ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
Malayalamitharam 
തിരുവനന്തപുരം: സംസ്ഥാനത്തെ ലഹരിമരുന്ന് വ്യാപനത്തില് നിന്ന് മുക്തമാക്കുന്നതിനും മയക്കുമരുന്ന് കടത്ത് ശൃംഖലകള് ഇല്ലാതാക്കുന്നതിനുമുള്ള കേരള സര്ക്കാരിന്റെ ‘ഓപ്പറേഷന് തൂഫാന്’ന്റെ ഭാഗമായി അയല് സംസ്ഥാനങ്ങളുമായി സംയുക്ത പ്രവര്ത്തനം ശക്തിപ്പെടുത്താന് മുഖ്യമന്ത്രി വി ഡി സതീശന് കര്ണാടക, തമിഴ്നാട്, പുതുച്ചേരി മുഖ്യമന്ത്രിമാര്ക്ക് കത്തയച്ചു. ഓപ്പറേഷന് തൂഫാന്റെ ഭാഗമായി ഇന്റലിജന്സ് അധിഷ്ഠിതമായ നിയമനടപടികള് ശക്തിപ്പെടുത്തുകയും മയക്കുമരുന്ന് കടത്തുകാരുടെ സാമ്പത്തിക ശൃംഖലകള് തകര്ക്കുകയും അനധികൃത സമ്പാദ്യങ്ങള് കണ്ടുകെട്ടുകയും ചെയ്യുന്നതായി മുഖ്യമന്ത്രി കത്തില് ചൂണ്ടിക്കാട്ടി.
മയക്കുമരുന്ന് കടത്ത് ശൃംഖലകള് വിവിധ സംസ്ഥാനങ്ങളിലായി വ്യാപിച്ചു പ്രവര്ത്തിക്കുന്ന സാഹചര്യത്തില് അവയെ ഫലപ്രദമായി നേരിടുന്നതിന് അയല് സംസ്ഥാനങ്ങളും കേന്ദ്ര ഭരണ പ്രദേശങ്ങളും തമ്മിലുള്ള ഏകോപിത പ്രവര്ത്തനം അനിവാര്യമാണ്. കേരളവും കര്ണാടകയും, തമിഴ്നാടും, പുതുച്ചേരിയും തമ്മിലുള്ള അതിര്ത്തി മേഖലകള്, പ്രധാന റോഡ് ഇടനാഴികള്, വിനോദസഞ്ചാര കേന്ദ്രങ്ങള്, വിദ്യാര്ത്ഥി ശൃംഖലകള്, നഗര വിതരണ കേന്ദ്രങ്ങള് എന്നിവ മയക്കുമരുന്ന് മാഫിയകള് ദുരുപയോഗം ചെയ്യാന് സാധ്യതയുള്ള മേഖലകളാണ്.
നിരവധി അന്തര്സംസ്ഥാന, അന്തര്ദേശീയ മയക്കുമരുന്ന് കടത്തുകാരെ അറസ്റ്റ് ചെയ്യാന് കേരള പൊലീസിന് കഴിഞ്ഞിട്ടുണ്ടെന്നും മുഖ്യമന്ത്രി അറിയിച്ചു. ഇത്തരം സംഘങ്ങളെ ഫലപ്രദമായി നേരിടുന്നതിന് തത്സമയ വിവര കൈമാറ്റം, സംയുക്ത ഓപ്പറേഷനുകള്, ഏകോപിത ആസൂത്രണം എന്നിവ അനിവാര്യമാണ്. ഇതിന്റെ ഭാഗമായി കേരളം, കര്ണാടക, തമിഴ്നാട്, പുതുച്ചേരി എന്നിവിടങ്ങളിലെ ബന്ധപ്പെട്ട ഉദ്യോഗസ്ഥരുടെ ഉന്നതതല യോഗം വിളിച്ചു ചേര്ത്ത് അന്തര്സംസ്ഥാന മയക്കുമരുന്ന് കടത്തിനെതിരെ സംയുക്ത പ്രവര്ത്തന പദ്ധതി രൂപീകരിക്കണമെന്ന് മുഖ്യമന്ത്രി കത്തില് അഭ്യര്ഥിച്ചു.
