ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
ചുമതലയേറ്റെടുത്ത ആദ്യദിനമായ ഇന്നലെത്തന്നെ സർക്കാരിനെ തിരുത്തി ഗവർണർ രാജേന്ദ്ര വിശ്വ നാഥ് അർലേക്കർ. ഗവർണറുടെ സുരക്ഷാവലയത്തിലെ ഏതാനും പൊലീസ് ഉദ്യോഗസ്ഥരെ മാറ്റി പുതിയ ആളുകളെ വച്ച സർക്കാർ തീരുമാനമാണ് ഗവർണർ തിരുത്തിയത്. വിഷയം ശ്രദ്ധയിൽ പെട്ട തോടെ ഡിജിപിയുടെ ചുമതലയുള്ള എഡിജിപി മനോജ് ഏബ്രഹാമിനെ ഗവർണർ രാജ്ഭവനിലേക്കു വിളിച്ചു വരുത്തി. ഗവർണറുടെ ആവശ്യം അദ്ദേഹം അപ്പോൾത്തന്നെ അംഗീകരിച്ചു.
ഗവർണറായിരുന്ന ആരിഫ് മുഹമ്മദ് ഖാനു വിശ്വസ്തരായിരുന്ന ഉദ്യോഗസ്ഥരെ ഒഴിവാക്കി പകരം സർക്കാരിനും ആഭ്യന്തരവകുപ്പിനും വേണ്ടപ്പെട്ടവരെ രാജ്ഭവനിലേക്ക് നിയോഗിക്കാൻ നീക്കം നടത്തി യെന്നാണ് ആക്ഷേപം. ചുമതലയിൽ നിന്ന് ഒഴിവാക്കപ്പെട്ടവർ തന്നെയാണ് പരാതി ഗവർണറുടെ അടുത്ത് എത്തിച്ചതെന്നാണ് വിവരം
തുടർന്ന് രാജ്ഭവനിലെ ഉദ്യോഗസ്ഥരുമായി സംസാരിച്ച ഗവർണർ എഡിജിപി മനോജ് ഏബ്രഹാമിനെ കാണാൻ താൽപര്യം പ്രകടിപ്പിക്കുകയായിരുന്നു. പിന്നാലെയാണ് അദ്ദേഹം രാജ്ഭവനിൽ നേരിട്ടെത്തി യത്. ഗോവ സ്വദേശിയായ രാജേന്ദ്ര വിശ്വനാഥ് ആര്ലെകര് ബിഹാർ ഗവർണറായിരുന്നു. നേരത്തെ ഹിമാചല് പ്രദേശ് ഗവര്ണറായും ഗോവയില് വനംപരിസ്ഥിതി മന്ത്രിയായും സേവനമനുഷ്ഠിച്ചിട്ടുണ്ട്.
ദീര്ഘകാലം ആര്എസ്എസ് ചുമതലകള് വഹിച്ച ശേഷം 1989ലാണ് രാജേന്ദ്ര അര്ലേകര് ബിജെപിയില് അംഗത്വമെടുക്കുന്നത്. ഗോവയില് സ്പീക്കര്,മന്ത്രി എന്നീ നിലകളില് പ്രവർത്തിച്ചു.രാജേന്ദ്ര അര്ലേകര് സ്പീക്കറായിരുന്ന വേളയിലാണ് രാജ്യത്തെ ആദ്യ കടലാസ് രഹിത നിയമസഭയായി ഗോവ മാറിയത്.
മുൻ കേരള ഗവർണർ ആരിഫ് മുഹമ്മദ് ഖാൻ കഴിഞ്ഞ ദിവസമാണ് കേരളത്തോട് വിട പറഞ്ഞത്. ആരിഫ് മുഹമ്മദ് ഖാൻ്റെ കാലഘട്ടത്തിൽ കേരളം ഇന്നുവരെ സാക്ഷ്യംവഹിച്ചിട്ടില്ലാത്ത വിധം തർക്കങ്ങളാണ് സർക്കാരുമായി ഉണ്ടായിട്ടുള്ളത്.
ഒട്ടേറെ വിഷയങ്ങളിൽ സർക്കാരിനെതിരെ ഗവർണർ ശബ്ദമുയർത്തി. മാത്രവുമല്ല, ഗവർണർ രാഷ്ട്രീയക്കാരനെന്ന നിലയിലാണ് പ്രവർത്തിക്കുന്നതെന്ന തരം കടുത്ത വിമർശനങ്ങളും നേരിട്ട ആൾകൂടിയായിരുന്നു ആരിഫ് മുഹമ്മദ് ഖാൻ.
