മലയാളമിത്രം ഗൾഫ് ഡസ്ക് 
സുഹാർ: ഒമാനിലെ സുഹാര്‍ വടക്കന്‍ ബാത്തിന ഗവര്‍ണറേറ്റിൽ വെച്ച് റോഡ് മുറിച്ചു കടക്കുന്നതിനിടെ വാഹനം ഇടിച്ച് മലയാളി മരിച്ചു. കൊല്ലം, കുണ്ടറ ഉളിയ കോവില്‍ കീച്ചേരി വടക്കേതില്‍ സ്വദേശി സുനില്‍ കുമാര്‍ ആണ് മരിച്ചത്. 47 വയസായിരുന്നു. റദ്ദയിൽ കെട്ടിട നിർമ്മാണ് കമ്പനിയിൽ ജീവനക്കാരനായിരുന്നു.
അപകടം നടന്ന ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. സഹം ഹോസ്പിറ്റല്‍ മോര്‍ച്ചറിയില്‍ മൃതദേഹം സൂക്ഷിച്ചിരിക്കുകയാണ്. നിയമ നടപടികൾ പൂർത്തിയാക്കി നാട്ടിലേക്ക് കൊണ്ടുവരാൻ ആണ് തീരുമാനിച്ചിരിക്കുന്നത്. സാമൂഹിക പ്രവര്‍ത്തകന്‍ അശോകന്‍ ആണ് ഇക്കാര്യം അറിയിച്ചത്. ഭാര്യ: മായ. മക്കള്‍: മിഥുന്‍. അദ്വൈത്. പിതാവ്: അഴകേശന്‍. മാതാവ്: മീനാക്ഷി.
