ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ജയൻ കൊടുങ്ങല്ലൂർ 
റിയാദ്: സര്വീസ് ആരംഭിച്ച് വെറും 75 ദിവസത്തിനുള്ളില് 1.8 കോടി യാത്രക്കാര്ക്ക് സേവനം നല്കി താരമായിരിക്കുകയാണ് സൗദി തലസ്ഥാനത്ത് സര്വീസ് നടത്തുന്ന റിയാദ് മെട്രോ. പദ്ധതിയുടെ മേല് നോട്ടം വഹിക്കുന്ന റോയല് കമ്മീഷന് ഫോര് റിയാദ് സിറ്റി (ആര്സിആര്സി) ആണ് ഇക്കാര്യം പ്രഖ്യാപിച്ചത്. 2024 ഡിസംബര് ഒന്നി നായിരുന്നു റിയാദ് മെട്രോ സര്വീസ് ആരംഭിച്ചത്. ആറ് മെട്രോ ലൈനുകളിലൂടെ 162,000 ത്തിലധികം യാത്രകള് പൂര്ത്തിയാക്കുകയും 45 ലക്ഷം കിലോമീറ്റര് സഞ്ചരി ക്കുകയും ചെയ്തതായും ആര്സിആര്സി അറിയിച്ചു.
ഒരു കോടി യാത്രക്കാര് സഞ്ചരിച്ച ബ്ലൂ ലൈന് ആണ് ഏറ്റവും തിരക്കേറിയ റൂട്ട്. അല് ഉലയ്യയില് നിന്ന് അല് ബത്ഹയിലേക്കുള്ളതാണ് ഒന്നാമത്തെ ലൈനായ ബ്ലൂ ലൈന്. റെയില്വേ സ്റ്റേഷനുകള് എടുത്താല് കിംഗ് അബ്ദുല്ല ഫിനാന്ഷ്യല് ഡിസ്ട്രിക്റ്റ് സ്റ്റേഷനിലാണ് ഏറ്റവും കൂടുതല് യാത്രക്കാരെത്തിയത്. അതിൻ്റെ ഗേറ്റുകളിലൂടെ 3 ദശലക്ഷത്തിലധികം ഉപയോക്താക്കള് കടന്നുപോയതായി കണക്കുകള് വ്യക്ത മാക്കുന്നു.
ഡിസംബര് ഒന്നിന് സര്വീസ് ആരംഭിച്ച റിയാദ് മെട്രോ വിവിധ ഘട്ടങ്ങളിലായാണ് ആറ് ലൈനുകളിലും സര്വീസ് തുടങ്ങിയത്. 2025 ജനുവരി അഞ്ചിന് ഓറഞ്ച് ലൈന് (ലൈന് 3) തുറന്നതോടെയായിരുന്നു റിയാദ് മെട്രോയുടെ പ്രവര്ത്തനം പൂര്ണതോതി ലേക്ക് വന്നത്. ബ്ലൂ ലൈന് (ലൈന് 1), യെല്ലോ ലൈന് (ലൈന് 4), പര്പ്പിള് ലൈന് (ലൈന് 6) എന്നിവയായിരുന്നു ഡിസംബര് 1 ന് ആരംഭിച്ചത്. തുടര്ന്ന് ഡിസംബര് 15 ന് റെഡ് ലൈന് (ലൈന് 2), ഗ്രീന് ലൈന് (ലൈന് 5) എന്നിവയും 2025 ജനുവരി 5 ന് ആറാമത്തെ ലൈനായി ഓറഞ്ച് ലൈനും സജീവമായി.
ആറ് ലൈനുകളും പൂര്ണ്ണമായും പ്രവര്ത്തനക്ഷമമായതോടെ, മിഡില് ഈസ്റ്റിലെ ഏറ്റവും വലുതും ലോകത്തിലെ ഏറ്റവും ദൈര്ഘ്യമേറിയതുമായ ഡ്രൈവറില്ലാ ട്രെയിന് സംവിധാനമായി റിയാദ് മെട്രോ മാറി. നിലവില് 176 കിലോമീറ്റര് വ്യാപി ച്ചുകിടക്കുന്നതാണ് റിയാദ് മെട്രോയുടെ റെയില് ശൃംഖല. നാല് പ്രധാന ഹബ്ബുകള് ഉള്പ്പെടെ 85 സ്റ്റേഷനുകളാണ് റിയാദ് മെട്രോ യാത്രക്കാര്ക്കായി സേവനം നല്കുന്നത്.
യാത്രക്കാര്ക്ക് ദര്ബ് ആപ്പ് വഴിയോ ടിക്കറ്റ് ഓഫീസുകളിലോ മെട്രോ സ്റ്റേഷനുകളിലെ സെല്ഫ് സര്വീസ് കിയോസ്ക്കുകളിലോ ബാങ്ക് കാര്ഡുകള്, ക്രെഡിറ്റ് കാര്ഡുകള്, സ്മാര്ട്ട് ഉപകരണങ്ങള് എന്നിവയുള്പ്പെടെയുള്ള ഡിജിറ്റല് പേയ്മെന്റ് രീതികളിലൂടെ യോ റൂട്ടുകള് ആസൂത്രണം ചെയ്യാനും ടിക്കറ്റുകള് വാങ്ങാനും കഴിയും. റിയാദ് മെട്രോ നഗരത്തിലെ പൊതുഗതാഗത വികസനത്തിൻ്റെ നാഴികക്കല്ലായാണ് വിലയിരുത്ത പ്പെടുന്നത്.
