അന്താരാഷ്ട്ര ഡെസ്ക് 
ടോക്കിയോ ഒളിംപിക്‌സില്‍ ഇന്ത്യയുടെ സ്വര്‍ണ മെഡല്‍ പ്രതീക്ഷയായിരുന്ന സൂപ്പര്‍ താരം പിവി സിന്ധുവിന് ബാഡ്മിന്റണ്‍ സിംഗിള്‍സ് സെമി ഫൈനലില്‍ ഞെട്ടിക്കുന്ന തോല്‍വി. ചൈനീസ് തായ്‌പേയിയുടെ തായ് സു യിങാണ് നേരിട്ടുള്ള സെറ്റുകള്‍ക്കു റിയോ ഒളിംപിക്‌സിലെ വെള്ളി മെഡല്‍ ജേതാവ് കൂടിയായ സിന്ധുവിനെ തകര്‍ത്തുവിട്ടത്.
സ്‌കോര്‍: 18-21, 11-21. എങ്കിലും സിന്ധുവിന്റെ മെഡല്‍ പ്രതീക്ഷ അസ്തമിച്ചിട്ടില്ല. വെങ്കല മെഡലിനു വേണ്ടിയുള്ള മല്‍സരത്തില്‍ അവര്‍ ചൈനയുടെ ഹെ ബിങ് ജിയാവോയുമായി ഏറ്റുമുട്ടും. നാലാം സീഡും ആതിഥേയ താരവുമായ അകാനെ യമഗുച്ചിയെ പരാജയപ്പെടുത്തി സെമിയിലേക്കു കുതിച്ച സിന്ധുവിന് പക്ഷെ പ്രതീക്ഷയ്‌ക്കൊത്ത പ്രകടനം പുറത്തെടുക്കാനായില്ല.
