ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കൊച്ചി 
കൊച്ചി: പെരുമ്പാവൂര് രായമംഗലത്ത് നഴ്സിങ് വിദ്യാര്ഥിനിയെ വീട്ടില്ക്കയറി വെട്ടിപരിക്കേല്പ്പിച്ച ശേഷം യുവാവ് തൂങ്ങി മരിച്ചു. രായമംഗലം മുരിങ്ങാമ്പിള്ളിയില് അല്ക്ക അന്ന ബിനു(19)വിനെയാണ് മാരകമായി വെട്ടി പരിക്കേല്പ്പിച്ചത്. ഇരിങ്ങോള് സ്വദേശി എല്ദോസാണ് പെണ്കുട്ടിയെ ആക്രമിച്ചത്. ആക്രമണം തടയാനുള്ള ശ്രമത്തിനിടെ അല്ക്കയുടെ മുത്തച്ഛനും മുത്തശ്ശിക്കും വെട്ടേറ്റു.
കൃത്യം നടത്തിയ ശേഷം എല്ദോസ് സ്വന്തം വീട്ടില് തൂങ്ങിമരിക്കുകയായിരുന്നു. ചൊവ്വാഴ്ച ഉച്ചയ്ക്ക് ഒരുമണിയോടെയായിരുന്നു നാടിനെ നടുക്കിയ സംഭവം. ആയുധ വുമായി അല്ക്കയുടെ വീട്ടിലെത്തിയെ പ്രതി പെണ്കുട്ടിയെ അതിക്രൂരമായി വെട്ടി പരിക്കേല്പ്പിക്കുകയായിരുന്നു. പെണ്കുട്ടിയുടെ തലയ്ക്കും കഴുത്തിനും ആഴത്തില് വെട്ടേറ്റിട്ടുണ്ട്.
ആക്രമണം തടയാന് ശ്രമിക്കുന്നതിനിടെയാണ് അല്ക്കയുടെ മുത്തച്ഛന് കാണിയാട്ട് ഔസേപ്പ്, മുത്തശ്ശി ചിന്നമ്മ എന്നിവര്ക്ക് വെട്ടേറ്റത്. നിലവില് ആലുവയിലെ സ്വകാര്യ ആശുപത്രിയില് ചികിത്സയിലുള്ള പെണ്കുട്ടിയുടെ ആരോഗ്യനില ഗുരുതരമായി തുടരുകയാണ്. പരിക്കേറ്റ ബന്ധുക്കളും ചികിത്സയിലാണ്.
പാലാരിവട്ടത്തെ സ്വകാര്യ സ്ഥാപനത്തില് വിദ്യാര്ഥിയായ പ്രതി എല്ദോസും കോലഞ്ചേരിയില് നഴ്സിങ് വിദ്യാര്ഥിനിയായ അല്ക്കയും തമ്മില് നേരത്തെ പരിചയമുണ്ടായിരുന്നതായാണ് വിവരം. അടുത്തിടെ ഇവര് തമ്മില് അകല്ച്ചയി ലായെന്നും ഇതാണ് ആക്രമണത്തിന് കാരണമായതെന്നുമാണ് പൊലീസ് നല്കുന്ന സൂചന.
അല്ക്കയെ വീട്ടില്ക്കയറി ആക്രമിച്ച ശേഷം സംഭവസ്ഥലത്തു നിന്ന് എല്ദോസ് രക്ഷപ്പെട്ടിരുന്നു. തുടര്ന്ന് പൊലീസ് നടത്തിയ അന്വേഷണത്തിലാണ് പ്രതിയെ സ്വന്തം വീട്ടില് തൂങ്ങി മരിച്ച നിലയില് കണ്ടെത്തിയത്.
