി സ്വദേശികളായ ദമ്പതികളുടെ കുട്ടികളാണ് മരിച്ചത്. ഒമാനിലെ ഖസബില്‍ ബോട്ട് മറിഞ്ഞുണ്ടായ അപകടത്തില്‍ രണ്ട് മലയാളി കുട്ടികൾ മരിച്ചു. കോഴിക്കോട് നരിക്കുനി പുല്ലാളൂർ സ്വദേശികളായ കുടുംബം സഞ്ചരിച്ചിരുന്ന സ്പീഡ് ബോട്ടാണ് അപകടത്തില്‍ പെട്ടത്. പുല്ലാളൂർ തച്ചൂർ താഴം വള്ളിൽ ലുക്മാനുൽ ഹക്കീം-മുഹ്സിന ദമ്പതികളുടെ മക്കളായ ഹൈസം (7), ഹാമിസ് (4) എന്നിവരാണ് മരിച്ചത്. മാതാപിതാക്കള്‍ ചെറിയ പരുക്കുകളോടെ രക്ഷപ്പെട്ടു.
ചെറിയ പെരുന്നാൾ ആഘോഷത്തിന്റെ ഭാഗമായി ബോട്ടിങ്ങിന് എത്തിയതായിരുന്നു കുടുംബം. സ്പീഡ് ബോട്ടാണ് മറിഞ്ഞതെന്ന് റിപ്പോർട്ടുകൾ പറയുന്നു. മാതാപിതാക്കളെ രക്ഷപ്പെടുത്താൻ രക്ഷാപ്രവർത്തനം നടത്തിയവർക്ക് സാധിച്ചു. ശനിയാഴ്ച ഉച്ചക്ക് രണ്ട് മണിയോടെയായിരുന്നു ദാരുണമായ സംഭവം.
