ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കണ്ണൂർ 
കണ്ണൂര്: ടിപി ചന്ദ്രശേഖരന് കൊലക്കേസിലെ മൂന്നാം പ്രതി കൊടി സുനിക്ക് പരോള് നല്കിയതില് എന്ത് മഹാപരാധമാണുള്ളതെന്ന് സിപിഎം നേതാവ് പി ജയരാജന്. മാനുഷിക പരിഗണന വച്ചാണ് ജയില് മേധാവി കൊടി സുനിക്ക് 30 ദിവസത്തെ പരോള് അനുവദിച്ചത്. തടവറകള് തിരുത്തല് കേന്ദ്രങ്ങള് കൂടിയാണ്; ഈ അടിസ്ഥാനത്തില് പ്രമാദമായ കേസ്സുകളില് ശിക്ഷിക്കപ്പെട്ടവര്ക്കും ഇത്തരത്തില് അവധി അനുവദിച്ചു വരുന്നു. കണ്ണൂര് സെന്ട്രല് ജയില് ഉപദേശക സമിതി അംഗമെന്ന നിലക്ക് കൊടിയുടെ നിറം നോക്കാതെ പരോള് അനുവദിക്കുന്നതിന് ശുപാര്ശ ചെയ്തിട്ടുമുണ്ട്. കോവിഡ് കാലത്ത് ജീവപര്യന്തം ശിക്ഷക്കാരടക്കം എത്രയോ മാസങ്ങള് പരോളിലായിരുന്നെന്നും ജയരാജന്റെ ഫെയ്സ്ബുക്ക് കുറിപ്പില് പറയുന്നു.
‘കോവിഡ് കാലത്ത് പോലും കൊടിസുനിക്ക് പരോള് നല്കിയിരുന്നില്ല. ആറുവര്ഷങ്ങള്ക്ക് ശേഷം അമ്മയുടെ പരാതിയെ തുടര്ന്ന് പരോള് നല്കിയതില് എന്ത് മഹാപരാധമാണുള്ളതെന്നും’ കുറിപ്പില് ജയരാജന് ചോദിക്കുന്നു.
പി ജയരാജന്റെ ഫെയ്സ്ബുക്ക് കുറിപ്പ്
മനുഷ്യാവകാശത്തിന് കൊടിയുടെ നിറം മാനദണ്ഡമാക്കണമെന്നാണ് മനോരമയുടെ ഇന്നത്തെ പുതിയ നിര്ദേശം ! കൊലക്കേസില് ശിക്ഷിക്കപ്പെട്ട് തടവില്ക്കഴിയുന്ന മാഹി സ്വദേശി കൊടിസുനിക്ക് പരോളിന് അര്ഹതയുണ്ടായിരുന്നെങ്കിലും, കഴിഞ്ഞ ആറുവര്ഷമായി ജയില് വകുപ്പ് പരോള് അനുവദിച്ചിരുന്നില്ല. സുനിയുടെ പേരില് ഇടക്കാലത്ത് ചുമത്തിയ കേസ്സുകളായിരുന്നു അതിനു കാരണം. അത്തരം ഒരു തീരുമാനം തികച്ചും ശരിയാണ്, എന്നാല് സുനിയുടെ അമ്മ മനുഷ്യാവകാശ കമ്മിഷന് നല്കിയ പരാതിയെ തുടര്ന്നാണ് മാനുഷിക പരിഗണയില് പരോള് അനുവദിക്കാമോ എന്ന കാര്യം തീരുമാനിക്കാന് ജയില് വകുപ്പിനോട് ആവശ്യപ്പെട്ടത്. അത് പരിഗണിച്ചാണ് ജയില് മേധാവി 30 ദിവസത്തെ പരോള് അനുവദിച്ച് ഉത്തരവായത്.
ഇത് മനോരമയുടെ ഭാഷയില് കൊടി കെട്ടിയ മനുഷ്യാവകാശമാണത്രെ. തടവറകളെക്കുറിച്ച് ആധുനിക സമൂഹത്തിന്റെ കാഴ്ച്ചപ്പാടുകളില് മാറ്റം വന്നത് അധികാരത്തിന്റെ രാഷ്ട്രീയ നേതൃത്വം എല്ഡിഎഫ് ആണെന്നതിനാല് മനോരമ മറച്ചുവെക്കുകയാണ് ചെയ്യുന്നത്. തടവറകള് തിരുത്തല് കേന്ദ്രങ്ങള് കൂടിയാണ്; ഈ അടിസ്ഥാനത്തില് പ്രമാദമായ കേസ്സുകളില് ശിക്ഷിക്കപ്പെട്ടവര്ക്കും ഇത്തരത്തില് അവധി അനുവദിച്ചു വരുന്നു. കണ്ണൂര് സെന്ട്രല് ജയില് ഉപദേശക സമിതി അംഗമെന്ന നിലക്ക് കൊടിയുടെ നിറം നോക്കാതെ പരോള് അനുവദിക്കുന്നതിന് ശുപാര്ശ ചെയ്തിട്ടുമുണ്ട്. കോവിഡ് കാലത്ത് ജീവപര്യന്തം ശിക്ഷക്കാരടക്കം എത്രയോ മാസങ്ങള് പരോളിലായിരുന്നു. കോവിഡിന്റെ ഒരു ഘട്ടത്തിന് ശേഷം തടവുകാരോട് തിരികെ ജയിലില് പ്രവേശിക്കാന് സംസ്ഥാന ആഭ്യന്തരവകുപ്പ് ആവശ്യപ്പെട്ടെങ്കിലും സുപ്രീം കോടതിയാണ് മനുഷ്യാവകാശം പരിഗണിച്ച് കാലാവധി നീട്ടി നല്കിയത് എന്നതും അനുഭവമാണ്.
കോവിഡ് കാലത്ത് പോലും കൊടിസുനിക്ക് പരോള് നല്കിയിരുന്നില്ല. ആറുവര്ഷങ്ങള്ക്ക് ശേഷം അമ്മയുടെ പരാതിയെ തുടര്ന്ന് പരോള് നല്കിയതില് എന്ത് മഹാപരാധമാണുള്ളത്. ഇടതുപക്ഷം ഭരിക്കുമ്പോള് മനോരമയുടെ രാഷ്ട്രീയത്തോടൊപ്പം നില്കാത്തവര്ക്ക് മനുഷ്യാവകാശം പോലും നല്കരുതെന്ന വാദം, കമ്മ്യൂണിസ്റ്റ്കാര് അധികാരത്തില് വന്നാല് താന് വിഷം കുടിച്ച് മരിക്കും എന്ന പഴയ മനോരമ പത്രാധിപരുടെ ‘ഭീരു’ വാദത്തിന്റെ പുതിയ വാദമാണ്.
