ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കോട്ടയം 
കോട്ടയം: മുന് മുഖ്യമന്ത്രി ഉമ്മന് ചാണ്ടിയുടെ രണ്ടാം ചരമ വാര്ഷികത്തില് അദേഹത്തിന് ഓര്മപ്പൂക്കള് അര്പ്പിച്ച് ലോക്സഭാ പ്രതിപക്ഷ നേതാവ് രാഹുല് ഗാന്ധി പുതുപ്പള്ളിയിലെ ഉമ്മന് ചാണ്ടിയുടെ കല്ലറയിലെത്തി.എഐസിസി ജനറല് സെക്രട്ടറി കെ.സി. വേണുഗോപാല്, പ്രതിപക്ഷ നേതാവ് വി.ഡി. സതീശന്, കെപിസിസി അധ്യക്ഷന് സണ്ണി ജോസഫ് ഉള്പ്പെടെ നിരവധി പേര് ചടങ്ങില് പങ്കെടുത്തു.
നേതാക്കള് ഉമ്മന് ചാണ്ടിയുടെ ശവകുടീരത്തില് പുഷ്പാര്ച്ചനയും പ്രാര്ഥനയും നടത്തി. ഓര്ത്തഡോക്സ് സഭാ അധ്യക്ഷനുമായി രാഹുല് ഗാന്ധി പിന്നീട് കൂടിക്കാഴ്ച നടത്തുകയും ചെയ്തു.ചാണ്ടി ഉമ്മന് എംഎല്എ ഉള്പ്പെടെ ഉമ്മന് ചാണ്ടിയുടെ കുടുംബാംഗങ്ങളെല്ലാം ചടങ്ങില് പങ്കെടുത്തു. രാവിലെ ഏഴ് മണിയോടെ ഓര്ത്തഡോക്സ് സഭാ അധ്യക്ഷന് പുതുപ്പള്ളി പള്ളിയില് പ്രാര്ഥനയ്ക്ക് നേതൃത്വം നല്കി. തുടര്ന്നാണ് രാഹുല് ഗാന്ധി ഉള്പ്പെടെയുള്ള നേതാക്കള് കല്ലറയിലെത്തി പുഷ്പാര്ച്ചന നടത്തിയത്.
പിന്നീട് കെപിസിസി നടത്തുന്ന അനുസ്മരണ സംഗമം രാഹുല് ഗാന്ധി ഉദ്ഘാടനം ചെയ്തു. ഉമ്മന് ചാണ്ടി ഫൗണ്ടേഷന് നിര്മിച്ച് നല്കുന്ന 12 വീടുകളുടെ താക്കോല് കൈമാറ്റവും കെപിസിസി ആരംഭിക്കുന്ന ജീവകാരുണ്യ പദ്ധതി ‘സ്മൃതിതരംഗ’ത്തിന്റെ ഉദ്ഘാടനവും രാഹുല് നിര്വഹിച്ചു. ശ്രവണ വെല്ലുവിളി നേരിടുന്നവരെ സഹായിക്കാന് ഉമ്മന് ചാണ്ടി നടപ്പാക്കിയ ‘ശ്രുതിതരംഗം’ പദ്ധതിയുടെ രണ്ടാംഘട്ടമാണ് സ്മൃതിതരംഗം.
