ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ ഏറണാകുളം 
കൊച്ചി: അന്തരിച്ച ചലച്ചിത്ര നടി കവിയൂര് പൊന്നമ്മയുടെ സംസ്കാരം ഇന്ന് വൈകുന്നേരം നാലിന് ആലുവയിലെ വീട്ടു വളപ്പില് നടക്കും. രാവിലെ ഒമ്പത് മുതല് ഉച്ചക്ക് 12 വരെ കളമശേരി മുനിസിപ്പില് ടൗണ് ഹാളില് ഭൗതിക ശരീരം പൊതുദര്ശനത്തിന് വെക്കും.
അമ്മ കഥാപാത്രങ്ങളിലൂടെ മലയാള സിനിമ പ്രേക്ഷകരുടെ മനസില് ഇടം നേടിയ സിനിമ, നാടക നടി കവിയൂര് പൊന്നമ്മ കൊച്ചിയിലെ സ്വകാര്യ ആശുപത്രിയില് ചികിത്സയില് കഴിയവെ ഇന്നലെ വൈകുന്നേരമാണ് വിട പറഞ്ഞത്. കഴിഞ്ഞ കുറച്ച് ദിവസങ്ങളായി ആരോഗ്യനില ഗുരുതരമായി തുടരുകയായിരുന്നു.
വാര്ധക്യ സഹജമായ അസുഖങ്ങളെ തുടര്ന്നാണ് പൊന്നമ്മയെ ആശുപത്രിയില് പ്രവേശിപ്പിച്ചത്. തീവ്രപരിചരണ വിഭാഗത്തില് നിരീക്ഷണത്തിലായിരുന്നു അവര്. കുറച്ച് നാളുകളായി അഭിനയത്തില് നിന്ന് വിട്ടുനില്ക്കുന്ന കവിയൂര് പൊന്നമ്മ വടക്കന് പറവൂര് കരുമാല്ലൂരിലെ വീട്ടില് വിശ്രമ ജീവിതത്തിലായിരുന്നു.
