കൊണ്ടും കൊടുത്തും വെല്ലുവിളിച്ചും! “ആദ്യം യെമനിലേക്ക് വരൂ, എന്നിട്ടാകാം ഇറാാൻ”: ട്രംപിനെ വെല്ലുവിളിച്ച് ഹൂത്തികൾ

സനാ: നിയുക്ത അമേരിക്കൻ പ്രസിഡന്റ് ഡൊണാൾഡ് ട്രംപിനെ പരസ്യമായി വെല്ലുവിളിച്ച് യെമനിലെ ഹൂത്തി വിമതർ. ഇറാനെ ലക്ഷ്യം വെക്കുന്നതിന് മുൻപ് അമേരിക്കൻ കരസേനയെ യെമനിലേക്ക് അയ ക്കാൻ ട്രംപ് തയ്യാറാകണമെന്ന് മുതിർന്ന ഹൂത്തി ഉദ്യോഗസ്ഥൻ ഇറാനിയൻ മാധ്യമങ്ങളോട് പറഞ്ഞു.

തങ്ങളുടെ സൈനിക കരുത്ത് പരീക്ഷിക്കാൻ യെമൻ മണ്ണിലേക്ക് വരാൻ അമേരിക്കയെ ഹൂത്തികൾ ക്ഷണിച്ചു. യെമനിൽ വിജയിക്കാൻ സാധിച്ചാൽ മാത്രമേ ഇറാനിലേക്ക് നീങ്ങുന്നതിനെക്കുറിച്ച് അമേരിക്ക ചിന്തിക്കേണ്ടതുള്ളൂ എന്നാണ് ഇവരുടെ നിലപാട്.

ഹൂത്തികൾക്ക് നിലവിൽ 4,00,000 സായുധ പോരാളികളുടെ പിന്തുണയുണ്ടെന്ന് ഉദ്യോഗസ്ഥൻ അവകാശപ്പെട്ടു. ഏതൊരു വിദേശ അധിനിവേശത്തെയും നേരിടാൻ സജ്ജമായ വലിയൊരു സൈന്യ മാണ് തങ്ങൾക്കുള്ളതെന്ന് അദ്ദേഹം ഓർമ്മിപ്പിച്ചു. മേഖലയിൽ ഇറാന്റെ ഏറ്റവും അടുത്ത സഖ്യക ക്ഷികളിലൊന്നാണ് ഹൂത്തികൾ. ഇറാനെതിരെയുള്ള നീക്കങ്ങളെ യെമനിൽ വെച്ച് തന്നെ പ്രതിരോധിക്കുമെന്ന ശക്തമായ സൂചനയാണ് ഈ പ്രസ്താവന നൽകുന്നത്.

ഇറാനെതിരെ കൂടുതൽ കർശനമായ നിലപാടുകൾ ഉണ്ടാകുമെന്ന റിപ്പോർട്ടുകൾക്കിടയിലാണ് ഈ പ്രകോപനപരമായ പ്രസ്താവന പുറത്തുവരുന്നത്. ചെങ്കടലിലെ കപ്പൽ ഗതാഗതത്തിന് ഭീഷണി ഉയർത്തുന്ന ഹൂത്തികളെ അടിച്ചമർത്താൻ ട്രംപ് മുൻപ് കടുത്ത നടപടികൾ സ്വീകരിച്ചിരുന്നു. ഹൂത്തികളുടെ ഈ നീക്കം പശ്ചിമേഷ്യയിൽ വീണ്ടും യുദ്ധഭീതി വർദ്ധിപ്പിച്ചിരിക്കുകയാണ്. അമേരിക്കയുടെ ഔദ്യോഗിക പ്രതികരണം ഇതിനോട് ഇതുവരെ പുറത്തുവന്നിട്ടില്ല.