കോവിഡിന് ശേഷമുള്ള ‘പെട്ടെന്നുള്ള മരണങ്ങൾക്ക്’ വാക്സിനുകളുമായി ബന്ധമില്ലെന്ന് ദേശീയ പഠനം

ഇന്ത്യൻ കൗൺസിൽ ഓഫ് മെഡിക്കൽ റിസർച്ചും (ഐസിഎംആർ) എയിംസും നടത്തിയ വിപുലമായ പഠനങ്ങൾ, കോവിഡ്-19 ന് ശേഷമുള്ള മുതിർന്നവരിലെ കൊറോണ വൈറസ് വാക്സിനുകളും പെട്ടെന്നു ള്ള അകാല മരണങ്ങളും തമ്മിൽ ഒരു ബന്ധവുമില്ലെന്ന് പഠന റിപ്പോര്‍ട്ട്‌. രാജ്യത്ത് 40 വയസ്സിന് താഴെയു ള്ള മുതിർന്നവരിൽ ഹൃദയാഘാത നിരക്ക് വർദ്ധിക്കുന്നതിനെക്കുറിച്ചുള്ള ആശങ്കകൾക്കിടയിലാണ് ഈ കണ്ടെത്തലുകൾ.

യുവാക്കളിലെ കോവിഡ്-19 വാക്സിനുകളും ഹൃദയാഘാതവും തമ്മിൽ യാതൊരു ബന്ധവുമില്ലെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ജീവിതശൈലിയും മുൻകാല അവസ്ഥകളുമാണ് മരണങ്ങൾക്ക് പിന്നിലെ പ്രധാന ഘടകങ്ങളെന്ന് ദേശീയ പഠനം കണ്ടെത്തിയിട്ടുണ്ട്. 18 നും 45 നും ഇടയിൽ പ്രായമുള്ള ചെറുപ്പക്കാരിൽ, പെട്ടെന്ന് ഉണ്ടാകുന്ന മരണങ്ങൾക്ക് പിന്നിലെ കാരണങ്ങൾ മനസ്സിലാക്കാൻ ഐസി എംആറും നാഷണൽ സെന്റർ ഫോർ ഡിസീസ് കൺട്രോളും (എൻസിഡിസി) ഒരുമിച്ച് പ്രവർത്തിച്ചു വരികയാണ്.

ഇന്ത്യയിൽ 18-45 വയസ് പ്രായമുള്ള മുതിർന്നവരിൽ വിശദീകരിക്കാനാകാത്ത പെട്ടെന്നുള്ള മരണങ്ങളു മായി ബന്ധപ്പെട്ട ഘടകങ്ങൾ – ഒരു മൾട്ടിസെൻട്രിക് മാച്ചഡ് കേസ് – കൺട്രോൾ സ്റ്റഡി” എന്ന തലക്കെട്ടില്‍ 2021 ഒക്ടോബറിനും 2023 മാർച്ചിനും ഇടയിൽ ആരോഗ്യവാനാണെന്ന് തോന്നിയെങ്കിലും പെട്ടെന്ന് മരിച്ച വ്യക്തികളിലാണ് പഠനം ശ്രദ്ധ കേന്ദ്രീകരിച്ചത്.

‘യുവാക്കളിലെ പെട്ടെന്നുള്ള വിശദീകരിക്കാനാകാത്ത മരണങ്ങളുടെ കാരണം സ്ഥാപിക്കൽ’ എന്ന തലക്കെട്ടിലുള്ള രണ്ടാമത്തെ പഠനം, ന്യൂഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) ഐസിഎംആറുമായി സഹകരിച്ചാണ് നടത്തിയത് യുവാക്കളിൽ വിശദീകരി ക്കാനാകാത്ത പെട്ടെന്നുള്ള മരണ സാധ്യത കോവിഡ്-19 വാക്സിനുകൾ വർദ്ധിപ്പിക്കുന്നില്ലെന്ന് കണ്ടെത്തലുകൾ നിർണായകമായി തെളിയിച്ചിട്ടുണ്ട്.