ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
റിയാദ്: ലോകത്തിന്റെ വിവിധ കോണുകളിൽ നിന്നും വിശുദ്ധ ഹജ്ജ് കർമ്മത്തിനായി പുണ്യഭൂമി യിലേക്ക് ഒഴുകിയെത്തുന്ന ലക്ഷക്കണക്കിന് തീർത്ഥാടകർക്ക് കൈത്താങ്ങുമായി ഒഐസിസി സൗദി നാഷണൽ കമ്മറ്റി. റിയാദ് സെൻട്രൽ കമ്മറ്റിയുടെ നേതൃത്വത്തിൽ വിവിധ ജില്ലാ കമ്മറ്റികളെ ഏകോപിപ്പിച്ചുകൊണ്ട് വിപുലമായ ഹജ്ജ് സേവന പ്രവർത്തനങ്ങളാണ് ഇത്തവണ സജ്ജീകരിച്ചിരിക്കുന്നത്.
മനുഷ്യസ്നേഹത്തിന്റെയും സഹജീവി കാരുണ്യ ത്തിന്റെയും ഉദാത്തമായ മാതൃക തീർത്തുകൊണ്ട് രാപ്പകലില്ലാതെ നൂറുകണക്കിന് വോളന്റിയർമാരാണ് ഈ പുണ്യപ്രവർത്തിക്കായി രംഗത്തിറങ്ങി യിട്ടുള്ളത്.
ആയിരത്തോളം ബാഗുകളും വിപുലമായ സൗകര്യങ്ങളുംതീർത്ഥാടകർക്ക് ആവശ്യമായ എല്ലാവിധ സഹായങ്ങളും ഉറപ്പുവരുത്താൻ വിപുലമായ സംവിധാനങ്ങളാണ് ഒഐസിസി ഒരുക്കിയിട്ടുള്ളത്:
ഹാജിമാർക്കായി ഏകദേശം ആയിരത്തോളം ബാഗുകൾ ഒഐസിസിയുടെ നേതൃത്വത്തിൽ വിതരണം ചെയ്യുന്നു. പുണ്യനഗരിയിലെത്തുന്ന ഹാജിമാർക്ക് കൃത്യമായ മാർഗനിർദേശങ്ങൾ നൽകാൻ പ്രത്യേക വോളന്റിയർ വിംഗ്. യാത്രയ്ക്കിടയിലും കർമ്മങ്ങൾക്കിടയിലും ശാരീരിക ബുദ്ധിമുട്ടുകൾ നേരിടുന്നവർക്ക് അടിയന്തര മെഡിക്കൽ സഹായം. കഠിനമായ ചൂടിനെ പ്രതിരോധിക്കാൻ ആവശ്യമായ കുടിവെള്ളവും ഭക്ഷണവും യഥാസമയം വിതരണം ചെയ്യുന്നു.
“ഹജ്ജ് സേവനം എന്നത് മനുഷ്യസ്നേഹത്തിന്റെ മഹത്തായ അടയാളപ്പെടുത്തലാണ്. വിവിധ ജില്ലാ കമ്മറ്റികളുടെ കൂട്ടായ പ്രവർത്തനമാണ് ഈ വർഷത്തെ സേവന പ്രവർത്തനങ്ങളെ കൂടുതൽ ഊർജ്ജസ്വല മാക്കുന്നത്.”ഒഐസിസി റിയാദ് സെൻട്രൽ കമ്മറ്റി ബത്ഹ സബർമതിയിൽ നടന്ന അവലോകന യോഗത്തിൽ ഹജ്ജ് സേവന പ്രവർത്തനങ്ങളുടെ ഇതുവരെയുള്ള പുരോഗതി റിയാദ് ഹജ്ജ് സെൽ കോർഡിനേറ്റർ മാള മുഹ്യിദ്ദീൻ ഹാജി വിശദീകരിച്ചു. സെൻട്രൽ കമ്മറ്റി പ്രസിഡന്റ് സലീം കളക്കര യോഗത്തിൽ അധ്യക്ഷത വഹിച്ചു.
ഒഐസിസി നേതാക്കളായ രഘുനാഥ് പർശിനിക്കടവ്, ഷാജി മഠത്തിൽ, സൈഫ് കായംകുളം, മൃദുല വിനീഷ്, ഷാജി സോണ, ഷാനവാസ് മുനമ്പത്ത്, നൗഫൽ പാലക്കാടൻ, യഹ്യ കൊടുങ്ങല്ലൂർ, നവാസ് വെള്ളി മാട്കുന്ന്, ബഷീർ കോട്ടയം, ഷുക്കൂർ ആലുവ, മാത്യു എറണാകുളം തുടങ്ങിയവർ ചടങ്ങിൽ സംസാരിച്ചു. ജനറൽ സെക്രട്ടറി സുരേഷ് ശങ്കർ സ്വാഗതവും, ട്രഷറർ സന്തോഷ് ആലപ്പുഴ നന്ദിയും രേഖപ്പെടുത്തി.
കമറുദ്ദീൻ ആലപ്പുഴ, ഖാൻ പത്തനംതിട്ട, കരീം കൊടുവള്ളി, നാസർ മാവൂർ, അമീർ പട്ടണത്ത്, നാസർ വലപ്പാട്, ബാബുക്കുട്ടി തുടങ്ങിയ പ്രവാസി നേതാക്കൾ ഹജ്ജ് സെൽ പ്രവർത്തനങ്ങൾക്ക് ആവശ്യമായ നേതൃത്വം നൽകി വരുന്നു. സമൂഹത്തിന് തന്നെ വലിയ മാതൃകയാകുന്ന ഈ കാരുണ്യ പ്രവർത്തനങ്ങളിൽ പങ്കാളികളായ മുഴുവൻ സന്നദ്ധ പ്രവർത്തകരെയും റിയാദ് സെൻട്രൽ കമ്മറ്റി അഭിനന്ദിച്ചു
