മലയാളമിത്രം ഗൾഫ് ഡസ്ക് 
റിയാദ്: സഊദിയിൽ കാര്‍ മറിഞ്ഞ് കൊല്ലം സ്വദേശി മരിച്ചു , ഒരാള്‍ക്ക് പരിക്കേല്‍ ക്കുകയും ചെയ്തു. റിയാദിനടുത്ത് ഹരീഖില്‍ ആണ് അപകടം നടന്നത് കൊല്ലം ശാസ്താംകോട്ട കൊമറംചിറ കോട്ടക്കാട്ടുമുക്ക് വലിയ വീട്ടില്‍ മുഹമ്മദ് റാശിദ് (27) ആണ് മരിച്ചത്.
കൂടെയുണ്ടായിരുന്ന നാസിം പെരുവയല്‍ പരിക്കുകളോടെ ഹോത്ത ബനീ തമീം ആശുപത്രിയില്‍ ചികിത്സയിലാണ്. ഇന്നലെ രാത്രി ഒമ്പത് മണിക്ക് ഹരീഖില്‍ നിന്ന്് അല്‍ഹായിറിലേക്ക് വരുമ്പോഴാണ് അപകടം. വിജനസ്ഥലത്താണ് ഇവരുടെ കാര്‍ മറിഞ്ഞത്.
മരിച്ച മുഹമ്മദ് റാശിദ് ഐസിഎഫ് ഹോത്ത സജീവ പ്രവര്‍ത്തകനാണ് .അവിവാഹി തനാണ്. മാതാപിതാക്കൾ മുഹമ്മദ് കുഞ്ഞി; ലൈല ബീവി, സഹോദരങ്ങൾ ജിഷാര്‍, റിയാസ്, റജീന,
മൃതദേഹവുമായി ബന്ധപ്പെട്ട നടപടികള്‍ക്ക് ഹോത്ത ബനീ തമീം കെഎംസിസി ജീവകാരുണ്യപ്രവര്‍ത്തകനായ റിയാസ്, നാസര്‍ ലൈസ്, റിയാദ് കെഎംസിസി വെല്‍ ഫെയര്‍ വിംഗ് ചെയര്മാന് സിദ്ദീഖ് തുവ്വൂര്‍ എന്നിവര്‍ രംഗത്തുണ്ട്.
