ലോക്സഭാ തിരഞ്ഞെടുപ്പ് : പ്രധാനമന്ത്രി നരേന്ദ്ര മോദി മൂന്ന് തവണ കൂടി കേരളത്തിലെത്തും

ലോക്‌സഭാ തിരഞ്ഞെടുപ്പിന് മുന്നോടിയായി പ്രധാനമന്ത്രി നരേന്ദ്രമോദി കേരളത്തില്‍ മൂന്ന് തവണ എത്തിയേക്കുമെന്ന് റിപ്പോര്‍ട്ട് .ഈ മാസം ഒരു തവണയും അടുത്ത മാസം രണ്ട് തവണയും അദ്ദേഹം കേരളം സന്ദര്‍ശിക്കുമെന്നാണ് സൂചന. കൊച്ചിന്‍ ഷിപ്പ് യാര്‍ഡ്, ദേശീയ പാത, കൊച്ചി മെട്രോ എന്നിവയുമായി ബന്ധപ്പെട്ട് മൂന്ന് പരിപാടികളിലാവും അദ്ദേഹം പങ്കെടുക്കുകയെന്ന് ഒരു ദേശീയ വാര്‍ത്താ ഏജൻസി റിപ്പോര്‍ട്ട് ചെയ്തു.

ഈ മാസം മൂന്നാം തീയതി തൃശ്ശൂരില്‍ നടത്തിയ പ്രധാനമന്ത്രിയുടെ റോഡ്‌ഷോയും മഹിളാ സമ്മേളനവും വലിയ വിജയമായിരുന്നു. ഇനി അദ്ദേഹം എത്തുന്നത് വിവിധ പദ്ധതികളുമായി ബന്ധപ്പെട്ട് ഔദ്യോഗിക സന്ദര്‍ശനമായിരിക്കുമെന്നാണ് കരുതുന്നത്.