ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ഗള്ഫ് ഡസ്ക് 
റിയാദ് / തിരുവനന്തപുരം: ഒഐസിസി റിയാദ് സെൻട്രൽ കമ്മിറ്റി ഏർപ്പെടുത്തിയ പ്രഥമ “ഉമ്മൻ ചാണ്ടി മെമ്മോറിയൽ എക്സലൻസി പുരസ്കാരം” കരുനാഗപ്പള്ളി എം.എൽ.എ സി.ആർ. മഹേഷിന് സമ്മാനിച്ചു. ഒരു ലക്ഷം രൂപയും പ്രശസ്തിപത്രവും ഫലകവും ഉൾപ്പെടുന്നതാണ് പുരസ്കാരം.
തിരുവനന്തപുരം കെ.പി.സി.സി ആസ്ഥാനത്ത് നടന്ന ചടങ്ങിൽ കേരളത്തിന്റെ സാംസ്കാരിക-ടൂറിസം വകുപ്പ് മന്ത്രി പി.സി. വിഷ്ണുനാഥ് പുരസ്കാരം സമ്മാനിച്ചു. സമൂഹത്തോടുള്ള പ്രതിബദ്ധതയും ജനകീയ ഇടപെടലുകളും പൊതുപ്രവർത്തന മികവും മുൻനിർത്തിയാണ് സി.ആർ. മഹേഷിനെ പുരസ്കാരത്തിന് തെരഞ്ഞെടുത്തതെന്ന് സംഘാടകർ അറിയിച്ചു.
തുടർന്ന് കെ.പി.സി.സി ആസ്ഥാനത്ത് നടന്ന അനുമോദന സമ്മേളനത്തിൽ ഒഐസിസി റിയാദ് സെൻട്രൽ കമ്മിറ്റി പ്രസിഡന്റ് സലീം കളക്കര അധ്യക്ഷത വഹിച്ചു. മന്ത്രി പി.സി. വിഷ്ണുനാഥ് സമ്മേളനം ഉദ്ഘാടനം ചെയ്തു. സെൻട്രൽ കമ്മിറ്റി സീനിയർ വൈസ് പ്രസിഡന്റ് രഘുനാഥ് പറശ്ശിനിക്കടവ് ആമുഖപ്രഭാഷണം നടത്തി.
ചടങ്ങിൽ കെ.പി.സി.സി ജനറൽ സെക്രട്ടറിമാരായ നെയ്യാറ്റിൻകര സനൽ, പി.എ. സലീം, ബാലകൃഷ്ണൻ പെരിയ, ഒഐസിസി നേതാക്കളായ അബ്ദുള്ള വല്ലാഞ്ചിറ, മുഹമ്മദലി മണ്ണാർക്കാട്, അമീർ പട്ടണത്ത്, സക്കീർ ദാനത്ത്, യഹിയ കൊടുങ്ങല്ലൂർ, സലീം അർത്തിയിൽ,ഹക്കീം പട്ടാമ്പി, ജോൺസൺ മാർക്കോസ്, നാസർ വലപ്പാട്, നസീർ ഹനീഫ കൊല്ലം എന്നിവർ ആശംസകൾ നേർന്നു സംസാരിച്ചു.
സെൻട്രൽ കമ്മിറ്റി ജനറൽ സെക്രട്ടറി നിഷാദ് ആലങ്കോട് സ്വാഗതവും സെക്രട്ടറി റഫീഖ് വെമ്പായം നന്ദിയും രേഖപ്പെടുത്തി. അശ്റഫ് വടക്കേവിള, ടി.കെ. അശ്റഫ് പൊന്നാനി, അയ്യൂബ് ഖാൻ, ജലാൽ മൈനാഗപ്പള്ളി, ഇസ്മായിൽ എരുമേലി, കെ.എം നൗഷാദ്, അനീഷ് കുരിശിങ്കൽ, കെ.കെ തോമസ്, എസ്.പി ഷാനവാസ്, സക്കീർ ആലുവ, അബ്ദുള്ള കൊറളായി തുടങ്ങിയ നേതാക്കളും മുൻ ഭാരവാഹികളും ചടങ്ങിൽ സന്നിഹിതരായി.
കരുനാഗപ്പള്ളി മണ്ഡലത്തിൽ സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിൽ നടത്തിയ ശ്രദ്ധേയമായ പ്രവർത്തനങ്ങളും മദ്യം, മയക്കുമരുന്ന് ഉൾപ്പെടെയുള്ള സാമൂഹിക തിന്മകൾക്കെതിരായ ബോധവൽക്കരണ പ്രവർത്തനങ്ങളും സമൂഹത്തിലെ പിന്നാക്കവിഭാഗങ്ങളുടെ ശാക്തീകരണത്തിനായി നടപ്പാക്കിയ വിവിധ പദ്ധതികളും പരിഗണിച്ചാണ് സി.ആർ. മഹേഷിനെ പുരസ്കാരത്തിന് അർഹനായി തെരഞ്ഞെടുത്തത്.
ഒഐസിസി റിയാദ് സെൻട്രൽ കമ്മിറ്റി സംഘടിപ്പിച്ച ഉമ്മൻ ചാണ്ടി അനുസ്മരണ സമ്മേളനത്തിലാണ് പുരസ്കാര ജേതാവിന്റെ പേര് ചാണ്ടി ഉമ്മൻ എം.എൽ.എ പ്രഖ്യാപിച്ചത്. കെ.പി.സി.സി ജനറൽ സെക്രട്ടറി പി.എ. സലീം, സി. ഹരിദാസ്, സോണി സെബാസ്റ്റ്യൻ എന്നിവർ അംഗങ്ങളായ ജൂറിയാണ് പുരസ്കാര ജേതാവിനെ തെരഞ്ഞെടുത്തത്.
മുൻ മുഖ്യമന്ത്രി ഉമ്മൻ ചാണ്ടിയുടെ ജനകീയ രാഷ്ട്രീയവും പൊതുസേവന മൂല്യങ്ങളും ഉയർത്തിപ്പിടിക്കുന്നതിനായി ഏർപ്പെടുത്തിയ ഈ പുരസ്കാരം, സമൂഹത്തിന് മാതൃകാപരമായ സംഭാവനകൾ നൽകുന്ന ജനപ്രതിനിധികളെ ആദരിക്കുന്നതിനുള്ള ഒഐസിസി റിയാദ് സെൻട്രൽ കമ്മിറ്റിയുടെ ശ്രദ്ധേയമായ സംരംഭമായാണ് വിലയിരുത്തപ്പെടുന്നത്. S
