ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ജയൻ കൊടുങ്ങല്ലൂർ 
റിയാദ്: മണൽക്കാറ്റും ചുട്ടുപൊള്ളുന്ന ചൂടും മാറ്റിവെച്ച്, വിശുദ്ധ റമദാനെ വരവേൽക്കുന്ന സൗദി അറേബ്യയിലെ പ്രവാസി മലയാളികൾക്ക് ഇഫ്താർ സംഗമങ്ങൾ കേവലം നോമ്പുതുറയല്ല; അത് ഒത്തു ചേരലിന്റെയും മാനവികതയുടെയും വലിയൊരു ആഘോഷമാണ്. നാടും വീടും വിട്ട് പ്രവാസത്തിന്റെ ഏകാന്തതയിൽ കഴിയുന്നവർക്ക് സാന്ത്വനമേകാനും ജാതിമത ഭേദമന്യേ മലയാളികളെ ഒരുമിച്ചു നിർത്താനും ഇവിടുത്തെ പ്രവാസി കൂട്ടായ്മകൾ നടത്തുന്ന ഇഫ്താർ വിരുന്നുകൾക്ക് സാധിക്കുന്നു.
റിയാദിലെ ബത്ഹ മുതൽ ജിദ്ദയിലെ ഷറഫിയ വരെയും, ദമ്മാമിലെ കോർണിഷ് മുതൽ അസീറിലെ മലനിരകൾ വരെയും റമദാൻ മാസത്തിൽ സജീവമാകുന്നത് നൂറുകണക്കിന് ഇഫ്താർ പന്തലുകളാണ്. പ്രാദേശിക കൂട്ടായ്മകൾ, സാംസ്കാരിക സംഘടനകൾ, പൂർവ്വ വിദ്യാർത്ഥി സംഘടനകൾ, തൊഴിൽ അധിഷ്ഠിത ഗ്രൂപ്പുകൾ എന്നിവരുടെ നേതൃത്വത്തിൽ നടക്കുന്ന ഈ വിരുന്നുകൾ പ്രവാസ ലോകത്തെ ഏറ്റവും വലിയ ജനകീയ കൂട്ടായ്മകളായി മാറിക്കഴിഞ്ഞു.
തനിമയാർന്ന മലയാളി വിഭവങ്ങളായ കഞ്ഞിയും പഴംപൊരിയും സമോസയും ബിരിയാണിയുമൊക്കെ ഇഫ്താർ മേശകളിൽ ഇടംപിടിക്കുമ്പോൾ, അത് ഓരോ പ്രവാസിക്കും തന്റെ നാടിന്റെ രുചിയും ഗന്ധവും പകർന്നുനൽകുന്നു. എന്നാൽ വിഭവങ്ങളേക്കാളുപരി, ഒരുമിച്ചിരുന്ന് നോമ്പുതുറക്കുമ്പോൾ ലഭിക്കുന്ന ആത്മീയ സുഖവും മാനസിക ഉണർവുമാണ് പ്രവാസികൾ ഇതിലൂടെ തേടുന്നത്.
വെറുമൊരു ഭക്ഷണ വിതരണത്തിനപ്പുറം, വലിയൊരു സാമൂഹിക സേവനത്തിന് കൂടി ഈ സംഗമങ്ങൾ വേദിയാകാറുണ്ട്. ഇഫ്താർ സംഗമങ്ങളിൽ വെച്ച് സമാഹരിക്കുന്ന തുക ഉപയോഗിച്ച് നാട്ടിലെ പാവപ്പെട്ട വർക്ക് കിറ്റുകൾ എത്തിക്കാനും, ചികിത്സാ സഹായം നൽകാനും പല സംഘടനകളും ശ്രദ്ധിക്കുന്നു. സാധാരണക്കാരായ ലേബർ ക്യാമ്പ് നിവാസികൾക്കും ശുചീകരണ തൊഴിലാളികൾക്കും ഇഫ്താർ കിറ്റു കൾ എത്തിക്കുന്നതിൽ നമ്മുടെ പ്രവാസി സംഘടനകൾ വലിയ പങ്കാണ് വഹിക്കുന്നത്.
മുസ്ലിം സഹോദരങ്ങൾക്കൊപ്പം ഹൈന്ദവ-ക്രൈസ്തവ സുഹൃത്തുക്കളും ഒരേ വരിയിലിരുന്ന് നോമ്പുതുറക്കുന്നത് പ്രവാസ ലോകത്തെ മതേതരത്വത്തിന്റെ ഉത്തമ ഉദാഹരണമാണ്. മതചിന്ത കൾക്കപ്പുറം ‘മലയാളി’ എന്ന ഒരൊറ്റ വികാരത്തിൽ എല്ലാവരും ഒന്നിക്കുമ്പോൾ, അത് ലോകത്തിന് തന്നെ മാതൃകയാവുന്നു. സൗദിയിലെ പ്രവാസി കൂട്ടായ്മകൾ നടത്തുന്ന ഇത്തരം ഇഫ്താർ സംഗമങ്ങൾ പ്രവാസ ജീവിതത്തിലെ പിരിമുറുക്കങ്ങൾ കുറയ്ക്കാനും പരസ്പര ബന്ധങ്ങൾ ശക്തമാക്കാനും വലിയ രീതിയിൽ സഹായിക്കുന്നുണ്ട്. വരും വർഷങ്ങളിലും ഈ ഒത്തൊരുമയുടെ പന്തലുകൾ കൂടുതൽ പ്രകാശപൂരിതമായി തുടരുമെന്ന പ്രത്യാശയിലാണ് പ്രവാസി സമൂഹം.
