ഇന്ത്യയില്‍ വിവാഹേതര ബന്ധങ്ങള്‍ ഏറ്റവും കൂടുതലുള്ള ഇന്ത്യന്‍ സംസ്ഥാനം ഇതാണ്; പട്ടിക അറിയാം
Malayalamitharam 
റിയാദ്: മാനവവിഭവശേഷി, സാമൂഹിക വികസന മന്ത്രാലയത്തിന് കീഴിലുള്ള ക്വ (Qiwa) പ്ലാറ്റ്‌ഫോമിൽ തൊഴിൽ പെർമിറ്റ് കാലാവധി കഴിഞ്ഞ തൊഴിലാളികളുടെ കാര്യത്തിൽ കർശന നടപടിക്കൊരുങ്ങുന്നു. വർക്ക് പെർമിറ്റ് കാലാവധി കഴിഞ്ഞ് മൂന്ന് മാസത്തിലധികം പിന്നിട്ട തൊഴിലാളികളുടെ വിവരങ്ങൾ സ്ഥാപനങ്ങളുടെ രേഖകളിൽ നിന്ന് ഓട്ടോമാറ്റിക്കായി നീക്കം ചെയ്യുന്നതിനുള്ള അവസാന തീയതി ജൂൺ 30 (ചൊവ്വാഴ്ച) ആണ്.
ജൂലൈ ഒന്ന് ബുധനാഴ്ച മുതൽ ഈ നടപടികൾ പ്ലാറ്റ്‌ഫോം പ്രാബല്യത്തിൽ വരുത്തും. സാധുവായ വർക്ക് പെർമിറ്റ് ഇല്ലാതെ തൊഴിലാളി ജോലി ചെയ്തിരുന്ന കാലയളവിൽ ഉണ്ടായ എല്ലാ കുടിശ്ശിക ബാധ്യതക ൾക്കും ആ തീയതി വരെ തൊഴിലുടമ ഉത്തരവാദിയായിരിക്കുമെന്ന് മന്ത്രാലയം വ്യക്തമാക്കി. നിയമനടപടികളും സാമ്പത്തിക ബാധ്യതകളും ഒഴിവാക്കുന്നതിനായി തൊഴിലുടമകൾ എത്രയും വേഗം തങ്ങളുടെ സ്ഥാപനങ്ങളിലെ തൊഴിലാളികളുടെ വർക്ക് പെർമിറ്റ് കാലാവധി പരിശോധിച്ച്, പുതുക്കുന്നതിനോ സേവനം കൈമാറുന്നതിനോ ഉള്ള നടപടികൾ പൂർത്തിയാക്കണമെന്ന് മന്ത്രാലയം നിർദേശിച്ചു.
ഇഖാമ കാലാവധി; ശ്രദ്ധിക്കേണ്ട കാര്യങ്ങൾ
തൊഴിലാളിയെ സ്ഥാപനത്തിന്റെ രേഖകളിൽ നിന്ന് നീക്കം ചെയ്യാത്ത ഒരു പ്രത്യേക സാഹചര്യം പ്ലാറ്റ്‌ഫോം വിശദീകരിക്കുന്നുണ്ട്. വർക്ക് പെർമിറ്റ് കാലാവധി അവസാനിച്ചാലും, റെസിഡൻസി പെർമിറ്റിന് (ഇഖാമ) 180 ദിവസത്തിൽ കൂടുതൽ കാലാവധിയുണ്ടെങ്കിൽ അവർ ഉടൻ നീക്കം ചെയ്യപ്പെടില്ല. എന്നാൽ, ഇഖാമ കാലാവധി 180 ദിവസത്തിൽ കുറവാണെങ്കിൽ, നിയമനടപടികൾ ഒഴിവാക്കാൻ തൊഴിലുടമകൾ അടിയന്തരമായി വർക്ക് പെർമിറ്റും ഇഖാമയും പുതുക്കേണ്ടതുണ്ട്.
തൊഴിൽ വിപണിയിലെ രേഖകൾ ക്രമീകരിക്കു ന്നതിന്റെ ഭാഗമായാണ് ഇത്തരം നടപടികൾ സ്വീകരിക്കുന്നത്. അതിനാൽ, എല്ലാ തൊഴിലുടമകളും തങ്ങളുടെ സ്ഥാപനങ്ങളിലെ ജീവനക്കാരുടെ വിവരങ്ങൾ ഖിവ പ്ലാറ്റ്‌ഫോമിൽ ലോഗിൻ ചെയ്ത് പരിശോധിക്കണമെന്നും, കാലാവധി കഴിഞ്ഞ വർക്ക് പെർമിറ്റുകൾ ഉടൻ പുതുക്കണമെന്നും മന്ത്രാലയം അഭ്യർത്ഥിക്കുന്നു.
അവസാന തീയതി: ജൂൺ 30 (ചൊവ്വാഴ്ച).
നടപടി: 3 മാസത്തിൽ കൂടുതൽ പെർമിറ്റ് കാലാവധി കഴിഞ്ഞവർ ഓട്ടോമാറ്റിക്കായി നീക്കം ചെയ്യപ്പെടും.
ബാധ്യത: പെർമിറ്റ് ഇല്ലാത്ത കാലയളവിലെ ഫീസുകൾ തൊഴിലുടമ അടയ്ക്കണം.
180 ദിവസത്തെ ഇളവ്: ഇഖാമയ്ക്ക് 180 ദിവസത്തിൽ കൂടുതൽ കാലാവധിയുള്ളവർക്ക് നിലവിൽ തടസ്സമില്ല.
