ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കോട്ടയം 
കോട്ടയം: സൈബര് ആക്രമണത്തില് മനംനൊന്ത് യുവതി ആത്മഹത്യ ചെയ്ത സംഭവത്തില് പ്രതി അരുണ് വിദ്യാധരന് വേണ്ടി കോട്ടയം പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചു. നാലു ദിവസമായി പ്രതിയെ പിടികൂടാന് സാധിക്കാത്തതിനെ തുടര്ന്നാണ് ലുക്ക്ഔട്ട് നോട്ടീസ് പുറപ്പെടുവിച്ചത്. ഇയാള് തമിഴ്നാട്ടിലാണ് എന്ന സൂചന ലഭിച്ചതിന്റെ അടിസ്ഥാനത്തില് കോട്ടയം പൊലീസിന്റെ രണ്ട് സംഘങ്ങള് തമിഴ്നാട്ടില് എത്തിയിരുന്നു.
അരുണിന്റെ ബന്ധുക്കളുടെയും സുഹൃത്തുക്കളുടെയും വീടുകളിലും പൊലീസ് പരിശോധന നടത്തി. അരുണ് ആതിരയ്ക്കെതിരേ ഫെയ്സ്ബുക്ക് പോസ്റ്റിട്ടത് കോയമ്പ ത്തൂരില് നിന്നാണെന്നാണ് അന്വേഷണസംഘത്തിന് ലഭിച്ച വിവരം. ആതിരയ്ക്കെതി രേയുള്ള ഫെയ്സ്ബുക്ക് പോസ്റ്റുകള് എല്ലാം പിന്വലിച്ചിട്ടുണ്ട്.
കോതനല്ലൂര് സ്വദേശിയായ 26കാരി വി എം ആതിരയാണ് സൈബര് ആക്രമണത്തില് മനംനൊന്ത് വീട്ടിലെ കിടപ്പുമുറിയില് ജീവനൊടുക്കിയത്. ഇരുവരും തമ്മിലുള്ള സൗഹൃദം ആതിര അവസാനിപ്പിച്ചതോടെ അരുണ് നിരന്തരം ഭീഷണിപ്പെടുത്തിയെന്ന് ആതിരയുടെ സഹോദരീഭര്ത്താവും ഐഎഎസ് ഉദ്യോഗസ്ഥനുമായ ആശിഷ് ദാസ് പറഞ്ഞു. ഒളിവില് പോയതിന് ശേഷമാണ് പ്രതി പോസ്റ്റുകള് ഇട്ട് തുടങ്ങിയതെന്നും ആശിഷ് ദാസ് പറഞ്ഞു. അരുണിനെതിരേ ആത്മഹത്യാ പ്രേരണയ്ക്കാണ് പൊലീസ് കേസെടുത്തിരിക്കുന്നത്.
