ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
ന്യൂഡല്ഹി: നിയമസഭ പാസാക്കിയ ബില്ലുകള് രാഷ്ട്രപതിക്ക് വിട്ട നടപടി ചോദ്യം ചെയ്ത് സമര്പ്പിച്ച ഹര്ജിയില് കേരള, പശ്ചിമ ബംഗാള് ഗവര്ണര്മാര്ക്ക് സുപ്രീം കോടതി നോട്ടീസ്.
കേരള ഗവര്ണര് ആരിഫ് മുഹമ്മദ് ഖാന്, പശ്ചിമ ബംഗാള് ഗവര്ണര് സി.വി ആനന്ദ ബോസ് എന്നിവരുടെ സെക്രട്ടറിമാര്ക്കും കേന്ദ്രസര്ക്കാരിനുമാണ് വിശദീകരണം ആവശ്യപ്പെട്ട് ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ സുപ്രീം കോടതി ബെഞ്ച് നോട്ടീസ് അയച്ചത്.
നിയമസഭ പാസാക്കിയ ബില്ലുകള് അനിശ്ചിതമായി പിടിച്ചു വെക്കുന്നു, രാഷ്ട്രപതി യുടെ പരിഗണനയ്ക്കായി അയക്കുന്നു തുടങ്ങിയ കാര്യങ്ങള് ചൂണ്ടിക്കാട്ടി കേരള, പശ്ചിമ ബംഗാള് സര്ക്കാരുകള് നല്കിയ ഹര്ജിയിലാണ് കോടതി നടപടി.
കേന്ദ്ര ആഭ്യന്തര മന്ത്രാലയത്തിനും ഗവര്ണര്മാരുടെ സെക്രട്ടറിമാര്ക്കുമാണ് നോട്ടീസ്. ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസ് ജെ.ബി പര്ദിവാല, ജസ്റ്റിസ് മനോജ് മിശ്ര എന്നിവരടങ്ങിയ ബെഞ്ചാണ് ഹര്ജി പരിഗണിച്ചത്. ബില്ലുകള് രാഷ്ട്രപതിയുടെ പരിഗണനയ്ക്ക് അയക്കുന്ന ഗവര്ണറുടെ നടപടി കേരളത്തിന് വേണ്ടി ഹാജരായ മുതിര്ന്ന അഭിഭാഷകന് കെ.കെ വേണുഗോപാല് എതിര്ത്തു.
ഓരോ തവണയും സുപ്രീം കോടതി കേസ് പരിഗണിക്കുമ്പോള്, ഗവര്ണര് ബില്ലുകള് രാഷ്ട്രപതിക്ക് അയക്കുകയാണെന്ന് ബംഗാള് സര്ക്കാരിന് വേണ്ടി ഹാജരായ അഭിഷേക് സിങ് വിയും ജയ്ദീപ് ഗുപ്തയും ചൂണ്ടിക്കാട്ടി.
