ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ മലപ്പുറം 
മലപ്പുറം: തെരഞ്ഞെടുപ്പിലെ വിജയാഹ്ലാദ പ്രകടനത്തിനിടെ പടക്കം പൊട്ടിത്തെറിച്ച് യുവാവിന് ദാരുണാന്ത്യം. മലപ്പുറം പെരിയമ്പലം പലേക്കോടന് മൊയ്തീന്കുട്ടിയുടെ മകന് ഇര്ഷാദ് (27) ആണു പൊള്ളലേറ്റ് മരിച്ചത്. ചെറുകാവ് പഞ്ചായത്തിലെ തദ്ദേശ തെരഞ്ഞെടുപ്പിലെ യുഡിഎഫ് ആഹ്ലാദ പ്രകടനത്തിനിടെ ഇര്ഷാദിന്റെ സ്കൂട്ടറിന്റെ മുന്നില് സൂക്ഷിച്ചിരുന്ന പടക്കങ്ങളിലേക്ക് തീ പടര്ന്നതാണ് പൊട്ടിത്തെറിക്ക് കാരണമായത്.
ചെറുകാവ് പഞ്ചായത്തിലെ ഒമ്പതാം വാര്ഡ് പെരിയമ്പലത്തെ ഇലക്ഷന് വിജയാഹ്ലാദത്തിനിടെയാണ് അപകടം. സ്കൂട്ടറിന് മുന്നില് വെച്ച പടക്കം മറ്റാളുകള്ക്ക് വിതരണം ചെയ്ത് പോവുകയായിരുന്നു ഇര്ഷാദ്. അതിനിടയില് സമീപത്ത് പടക്കം പൊട്ടിക്കുകയായിരുന്ന പടക്കത്തില് നിന്നുള്ള തീപ്പൊരി സ്കൂട്ടറിലെ പടക്കത്തിലേക്ക് തെറിച്ചുവീഴുകയായിരുന്നു. പടക്കം ഒന്നാകെ പൊട്ടിയാണ് മരണം.
പൊട്ടിത്തെറിയില് സ്കൂട്ടറില് ഇരിക്കുകയായിരുന്ന ഇര്ഷാദിനു ഗുരുതരമായി പരിക്കേറ്റു. ഉടന് തന്നെ കോഴിക്കോട് മെഡിക്കല് കോളജ് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിക്കുകയായിരുന്നു. മൃതദേഹം കോഴിക്കോട് മെഡിക്കല് കോളജ് ആശുപത്രിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടത്തിനു ശേഷം ബന്ധുക്കള്ക്ക് വിട്ടുനല്കും.
