ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
തിരുവനന്തപുരം: മലപ്പുറം പരാമര്ശത്തില് മുഖ്യമന്ത്രിക്ക് രൂക്ഷമായ ഭാഷയില് ഗവര്ണറുടെ കത്ത്. സാങ്കേതികത്വം പറഞ്ഞു ക്രിമിനല് പ്രവര്ത്തനം മറച്ചു വെക്കാന് ആകില്ലെന്നും മുഖ്യമന്ത്രി എന്തോ ഒളിക്കുന്നുണ്ടെന്നും ഗവര്ണറുടെ കത്തില് വിമര്ശനം. ചീഫ് സെക്രട്ടറിയെയും ഡിജിപിയെയും വിളിപ്പിച്ചത് ചട്ട പ്രകാരമാണെ ന്നും കാര്യങ്ങള് വിശദീകരിക്കാത്തത് ചട്ടലംഘനമായി കണക്കാക്കുമെന്നും ഗവര്ണര് കത്തില് മുന്നറിയിപ്പ് നല്കി.
ഇരുവരും ഹാജരാകാതിരുന്നത് ഭരണഘടന ബാധ്യത നിറവേറ്റാത്തതായി കണക്കാക്കു മെന്നാണ് മുന്നറിയിപ്പ് . തന്റെ ഭരണഘടനാപരമായ ഉത്തരവാദിത്തമാണ് നിര്വ്വഹി ക്കാന് ശ്രമിച്ചത്. മുഖ്യമന്ത്രി പറഞ്ഞ ദേശവിരുദ്ധ പ്രവര്ത്തനങ്ങളെ കുറിച്ച് തനിക്കറി യണമെന്നും ഗവര്ണര് കത്തില് ചോദിക്കുന്നു. കാര്യങ്ങള് രാഷ്ട്രപതിയെ അറിയി ക്കാന് വേണ്ടിയാണ് താന് വിശദീകരണം ആവശ്യപ്പെട്ടതെന്നും പറയുന്നുണ്ട്.
വിവാദമായ മലപ്പുറം കള്ളക്കടത്ത് പരാമര്ശത്തില് വിശദീകരണം തേടി ഗവര്ണര് ചീഫ് സെക്രട്ടറിക്ക് നോട്ടീസ് അയച്ചിരുന്നു. സംസ്ഥാന പൊലീസ് മേധാവിക്കൊപ്പം നേരിട്ടെത്തി വിശദീകരണം നല്കാനാണു നിര്ദേശം നല്കിയിരിക്കുന്നത്. ചീഫ് സെക്രട്ടറിയും സംസ്ഥാന പൊലീസ് മേധാവിയും ഹാജരായി വിശദീകരണം നല്കണ മെന്ന ഗവര്ണറുടെ നിര്ദേശം തള്ളിക്കൊണ്ട് സര്ക്കാര് ഗവര്ണര്ക്ക് കത്തയക്കുകയും ചെയ്തിരുന്നു. ഭരണഘടനാപരമായി തെറ്റായ കാര്യങ്ങളാണ് ഗവര്ണര് സ്വീകരിക്കുന്ന തെന്നായിരുന്നു സര്ക്കാരിന്റെ വാദം.
അതിനിടെ പിവി അന്വര് ഉന്നയിച്ച ഫോണ് ചോര്ത്തല് ആരോപണം നിഷേധിച്ച് സംസ്ഥാന സര്ക്കാര്. ഗവര്ണര്ക്ക് നല്കിയ മറുപടി കത്തിലാണ് ആരോപണം തെറ്റാണെന്നും ഫോണ് സംഭാഷണങ്ങള് ചോര്ത്തിയിട്ടില്ലെന്നും ചീഫ് സെക്രട്ടറി വ്യക്തമാക്കിയത്.’
ഫോണ് ചോര്ത്താന് വ്യവസ്ഥകളുണ്ടെന്നും അവ പാലിച്ച് ആഭ്യന്തര സെക്രട്ടറിയുടെ അനുമതിയോടെ മാത്രമാണ് ചോര്ത്തുന്നതെന്നും ഇത് കേസ് അന്വേഷണത്തിലും രാജ്യ സുരക്ഷയെ ബാധിക്കുന്ന കാര്യത്തിലുമാണ് ചെയ്യുന്നത്. എല്ലാത്തിനും കൃത്യമായ രേഖയുണ്ടെന്നും നിയമവിരുദ്ധമായി ആരുടെയും ഫോണ് ചോര്ത്തിയിട്ടില്ലെന്നും രാജ്ഭവന് കൈമാറിയ മറുപടി കത്തില് ചീഫ് സെക്രട്ടറി വ്യക്തമാക്കി.
മുഖ്യമന്ത്രിയുടെ മലപ്പുറം പരാമര്ശ വിവാദം രാജ്ഭവനിലെത്തി വിശദീകരിക്കണ മെന്നായിരുന്നു ഗവര്ണറുടെ അവശ്യം. ഇന്ന് 4 മണിക്ക് രാജ്ഭവനിലെത്താനായിരുന്നു ചീഫ് സെക്രട്ടറിക്കും ഡിജിപിക്കും നിര്ദേശം നല്കിയത്. ഇതിനുള്ള വിശദീകരണം കിട്ടാതിരുന്നതിനെ തുടര്ന്നാണ് ഗവര്ണര് ഉദ്യോഗസ്ഥരെ വിളിപ്പിച്ചത്. തെരഞ്ഞെ ടുക്കപ്പെട്ട സര്ക്കാര് അറിയാതെ ഉദ്യോഗസ്ഥരെ ഗവര്ണര് വിളിപ്പിക്കുന്നത് ഏത് ചട്ടപ്രകാരമെന്നായിരുന്നു മുഖ്യമന്ത്രിയുടെ ചോദ്യം.
