ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ജയൻ കൊടുങ്ങല്ലൂർ 
റിയാദ്: കേന്ദ്രം ഭരിക്കുന്ന ബി ജെ പി സര്ക്കാരിനെ താഴെയിറക്കാന് ഇന്ത്യാമുന്നണി മുന്നോട്ടു വന്നാല് ഭരണപക്ഷത്തുള്ള ബി ജെ പി യിലെ 15 എം പി മാര് കൂടെ വരാന് തയ്യാറായി നില്കുന്നുണ്ടെന്ന് കെപിസിസി വക്താവും,, അസംഘടിത തൊഴിലാളി ദേശീയ കോ-ഓർഡിനേറ്ററും രാഹുല്ഗാന്ധി നയിച്ച ഭാരത് ജോഡോയാത്രയില് അംഗമായിരുന്ന അഡ്വ: അനിൽ ബോസ് റിയാദില് നടത്തിയ വാര്ത്താസമ്മേളന ത്തില് പറഞ്ഞു.
കർണാടകയിലെ ഷിരൂരിലെ മണ്ണിടിച്ചിലിൽ കാണാതായ അർജുനെ കണ്ടെത്താന് സാധ്യമായ എല്ലാ രക്ഷാപ്രവര്ത്തനവും കര്ണ്ണാടക സര്ക്കാര് ചെയ്യുന്നുണ്ടെന്നും വിവാദങ്ങള് അടിസ്ഥാന രഹിതമെന്നും അനില് ബോസ്
കുതിര കച്ചവടത്തിലൂടെയോ അല്ലെങ്കില് മറ്റെന്തെങ്കിലും ഹീന മാര്ഗത്തിലൂടെയോ സര്ക്കാരിനെ മറിച്ചിടില്ല മറിച്ച് സര്ക്കാരിനെതിരെയുള്ള നിലപാട് എടുക്കുന്ന കഷികളുമായി ആലോചിച്ച് ഉചിതമായ സമയത്ത് സര്ക്കാര് രൂപികരിക്കാന് കോണ്ഗ്രസ് മുന്നോട്ടു വരുമെന്നും കാഴ്ചകാരായി നോക്കിനില്ക്കില്ല ഞങ്ങള് വെയിറ്റ് ചെയ്യുകയാണ് മഹാരാഷ്ട്ര ഹരിയാന ജാര്ഖണ്ഡ് തെരെഞ്ഞെടുപ്പുകള്ക്ക് ശേഷം മാറ്റം പ്രതീക്ഷിക്കാമെന്നും അദ്ദേഹം പറഞ്ഞു
ഇന്ത്യയില് ഇനി ജാതി പറഞ്ഞു ജനങ്ങളെ പറ്റിക്കാന് സാധിക്കില്ല, അതിനു ഏറ്റവും വലിയ തെളിവാണ് യു പി യിലെ ഇന്ത്യാമുന്നണിയുടെ വിജയം അതില് ഏറ്റവും രസകരമായ സംഭവം ഇന്ത്യ മുഴുവന് രാമക്ഷേത്രം ചര്ച്ചയാക്കി വന് ഭൂരിപക്ഷം പ്രതീക്ഷിച്ച ബി ജെ പി ക്ക് രാമക്ഷേത്രം സ്ഥിതി ചെയ്യുന്ന അയോധ്യ തന്നെ അവര്ക്ക് മറുപടി കൊടുത്തു അയോധ്യ ക്ഷേത്രനിര്മാണത്തിന്റെ ചെയര്മാന്റെ മകന് അയോധ്യയില് പരാജയപെടുന്നു ഇതിലും വലിയ തിരിച്ചടി ബി ജെ പി ക്ക് കിട്ടാനില്ല. അധികാര രാഷ്ട്രിയത്തിന് വേണ്ടി മതത്തെ ഉപയോഗിച്ച് ജനങ്ങളെ തമ്മിലടിക്കാന് ശ്രമിച്ചതിന് കിട്ടിയ ജനവിധിയാണ് ഉണ്ടായതെന്ന് അദ്ദേഹം പറഞ്ഞു.
പിണറായി സര്ക്കാര് പൂര്ണ പരാജയമാണെന്നും സ്വന്തം പാര്ട്ടിയിലെ നേതാക്കള് പോലും സമ്മതിക്കുന്ന കാര്യമാണെന്നും അദ്ദേഹം പറഞ്ഞു അടുത്ത നിയമസഭ തെരഞ്ഞെടുപ്പില് യു ഡി എഫ് സംസ്ഥാനത്ത് അധികാരത്തില് എത്തുമെന്നും അദ്ദേഹം പറഞ്ഞു. തൃശൂരിലെ മുരളിയുടെ തോല്വി പാര്ടി കൃത്യമായി പഠിച്ചു വിലയിരുത്തും കോണ്ഗ്രസിന് വോട്ട് ചെയ്തിരുന്ന ഒരു വിഭാഗത്തിന്റെ വോട്ട് സുരേഷ് ഗോപിക്ക് കിട്ടിയിട്ടുണ്ട് മാത്രമല്ല സുരേഷ് ഗോപി പോലും ഇതൊരു രാഷ്ട്രിയ വിജയമായി കാണുന്നില്ല.പരാജയം അത് കൃത്യമായി പഠിച്ച് തിരുത്തല് നടപടിയുമായി മുന്നോട്ടു പോകും പാലക്കാട് ചേലക്കര ഉപതെരെഞ്ഞെടുപ്പ് പ്രഖ്യാപിച്ചാല് ഉടനെ സ്ഥാനര്തികളെ പ്രഖ്യാപിക്കും ഇപ്പോള് നടക്കുന്ന സ്ഥാനാര്ഥി ചര്ച്ചകള് ഊഹാ പോഹങ്ങള്മാത്രമാണെന്നും അദ്ദേഹം പറഞ്ഞു. മുന് മുഖ്യമന്ത്രി ഉമ്മന് ചാണ്ടിയുടെ ഒന്നാം ചരമ വാര്ഷികം പ്രമാണിച്ച് ഓ ഐ സി സി റിയാദ് സെന്ട്രല് കമ്മറ്റി സംഘടിപ്പിച്ച ഓര്മയില് ഒ സി എന്ന പരിപാടിയില് പങ്കെടുക്കുന്നതിനായിട്ടാണ് അനില് ബോസ് റിയാദില് എത്തിയത്
വാര്ത്താസമ്മേളനത്തില് റിയാദ് ഒ.ഐ.സി.സി ആക്റ്റിംഗ് പ്രസിഡന്റ് സജീർ പൂന്തുറ, സംഘടനാ വർക്കിംഗ് പ്രസിഡന്റ് നവാസ് വെള്ളിമാട്കുന്ന്, ആക്ടിംഗ് ജനറൽ സെക്രട്ടറി ഷംനാദ് കരുനാഗപള്ളി, മീഡിയ കൺവീനർ അശ്റഫ് മേച്ചേരി എന്നിവർ സംബന്ധിച്ചു.
