ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ കൊച്ചി 
ഹേമ കമ്മറ്റി റിപ്പോര്ട്ടിന് പിന്നാലെ നടന്മാര്ക്കെതിരായ തുറന്നുപറച്ചിലുകള് പുറത്തു വരികയാണ്. താര സംഘടനയായ അമ്മയുടെ തലപ്പത്തുള്ള പല പ്രമുഖരും സിനിമാ മേഖലയിലെ അഡ്ജസ്റ്റ്മെന്റ് ലൈംഗിക ചൂഷണത്തിന് നേതൃത്വം നല്കിയെന്നാണ് റിപ്പോര്ട്ടുകള്. അമ്മ ജനറല് സെക്രട്ടറിയായ നടന് സിദ്ദിഖിനെതിരേയും നേരത്തെ ഈ രീതിയിലുള്ള ലൈംഗിക ആരോപണം ഉയര്ന്നിരുന്നു. നടിയും മോഡലുമായ രേവതി സമ്പത്ത് 2019ല് നടത്തിയ തുറന്നു പറച്ചിൽ വീണ്ടും ചർച്ചയാവുകയാണ്.
നടിയെ ആക്രമിച്ച കേസിലെ ദിലീപിന്റെ അറസ്റ്റുമായി ബന്ധപ്പെട്ട് സിദ്ദിഖും കെപിഎസി ലളിതയും ഒരുമിച്ച് നടത്തിയ വാര്ത്താസമ്മേളനത്തിന്റെ വീഡിയോ പങ്കുവെച്ചുകൊണ്ടായിരുന്നു രേവതി ആരോപണവുമായെത്തിയത്. തന്റെ മകന് അഭിനയിക്കുന്ന ഒരു തമിഴ് സിനിമയിലെ ഓഫറിനെക്കുറിച്ച് സംസാരിക്കാന് സിദ്ദിഖ് തന്നെ ബന്ധപ്പെട്ടിരുന്നെന്ന് രേവതി പറയുന്നു. സിദ്ദിഖിന്റെ ‘സുഖമറിയാതെ’ എന്ന സിനിമയുടെ പ്രിവ്യൂവിന് ശേഷം തിരുവനന്തപുരത്ത് മസ്കറ്റ് ഹോട്ടലിലേക്ക് വരാന് പറയുകയായിരുന്നു. അവിടെവെച്ചാണ് മോശം അനുഭവമുണ്ടായത്.
അഡ്ജസ്റ്റ്മെന്റ് ചെയ്യാന് തയ്യാറാണോയെന്ന് സിദ്ദിഖ് നേരിട്ട് ചോദിച്ചു. സിനിമാ മേഖലയില് ഈ വാക്കിന് ഇങ്ങനെയൊരു അര്ത്ഥം ഉണ്ടാകുന്നതില് വിഷമമുണ്ട്. എന്താണ് ഉദ്ദേശിക്കുന്നതെന്ന് ഞാന് ചോദിച്ചു, സിദ്ദിഖ് തന്റെ ആവശ്യങ്ങള് വ്യക്തമായി പറഞ്ഞു. നീണ്ട നഖങ്ങളുള്ള സ്ത്രീകളെ ഇഷ്ടപ്പെടുന്ന ലൈംഗിക സങ്കല്പ്പമായിരുന്നു വിവരിച്ചത്. അതൊന്നും നടക്കില്ല എന്ന് മനസ്സിലായപ്പോള്, ഇക്കാര്യം ഇനി പുറത്തുപറഞ്ഞാലും തനിക്ക് പ്രശ്നമില്ലെന്നായി സിദ്ദിഖ്.
തനിക്ക് ഒന്നും ചെയ്യാന് കഴിയില്ലെന്ന് നടന് പറഞ്ഞു. അയാള് ശക്തനായിരുന്നു. ഫേസ്ബുക്കില് ഇതേക്കുറിച്ച് എഴുതിയപ്പോള് തനിക്കെതിരെ ഉണ്ടായ കമന്റുകള് സിദ്ദിഖിന്റെ ശക്തി വിളിച്ചോതുന്നതാണെന്നും രേവതി ന്യൂസ് മിനിറ്റിനോട് അന്ന് പറഞ്ഞിരുന്നു. സിദ്ദിഖും കെപിഎസി ലളിതയും ദിലീപിന് അനുകൂലമായ പ്രസ്താവനകള് നടത്തുകയും വിമന് ഇന് സിനിമാ കളക്ടീവിനെതിരെ സംസാരിക്കുകയും ചെയ്യുന്നതിന്റെ വീഡിയോ നേരത്തേയും കണ്ടിട്ടുണ്ട്. പക്ഷേ, ഇപ്പോള് വീണ്ടും കണ്ടപ്പോള്, ഇനിയും മിണ്ടാതിരിക്കുന്നതില് അര്ത്ഥമില്ലെന്നു തോന്നി.
എന്നെപ്പോലുള്ള അംഗങ്ങള്ക്ക് വളരെയധികം കരുത്ത് നല്കുന്ന സംഘടനയാണ് ഡബ്ല്യുസിസി. ഈ അനുഭവം ഞാന് അവരോട് പങ്കുവെച്ചിട്ടുപോലുമില്ല. പിന്തുണയ്ക്കുന്ന മാതാപിതാക്കളെ ലഭിച്ചതില് ഞാന് ഭാഗ്യവതിയാനാണ്. ഇത്രയധികം പിന്തുണയുണ്ടായിട്ടും, തുറന്നുപറയാന് എനിക്ക് ബുദ്ധിമുട്ട് തോന്നുന്നുവെങ്കില്, മറ്റു സ്ത്രീകളുടെ ദുരവസ്ഥ സങ്കല്പ്പിക്കാവുന്നതേയുള്ളൂവെന്നും രേവതി പറയുന്നു.
രേവതി സമ്പത്തിന്റെ ഫേസ്ബുക്ക് കുറിപ്പ് ഇങ്ങനെ
‘ഈ വീഡിയോ വീണ്ടും വീണ്ടും കാണുമ്പോൾ എല്ലാം തുറന്നു പറയുന്നതിൽ നിന്ന് എന്നെ തടഞ്ഞുനിർത്താനാവുന്നില്ല. തിരുവനന്തപുരം നിള തീയേറ്ററിൽ 2016ൽ നടന്ന ‘സുഖമായിരിക്കട്ടെ’ എന്ന സിനിമയുടെ പ്രിവ്യൂ ഷോയ്ക്കിടെ സിദ്ദിഖ് എന്നോട് ലൈംഗികമായി അപമര്യാദയായി പെരുമാറാൻ ശ്രമിച്ചു. വാക്കാലുള്ള ലൈംഗികാധി ക്ഷേപം 21-ാം വയസ്സിൽ എന്റെ ആത്മവീര്യം കെടുത്തി. അതുണ്ടാക്കിയ ആഘാതം ഇപ്പോഴും എന്നെ വിട്ടുപോയിട്ടില്ല. സിദ്ദിഖിന് ഒരു മകളുണ്ടെന്നാണ് ഞാൻ മനസിലാക്കുന്നത്.
അദ്ദേഹത്തിനൊപ്പം അവൾ സുരക്ഷിതയായിരിക്കുമോ എന്ന് ഞാൻ ചിന്തിക്കുകയാണ്. നിങ്ങളുടെ മകൾക്ക് സമാനമായ അനുഭവമുണ്ടായാൽ നിങ്ങൾ എന്തുചെയ്യും സിദ്ദിഖ്? ഇത്തരത്തിലുള്ള ഒരാൾക്ക് എങ്ങനെയാണ് ഡബ്ല്യു.സി.സിയെപ്പോലെ ആദരിക്ക പ്പെടുന്ന, അന്തസ്സുള്ള ഒരു സംഘടനയ്ക്കെതിരേ വിരൽ ചൂണ്ടാനാവുന്നത്? നിങ്ങൾ ഇത് അർഹിക്കുന്നുണ്ടോ? സ്വയം ചിന്തിച്ച് നോക്കൂ? ഉളുപ്പുണ്ടോ? സിനിമാമേഖലയിലെ മുഖംമൂടിയിട്ട, സ്വയംപ്രഖ്യാപിത മാന്യൻമാരെക്കുറിച്ച് ആലോചിക്കുമ്പോൾ ലജ്ജ തോന്നുന്നു’ രേവതി സമ്പത്ത് പറഞ്ഞു.
