മലയാളമിത്രം ഗൾഫ് ഡസ്ക് 
റിയാദ് : റിയാദിലെ ശിഫയിൽ സോഫാസെറ്റ് കമ്പനിയിലുണ്ടായ തീപിടിത്തത്തിൽ ദാരുണമായി കൊല്ലപ്പെട്ട വഴിക്കടവ് കെട്ടുങ്ങൽ സ്വദേശിയായ തോട്ടുംകടവത്തു അബ്ദുൽ ജിഷാരിന്റെ നിർധന കുടുംബത്തിന് റിയാദ് വഴിക്കടവ് പ്രവാസി കൂട്ടയിമ സാമ്പത്തിക സഹായം നൽകി .
ദീർഘകാലം റിയാദിൽ പ്രവാസിയായ അബ്ദുൽ ജിഷാർ അവധി കഴിഞ്ഞു നാട്ടിൽ നിന്നും എത്തി ഒരാഴിച്ച കഴിയുമ്പോയാണ് അപകടം ഉണ്ടാവുന്നത് . ഭാര്യയും നാലു മക്കളും അടങ്ങുന്ന നിർദ്ധന കുടുംബത്തിന്റെ ഏക ആശ്രയം അബ്ദുൽ ജിഷാറായിരുന്നു.
റിവ” അംഗങ്ങളായ വഴിക്കടവ് കാരിൽ നിന്ന് സ്വരൂപിച്ച 7,695 സൗദി റിയാലിനു തുല്യമായ ഇന്ത്യൻ പണം 1,72,500.00 രൂപയുടെ ചെക്ക് ശിഫയിൽ വെച്ചു ചേർന്ന യോഗത്തിൽ വെച്ച് റിവ പ്രസിഡണ്ട് സൈനുൽ ആബിദ് റീവയുടെ ജീവകാരുണ്യ വിഭാഗം ചെയർമാൻ ബാബു ലത്തീഫിന് കൈമാറി .
ചടങ്ങിൽ റിവ ജനറൽ സെക്രട്ടറി റഷീദ് തമ്പലക്കോടൻ , നർഷീദ് ,ഉമ്മർ അമാനത്ത് എന്നിവർ സന്നിഹിതരായി .
