ക്രിമിനല്‍ കുറ്റാരോപണങ്ങള്‍ പരിശോധിക്കാന്‍ സമിതിക്ക്‌ അധികാരമില്ല, ചെയര്‍മാന്‌ കത്തയച്ച് മഹുവ
അനു ആമി 
റിയാദ് : ആടിയും,പാടിയും,കളിച്ചും മത്സരിച്ചും, ഒരുമിച്ചിരുന്ന് ഭക്ഷണം കഴിച്ച് വിശേഷങ്ങൾ പങ്കു വെച്ചും പ്രവാസലോകത്തെ എല്ലാ തിരക്കുകളും മാറ്റിവെച്ച് അവർ ഒത്തു ചേർന്നു. റിയാദ് ഓ ഐ സി സി മലപ്പുറം ജില്ലാ കമ്മിറ്റി ജില്ലയിൽ നിന്നുള്ള ഓ ഐ സി സി അംഗങ്ങൾക്കും, കുടുംബങ്ങൾ ക്കുമായി സംഘടിപ്പിച്ച വിന്റർ ഫെസ്റ്റ് – ‘ശിശിര ശിബിരം’ ആണ് സംഘാടക മികവുകൊണ്ടും പങ്കാളിത്തം കൊണ്ടും ശ്രദ്ധേയമായത് .
സുലൈ എക്സിറ്റ് 18 ലെ ഇസ്തിറാഹയിൽ സംഘടിപ്പിച്ച പരിപാടി ഏറെ വൈവിധ്യമുള്ളതായിരുന്നു. കുട്ടികൾക്കും മുതിർന്നവർക്കുമായി ഫുട്ബോൾ ഷൂട്ടൗട്ട്, വടംവലി തുടങ്ങി വിവിധ മത്സരങ്ങൾ സംഘടിപ്പിച്ചു. കുട്ടികളുടെ വിവിധ കലാ പരിപാടികളും അരങ്ങേറി. ചെറിയ സ്റ്റാളുകളിലായി ഒരുക്കിയ ചായ, സ്നാക്സ്, കോൺ, ബിരിയാണി, ഗ്രിൽഡ് ചിക്കൻ, കപ്പ, മീൻകറി എന്നിവ ഈ ഒത്തു ചേരൽ ഭക്ഷ്യ വൈവിധ്യത്തിന്റേത് കൂടിയാക്കി.
വണ്ടൂർ,നിലമ്പൂർ,വേങ്ങര, തിരുരങ്ങാടി,കൊണ്ടോട്ടി,പെരിന്തൽമണ്ണ എന്നീ നിയോജകമണ്ഡലം കമ്മി റ്റികൾക്ക് കീഴിലുള്ള ടീമുകൾ പങ്കെടുത്ത വാശിയേറിയ വടംവലി മത്സരത്തിൽ തിരൂരങ്ങാടി നിയോ ജകമണ്ഡലം ടീം ജേതാക്കളായി. വേങ്ങര നിയോജകമണ്ഡലം രണ്ടാം സ്ഥാനത്ത് എത്തി. വിജയികൾക്ക് റഹ്മാൻ മുനമ്പത്ത്,റിയാദ് ഒ ഐ സി സി മലപ്പുറം ജില്ല പ്രസിഡണ്ട് സിദ്ദീഖ് കല്ലുപറമ്പൻ എന്നിവർ ട്രോഫികൾ വിതരണം ചെയ്തു.
റിയാദ് ഒ ഐ സി സി മലപ്പുറം ജില്ലാ പ്രസിഡണ്ട് സിദ്ധിക്ക് കല്ലുപറമ്പൻ, മുതിർന്ന നേതാക്കളായ റസാഖ് പൂക്കോട്ടുമ്പാടം,നൗഫൽ പാലക്കാടൻ, അബ്ദുള്ള വല്ലാഞ്ചിറ, സലീം കളക്കര,,സക്കീർ ദാനത്ത്,അമീർ പട്ടണത്ത് , യഹ്യ കൊടുങ്ങല്ലൂർ, രഘുനാഥ് പറശ്ശിനിക്കടവ്, ജയൻ കൊടുങ്ങല്ലൂർ എന്നിവരുടെ സജീവ സാന്നിധ്യം പ്രവർത്തകർക്ക് ആവേശം പകർന്നു.
പ്രോഗ്രാം കൺവീനർ വഹീദ് വാഴക്കാട്, ജില്ലാ ഭാരവാഹികളായ ജംഷാദ് തുവ്വൂർ,സാദിക്ക് വടപുറം, സൈനുദ്ധീൻ,ഷറഫു ചിറ്റൻ,ഷമീർ മാളിയേക്കൽ,ഭാസ്കരൻ,ഉണ്ണി വാഴയൂർ,പ്രഭാകരൻ,അൻസാർ വാഴക്കാട്, മുത്തു പാണ്ടിക്കാട് , ബൈജു വേങ്ങര, ഷൌക്കത്ത് നിലമ്പുർ,ഷുക്കൂർ ശിഫ, അബൂബക്കർ, റഫീഖ് കൊടിഞ്ഞി,ബഷീർ വണ്ടൂർ,അൻസാർ നൈതല്ലൂർ,അലി അഹമ്മദ് ആസാദ്,ബഷീർ കോട്ട ക്കൽ,സലീം വാഴക്കാട്,ബനൂജ്, മജീദ് ന്യൂ സിക്സ്റ്റീൻ,ഫൈസൽ തമ്ബലക്കാടൻ , ഉമർ അലി വേങ്ങര, സഗീർ വണ്ടൂർ, മുജീബ് പെരിന്തൽമണ്ണ, ഫിറോസ് മാസ്റ്റർ തുടങ്ങിയവർ വിവിധ പരിപാടികൾക്ക് നേതൃത്വം നൽകി. ശിശിര ശിബിരം വൻ വിജയമാക്കുന്നതിന് വേണ്ടി അഹോരാത്രം പ്രയത്നിച്ച മുഴുവൻ നേതാക്കളെയും പ്രവർത്തകരെയും ജില്ലാ കമ്മിറ്റി അഭിനന്ദിച്ചു.
വിന്റർ ഫെസ്റ്റുമായി സഹകരിച്ച സ്പോൺസർമാരായ ചില്ലി മാസ്റ്റർ ഫാമിലി റസ്റ്റോറന്റ്, റയാൻ ഇന്റർനാഷണൽ ക്ലിനിക്, എം കെ ഫുഡ്സ്, ഗ്ലോബൽ ട്രാവൽ ആൻഡ് ടൂറിസം എന്നീ സ്ഥാപനങ്ങൾക്ക് ജില്ലാ കമ്മിറ്റി പ്രത്യേകം നന്ദി അറിയിച്ചു.
