കാലിഫ് 2025: തൂലികയിൽ വിരിഞ്ഞ വിസ്മയം, വിജയികളെ പ്രഖ്യാപിച്ചു.

റിയാദ്: റിയാദ് മലപ്പുറം ജില്ലാ കെഎംസിസി സംഘടിപ്പിക്കുന്ന ‘കാലിഫ് 2025 – കലയുടെ കാഴ്ചകൾ’ മാപ്പിള കലോത്സവത്തിന്റെ ഭാഗമായി നടന്ന ഉപന്യാസ രചന, മാപ്പിളപ്പാട്ട് രചന മത്സരങ്ങളുടെ ഫല ങ്ങൾ പ്രഖ്യാപിച്ചു. കലോത്സവത്തിലെ സ്റ്റേജ് മത്സരങ്ങളിൽ പങ്കെടുക്കുന്നതോടൊപ്പം മികച്ച രചനകളു മായി നിരവധി മത്സരാർത്ഥികളാണ് ഈ രചനാ മത്സരങ്ങളിൽ പങ്കെടുത്തത്.

‘മലബാറിലെ സ്വാതന്ത്ര്യസമര പോരാട്ടങ്ങളും മാപ്പിള കലകളും’ എന്ന വിഷയത്തിൽ നടത്തിയ ഉപന്യാസ രചനാ മത്സരത്തിൽ പി. വി. ഷഫീഖ് (പൊന്നാനി) ഒന്നാം സ്ഥാനം നേടി. മുജീബ് റഹ്മാൻ (വണ്ടൂർ) രണ്ടാം സ്ഥാനവും, ഷാഹുൽ ഹമീദ് മേടപ്പിൽ (വള്ളിക്കുന്ന്) മൂന്നാം സ്ഥാനവും കരസ്ഥമാക്കി. വിഷയത്തെ ആഴത്തിൽ സമീപിച്ച നിരവധി മികച്ച രചനകളാണ് മത്സരത്തിനെത്തിയത്.

‘1980ലെ അറബി ഭാഷാ സമരം’ എന്ന വിഷയത്തെ ആസ്പദമാക്കി നടന്ന മാപ്പിളപ്പാട്ട് രചനാ മത്സരത്തിൽ ഷാഹുൽ ഹമീദ് മേടപ്പിൽ (വള്ളിക്കുന്ന്) ഒന്നാം സ്ഥാനം നേടി. അൻസിഫ് അബ്ദുൾ അസീസ് (മങ്കട) രണ്ടാം സ്ഥാനവും, സഫീർ മോൻ ആട്ടീരി (വേങ്ങര) മൂന്നാം സ്ഥാനവും കരസ്ഥമാക്കി. ഈ മത്സരങ്ങ ളിൽ പങ്കെടുത്ത എല്ലാ പ്രതിഭകളെയും കാലിഫ് 2025 സംഘാടക സമിതി അഭിനന്ദിച്ചു. ലഭിച്ച രചനക ളുടെ നിലവാരം പരിഗണിച്ച്, വിജയികളെ തിരഞ്ഞെടുക്കുക എന്നത് വിധികർത്താക്കൾക്ക് ഏറെ വെല്ലുവിളി നിറഞ്ഞ ദൗത്യമായിരുന്നുവെന്നും സംഘാടകർ അറിയിച്ചു.

ഉന്നത വിജയം കരസ്ഥമാക്കിയ മുഴുവൻ വിജയികൾക്കുമുള്ള ഉപഹാരങ്ങൾ കാലിഫ് 2025 ന്റെ ആവേശ കരമായ ഗ്രാൻഡ് ഫിനാലെ വേദിയിൽ വെച്ച് സമ്മാനിക്കും. പൈതൃകത്തെ സംരക്ഷിക്കുന്ന വിവിധ കലാ മത്സരങ്ങളുമായി കാലിഫ് 2025 റിയാദിലെ ജന മനസ്സുകൾ കീഴടക്കി മുന്നോട്ട് പോയിക്കൊണ്ടിരി ക്കുകയാണ്.