ക​ഴി​ഞ്ഞ ഒ​രാ​ഴ്​​ച​ക്കി​ടെ സൗ​ദി​യി​ൽ പിടിയിലായത് 21,477 നി​യ​മ​ലം​ഘ​ക​ർ

ജി​ദ്ദ​: ​നി​യ​മ​ങ്ങ​ൾ ലം​ഘി​ക്കു​ന്ന​വ​രെ കണ്ടെത്താനുള്ള പരിശോധനാ നടപടികൾ ശക്തമാക്കി സൗ​ദി ആ​ഭ്യ​ന്ത​ര മ​ന്ത്രാ​ല​യം. കണക്കനുസരിച്ച് ജ​നു​വ​രി 30 മു​ത​ൽ ഫെ​ബ്രു​വ​രി 05 വ​രെ 21,477 നി​യ​മ​ലം​ഘ​ക​രാ​ണ് പി​ടി​യി​ലാ​യ​ത്. സു​ര​ക്ഷാ​സേ​ന​യു​ടെ വി​വി​ധ യൂണിറ്റുകളും ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് പാ​സ്‌​പോ​ർ​ട്ടും ന​ട​ത്തി​യ സം​യു​ക്ത പ​രി​ശോ​ധ​ന​യി​ലാണ് രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നിന്നായി ഇ​വ​രെ പി​ടി​കൂ​ടി​യ​ത്. 13,638 പേ​രും ഇ​ഖാ​മ പു​തു​ക്കാ​തെ​യും ഹു​റൂ​ബ് കേ​സും മ​റ്റു​മാ​യി താ​മ​സ​നി​യ​മം ലം​ഘി​ച്ച​വ​രാ​ണ്. 4,663 അ​തി​ർ​ത്തി സു​ര​ക്ഷാ ലം​ഘ​ക​രും 3,176 തൊ​ഴി​ൽ നി​യ​മ​ലം​ഘ​ക​രു​മാ​ണ് പിടിയിലായത്.

അ​ന​ധി​കൃ​ത​മാ​യി രാ​ജ്യ​ത്തേ​ക്ക് ക​ട​ക്കാ​ൻ ശ്ര​മി​ക്കു​ന്ന​തി​നി​ടെ 1,316 പേ​ർ അ​റ​സ്റ്റി​ലാ​യി. ഇ​വ​രി​ൽ 58 ശ​ത​മാ​ന​വും എത്യോ​പ്യ​ൻ പൗ​ര​ന്മാ​രാ​ണ്. 40 ശ​ത​മാ​നം യ​മ​നി​ക​ളും ര​ണ്ട് ശ​ത​മാ​നം മ​റ്റു​ രാ​ജ്യ​ക്കാ​രുമാണ്. അതേസമയം അ​ന​ധി​കൃ​ത​മാ​യി രാ​ജ്യ​ത്തു​നി​ന്ന്​ പു​റ​ത്തു​ക​ട​ക്കാ​ൻ ശ്ര​മി​ക്കു​ന്ന​തി​നി​ടെ 77 പേ​ർ അ​റ​സ്റ്റി​ലാ​യി. താ​മ​സം, ജോ​ലി, അ​തി​ർ​ത്തി സു​ര​ക്ഷാ നി​യ​മ​ലം​ഘ​ക​ർ​ക്ക് വി​വി​ധ സ​ഹാ​യ​ങ്ങ​ൾ ന​ൽ​കി​യ 13 പേരും പി​ടി​യി​ലാ​യി​ട്ടു​ണ്ട്.

നി​ല​വി​ൽ നിയമ ന​ട​പ​ടി​ക​ൾ നേ​രി​ടു​ന്ന 37,120 നി​യ​മ​ലം​ഘ​ക​രി​ൽ 33,547 പു​രു​ഷ​ന്മാ​രും 3,573 സ്ത്രീ​ക​ളു​മാ​ണ്. പി​ടി​ക്ക​പ്പെ​ട്ട വി​ദേ​ശി​ക​ളി​ൽ 28,661 പേ​രെ അ​വ​രു​ടെ യാ​ത്രാ​രേ​ഖ​ക​ൾ ല​ഭ്യ​മാ​ക്കു​ന്ന​തി​ന് അ​ത​ത് രാ​ജ്യ​ങ്ങ​ളു​ടെ ന​യ​ത​ന്ത്ര കാ​ര്യാ​ല​യ​ങ്ങ​ളി​ലേ​ക്ക് റ​ഫ​ർ ചെ​യ്തു. ഇ​വ​രി​ൽ 2,919 പേ​രെ തി​രി​ച്ച​യ​ക്കാ​നു​ള്ള ത​യാ​റെ​ടു​പ്പി​ലാ​ണ്. ക​ഴി​ഞ്ഞ ഒ​രാ​ഴ്​​ച​ക്കു​ള്ളി​ൽ ന​ട​പ​ടി​ക​ളെ​ല്ലാം പൂ​ർ​ത്തി​യാ​ക്കി 8,733 പേ​രെ നാ​ടു​ക​ട​ത്തു​ക​യും ചെ​യ്​​തു.

ആ​ർ​ക്കെ​ങ്കി​ലും അ​തി​ർ​ത്തി സു​ര​ക്ഷാ​ച​ട്ട​ങ്ങ​ൾ ലം​ഘി​ച്ച് രാ​ജ്യ​ത്തേ​ക്ക് പ്ര​വേ​ശി​ക്കാ​ൻ സൗ​ക​ര്യ​മൊ​രു​ക്കു​ക​യോ യാ​ത്രാ​സൗ​ക​ര്യ​മോ അ​ഭ​യ​മോ ഏ​തെ​ങ്കി​ലും വി​ധ​ത്തി​ൽ സ​ഹാ​യ​മോ സേ​വ​ന​മോ ന​ൽ​കു​ക​യോ ചെ​യ്താ​ൽ 15 വ​ർ​ഷം വ​രെ ത​ട​വു​ശി​ക്ഷ ല​ഭി​ക്കു​മെ​ന്ന് മ​ന്ത്രാ​ല​യം മു​ന്ന​റി​യി​പ്പു​ന​ൽ​കി. ഒ​പ്പം 10 ല​ക്ഷം റി​യാ​ൽ വ​രെ പി​ഴ​യും ചു​മ​ത്തും.