ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
റിയാദ്: വിദഗ്ധ ഇന്ത്യന് തൊഴിലാളികള് ഏറ്റവുമധികം ജോലി ചെയ്യുന്ന വിദേശരാജ്യം സൗദി അറേബ്യയാണെന്ന് ഇന്ത്യന് നൈപുണ്യ വികസന, സംരംഭകത്വ സഹമന്ത്രി രാജീവ് ചന്ദ്രശേഖര്. 2022 ഏപ്രിലിനും 2023 ഡിസംബറിനും ഇടയില് സൗദിയില് വൈദഗ്ധ്യമുള്ള 13,944 ഇന്ത്യക്കാര്ക്ക് ജോലി ലഭിച്ചതായി കേന്ദ്ര മന്ത്രി പാര്ലമെന്റിന്റെ ശീതകാല സമ്മേളനത്തിലാണ് അറിയിച്ചത്.
സ്കില് ഇന്ത്യ ഇന്റര്നാഷണല് സെന്ററുകളില് (എസ്ഐഐസി) പരിശീലനം നേടിയ ഏകദേശം 13,944 ഇന്ത്യക്കാര്ക്ക് സൗദിയില് ജോലി ലഭിച്ചു. 2022 ഏപ്രിലിനും 2023 ഡിസംബറിനുമിടയില് 25,300 ഉദ്യോഗാര്ഥികള്ക്ക് വിദേശത്ത് ജോലി ലഭിച്ചു. സൗദി അറേബ്യ കഴിഞ്ഞാല് 3,646 തൊഴില് വൈദഗ്ധ്യമുള്ള ഇന്ത്യക്കാരുമായി ഖത്തറാണ് രണ്ടാം സ്ഥാനത്ത്. യുഎഇ (2,832), യുകെ (1,248), ജപ്പാന് (1,196) എന്നീ രാജ്യങ്ങളാണ് തൊട്ടടുത്ത സ്ഥാനങ്ങളില്.
സ്കില് ഇന്ത്യ ഇന്റര്നാഷണല് സെന്ററുകളില് വിദേശ തൊഴിലുകള് നേടാന് ഉദ്യോഗാര്ഥികളെ പ്രാപ്തരാക്കുന്നു. യുഎഇ, കാനഡ, ഓസ്ട്രേലിയ, മറ്റ് ജിസിസി മേഖലകള് എന്നിവിടങ്ങളിലെ അന്താരാഷ്ട്ര തൊഴിലുടമകളുടെ ആവശ്യം നിറവേറ്റുന്ന വിധത്തില് ഇന്ത്യന് യുവാക്കള്ക്ക് മികച്ച പരിശീലനം നല്കുന്നു.
വാരണാസിയിലും ഭുവനേശ്വറിലും രണ്ട് എസ്ഐഐസികള് പ്രവര്ത്തിച്ചുവരുന്നു. ആഗോളതലത്തില് വൈദഗ്ധ്യമുള്ളതും അംഗീകൃതവുമായ തൊഴില് ശക്തികളുടെ വിതരണം സുഗമമാക്കുന്നതിന് എസ്ഐഐസികള് വിദേശ റിക്രൂട്ടര്മാരുമായും വിവിധ സംഘടനകളുമായും സഹകരിച്ച് പ്രവര്ത്തിക്കും. മൊബിലൈസേഷന്, കൗണ്സിലിങ്, നൈപുണ്യ പരിശീലനം, പുറപ്പെടുന്നതിന് മുമ്പുള്ള ഓറിയന്റേഷന്, വിദേശ ഭാഷാ പരിശീലനം, പ്ലെയ്സ്മെന്റ്, ഇമിഗ്രേഷന് സപ്പോര്ട്ട് തുടങ്ങിയ സേവനങ്ങള് വാഗ്ദാനം ചെയ്യുന്നതിന് പങ്കാളിത്ത സ്ഥാപനങ്ങള് എസ്ഐഐസിയുമായി സഹകരിക്കും.
മികച്ച പരിശീലനത്തിലൂടെ കഴിവുകള് പരിപോഷിപ്പിച്ച് അന്താരാഷ്ട്ര നിലവാരം പുലര്ത്തുന്ന വിദഗ്ധ തൊഴിലാളികളെ വാര്ത്തെടുക്കുന്നതിന് ഇന്ത്യയിലുടനീളം 30 സ്കില് ഇന്ത്യ ഇന്റര്നാഷണല് സെന്ററുകള് ആരംഭിക്കാന് കേന്ദ്ര സര്ക്കാരിന് പദ്ധതിയുണ്ട്.
