ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
തിരുവനന്തപുരം: സിപിഎമ്മും ബിജെപിയും ഒന്നിച്ചാലും തൃശൂരില് യുഡിഎഫ് വിജയിക്കുമെന്ന് പ്രതിപക്ഷ നേതാവ് വിഡി സതീശൻ. കേരളത്തില് ഒരിടത്തും ബിജെപി അക്കൗണ്ട് തുറക്കില്ല. രണ്ടാം സ്ഥാനത്ത് പോലും എത്തില്ല. മാസപ്പടി, ലാവലിന് കേസുകളിലെ അന്വേഷണത്തെ ഭയപ്പെടുന്ന പിണറായി വിജയന് ബിജെപിക്ക് ഇല്ലാത്ത സ്പേസ് ഉണ്ടാക്കിക്കൊടുക്കാന് ശ്രമിക്കുകയാണ്. അത് കേരളത്തില് നടക്കില്ലെന്ന് പ്രതിപക്ഷ നേതാവ് പറഞ്ഞു.
പല മണ്ഡലങ്ങളിലും ബിജെപി രണ്ടാം സ്ഥാനത്ത് വരുമെന്നും ബിജെപിയുടെ പല് സ്ഥാനാർഥികളും മികച്ചതാണെന്നുമാണ് എല്ഡിഎഫ് കണ്വീനര് പറഞ്ഞത്. കെ സുരേന്ദ്രനോ ബിജെപിക്കാരോ പറയാത്തതാണ് ജയരാജന് പറഞ്ഞത്. കേന്ദ്രത്തിലെ ബിജെപിയെ സന്തോഷിപ്പിക്കാന് പിണറായി വിജയനാണ് ഈ പാവത്തിനെക്കൊണ്ട് ഇതൊക്കെ പറയിപ്പിക്കുന്നത്.
തൃശൂരില് യുഡിഎഫ് സ്ഥാനാർഥി വിജയിക്കും. ബിജെപി അക്കൗണ്ട് തുറക്കില്ല. എവിടെ പോയി കരുവന്നൂരിലെ ഇഡി അന്വേഷണം. ഇഡിയെ ഉപയോഗിച്ച് സിപിഎമ്മുകാരെ വിരട്ടി നിര്ത്തിയിക്കുകയാണെന്നും വിഡി സതീശൻ ആരോപിച്ചു.
രാഹുല് ഗാന്ധിയും കെസി വേണുഗോപാലും കേരളത്തില് മത്സരിക്കുന്നതില് പ്രതിഷേധമുണ്ടെങ്കില് കോണ്ഗ്രസ് മുന്നണിയില് മത്സരിക്കുന്ന തമിഴ്നാട്ടിലെ രണ്ട് സിപിഎം സ്ഥാനാർഥികളെ പിന്വലിക്കാന് സിപിഎം തയാറുണ്ടോ? വിരലില് എണ്ണാവുന്ന സീറ്റുകളില് മാത്രം മത്സരിക്കുന്ന സിപിഎമ്മാണ് നരേന്ദ്ര മോദിയെ തഴെയിറക്കാന് നടക്കുന്നതെന്നും വിഡി സതീശൻ പറഞ്ഞു.
ഇപി ജയരാജനെതിരായ വിമർശനങ്ങൾ വിഡി സതീശൻ ഇന്നും ആവർത്തിച്ചു. രാജീവ് ചന്ദ്രശേഖറിന്റെ ഉടമസ്ഥതയിലുള്ളതാണ് നിരാമയ റിസോര്ട്ട് എന്നതില് എംവി ഗോവിന്ദന് എന്തെങ്കിലും സംശയമുണ്ടോ?പതിനൊന്ന് കൊല്ലം മുന്പ് കോവളത്ത് നടന്ന നിരാമയ റിസോര്ട്ട് ഉദ്ഘാടനത്തില് രാജീവ് ചന്ദ്രശേഖര് കുടുംബാംഗങ്ങള്ക്കൊപ്പം പങ്കെടുത്തിട്ടുണ്ട്. വൈദേകം റിസോര്ട്ടുമായി ഇ.പി ജയരാജനും കുടുംബത്തിനും ബന്ധമുണ്ട്. അഡൈ്വസറാണെന്ന് ജയരാജന് തന്നെ പറഞ്ഞിട്ടുണ്ട്. റിസോര്ട്ട് നടത്തിപ്പിന് അഡൈ്വസ് നല്കുന്നതില് ജയരാജന് എന്നാണ് എകസ്പെര്ട്ടായത്? നിരാമയ റിസോര്ട്ടും തമ്മില് ഒരു കാരാറുണ്ട്. ആ കരാര് അനുസരിച്ച് വൈദേകത്തി ന്റെ നടത്തിപ്പ് ചുമതല നിരാമയയ്ക്കാണ്. ഇപ്പോള് ആ സ്ഥാപനത്തിന്റെ പേര് നിരാമയ-വൈദേകം റിസോര്ട്ട് എന്നാണ്. ഇത്രയും തെളിവുകള് മതിയോ എംവി ഗോവിന്ദന്.
കരാര് ഒപ്പുവച്ചതിന് ശേഷം നിരാമയയുടെ പ്രധാനപ്പെട്ട ഉദ്യോഗസ്ഥര്ക്കൊപ്പം ഇപി ജയരാജന്റെ കുടുംബം നില്ക്കുന്നതിന്റെ ചിത്രവുമുണ്ട്. രാജീവ് ചന്ദ്രശേഖറോ ഇപി ജയരാജനോ ഇക്കാര്യം നിഷേധിച്ചിട്ടില്ല. രാജീവ് ചന്ദ്രശേഖറിനെ കണ്ടിട്ടില്ലെന്നാണ് ഇപി ജയരാജന് പറഞ്ഞത്. രാജീവ് ചന്ദ്രശേഖറും ഇപി ജയരാജനെ കണ്ടിട്ടില്ലെന്ന് പറഞ്ഞി ട്ടുണ്ട്. ഇരുവരും തമ്മില് കൂടിയാലോചന നടത്തിയെന്ന ആരോപണം ഞങ്ങളും ഉന്നയിച്ചിട്ടില്ല. പക്ഷെ രണ്ടു പേരുടെയും സ്ഥാപനങ്ങള് തമ്മില് കരാറുണ്ട്. ആ കരാറിനെ തുടര്ന്നാണ് രണ്ട് സ്ഥാപനങ്ങളും ഒന്നായത്.
എല്ഡിഎഫ് കണ്വീനറും സിപിഎം കേന്ദ്ര കമ്മിറ്റി അംഗവുമായ ഇപി ജയരാജനു മായി ബന്ധമുള്ള സ്ഥാപനവും ബിജെപിയുടെ സ്ഥാനാർഥിയും കേന്ദ്ര മന്ത്രിയുമായ രാജീവ് ചന്ദ്രശേഖറിന്റെയും സ്ഥാപനവും തമ്മില് കരാറുണ്ടാക്കി ഒന്നിച്ചാണ് കച്ചവടം നടത്തുന്നതെന്നാണ് ആദ്യം മുതല്ക്കെ ഉന്നയിച്ച ആരോപണം. ഇന്കം ടാക്സ്, ഇഡി പരിശോധനകള് നടന്നതിന് പിന്നാലെയാണ് ഈ കരാറുണ്ടാക്കിയത്. ഇതോട കേന്ദ്ര ഏജന്സികളുടെ അന്വേഷണവും നിലച്ചു. ഇ.പി ജയരാജന് ബുദ്ധിപൂര്വകമായ ഇടപെടലാണ് നടത്തിയത്. ഇതൊക്കെ ആര്ക്കാണ് നിഷേധിക്കാന് പറ്റുന്നത്. നിരാമയ അദ്ദേഹത്തിന്റേത് അല്ലെന്ന് രാജീവ് ചന്ദ്രശേഖരന് പറയട്ടെ.
