മലയാളമിത്രം ഗൾഫ് ഡസ്ക് 
അബുദാബി: അബുദാബി ബിഗ് ടിക്കറ്റ് നറുക്കെടുപ്പിൽ മലയാളിക്കും സുഹൃത്തുക്കൾ ക്കും സമ്മാനം. 1.5 കോടി ദിർഹം (33.89 കോടി രൂപ)യാണ് സമ്മാനം സ്വന്തമാക്കിയിരി ക്കുന്നത്. 20 അംഗ മലയാളി സംഘം ആണ് ടിക്കറ്റ് സ്വന്തമാക്കിയത്. അൽഐനിൽ ഡ്രാഫ്റ്റ്സ്മാൻ ആയി ജോലി ചെയ്യുന്ന മലയാളി രാജീവ് അരിക്കാട്ടിൽ ആണ് ടിക്കറ്റ് എടുത്തത്. സമ്മാനത്തുക 20 പേരും ചേർന്ന് ആനുപാതികമായി വീതിക്കും. തുക എന്ത് ചെയ്യണമെന്ന് താൻ തീരുമാനിച്ചിട്ടില്ലെന്ന് രാജീവ് പറഞ്ഞു.
ശനിയാഴ്ച നടന്ന 260–ാമത് ബിഗ് ടിക്കറ്റ് നറുക്കെടുപ്പിലാണ് മലയാളികൾക്ക് ഗ്രാൻഡ് പ്രൈസ് ലഭിച്ചത്. നറുക്കെടുപ്പ് കഴിഞ്ഞ ശേഷം തന്നെ ബിഗ് ടിക്കറ്റ് അധികൃതർ ഫോണിൽ വിളിച്ചു. ആദ്യം തനിക്ക് ഇത് വിശ്വസിക്കാൻ സാധിച്ചില്ല. സമ്മാനം എന്നെങ്കിലും ലഭിക്കും എന്ന് ഉറപ്പുണ്ടായിരുന്നു. എന്നാൽ ഇത്രയും വലിയ തുക സമ്മാനമായി ലഭിക്കും എന്ന് താൻ ഒരിക്കും കരുതിയില്ലെന്ന് രാജീവ് പ്രതികരിച്ചു.
തന്റെ കൂടെ ടിക്കറ്റ് എടുത്ത എല്ലാവരും ഇപ്പോഴും ഞെട്ടൽ മാറിയിട്ടില്ല. എല്ലാം ഒരു സ്വപ്നമായാണ് താൻ കാണുന്നത്. അഞ്ചും എട്ടും വയസ്സുള്ള മക്കളോടും ഭാര്യയോടു മൊപ്പം അൽഐനിലാണ് രാജീവ് താമസിക്കുന്നത്. മൂന്ന് വർഷം മുൻപാണ് ബിഗ് ടിക്കറ്റിൽ തന്റെ ഭാഗ്യ പരീക്ഷണം രാജീവ് തുടങ്ങിയത്.
