ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കൊച്ചി 
കൊച്ചി: മയക്കുമരുന്ന് ഉപയോഗം തടയാന് ലക്ഷ്യമിട്ട് കൊച്ചി നഗരത്തില് അര്ധരാത്രിയില് നടത്തിയ മിന്നല് പരിശോധനയില് നിരവധി പേര് പിടിയില്. ലഹരി കടത്തിയവരും ഉപയോഗിച്ചവരും അടക്കം 300 പേരെ പൊലീസ് പിടികൂടി. എംഡിഎംഎയും ഹഷീഷ് ഓയിലും അടക്കമുള്ളവ പിടിച്ചെടുത്തു. മിന്നല് പരിശോധനയില് മദ്യപിച്ച് വാഹനമോടിച്ച 193 പേരും കുടുങ്ങി. മിന്നല് പരിശോധന രാത്രി മുതല് പുലര്ച്ചെ വരെ നീണ്ടു.
ലഹരി മരുന്നിന്റെ ഉപയോഗം കൂടുന്നു എന്നും യുവാക്കള് ഇതിന് അടിപ്പെടുന്നുവെന്നുമുള്ള റിപ്പോര് ട്ടുകളുടെ അടിസ്ഥാനത്തിലാണ് കൊച്ചി നഗരത്തില് സിറ്റി പൊലീസ് പരിശോധന കര്ശനമാക്കിയത്. വാരാന്ത്യത്തില് യുവാക്കള് നഗരത്തിന്റെ പല പ്രദേശങ്ങളിലും തമ്പടിക്കുന്നതായും അവിടെ ലഹരി മരുന്ന് വിതരണം നടക്കുന്നതുമായുള്ള രഹസ്യ വിവരത്തിന്റെ അടിസ്ഥാനത്തിലായിരുന്നു ഇന്നലെ മിന്നല് പരിശോധന.
ഇന്നലെ രാവിലെ എക്സൈസിന്റെ നേതൃത്വത്തില് ജില്ലയില് ഉടനീളം പരിശോധന നടത്തിയിരുന്നു. ഇതിന്റെ തുടര്ച്ചയായാണ് സിറ്റി പൊലീസ് അര്ധരാത്രി മുതല് പരിശോധന ആരംഭിച്ചത്. ഡിസിപി ഉള്പ്പെടെയുള്ളവര് പരിശോധനയ്ക്ക് നേതൃത്വം നല്കി. കൊച്ചി നഗരത്തില് നിന്ന് എളുപ്പം പുറത്തു കടക്കാന് കഴിയുന്ന എല്ലാ വഴികളും അടച്ച് പഴുതടച്ച പരിശോധനയാണ് നടന്നത്.
എംഡിഎംഎയും ഹഷീഷ് ഓയിലും പിടികൂടിയതുമായി ബന്ധപ്പെട്ട് 77 കേസുകളാണ് രജിസ്റ്റര് ചെയ്തത്. 80 ലധികം പേരാണ് പ്രതികള്. മദ്യപിച്ച് വാഹനമോടിച്ചതിന് 193 പേര്ക്കെതിരെ കേസെടുത്തു. ഇത് പ്രാഥമിക കണക്ക് മാത്രമാണെന്ന് പൊലീസ് വ്യക്തമാക്കി.
