ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
ദോഹ: അറബ് ബുക്ക് അവാർഡിന്റെ മൂന്നാമത് പതിപ്പിലേക്ക് ഇതുവരെ 1,043 നോമിനേഷനുകൾ ലഭിച്ചതായി ജഡ്ജിങ് കമ്മിറ്റി അറിയിച്ചു. 41 രാജ്യങ്ങളിൽ നിന്നാണ് നോമിനേഷനുകൾ ലഭിച്ചിട്ടുള്ളതെന്ന് അറബ് ബുക്ക് അവാർഡിന്റെ മാധ്യമ ഉപദേഷ്ടാവ് ഡോ. ഹനാൻ അൽ-ഫയാദ് അറിയിച്ചു.
വ്യക്തിഗത വിഭാഗത്തിൽ 960 നോമിനേഷനുകളും അച്ചീവ്മെന്റ് വിഭാഗത്തിൽ 83 നോമിനേഷനുകളും ലഭിച്ചു. ഓരോ വർഷവും വർധിച്ചുവരുന്ന പങ്കാളിത്തം ലോകമെമ്പാടുമുള്ള സാംസ്കാരിക- അക്കാദമി ക മേഖലയിലെ ഗുണപരമായ മുന്നേറ്റമാണ് സൂചിപ്പിക്കുന്നതെന്നും ഡോ. ഹനാൻ അൽ-ഫയാദ് പറഞ്ഞു. ജൂറിക്ക് മുമ്പാകെ വന്ന എൻട്രികൾ ഒന്നിലധികം ഘട്ടങ്ങളിലൂടെ വിലയിരുത്തും. കർശനവും സുതാര്യ വുമായ നടപടിക്രമമായിരിക്കും ഇതിനു കൈക്കൊള്ളുക. ഡിസംബർ മാസത്തിനകം വിലയിരുത്തൽ പ്രക്രിയ അവസാനിക്കും. തുടർന്നായിരിക്കും ജേതാക്കളെ പ്രഖ്യാപിക്കുക. അവാർഡ് പ്രഖ്യാപനം 2026 തുടക്കത്തിൽ നടത്തും. പ്രത്യേക ചടങ്ങിൽ ജേതാക്കൾക്ക് പുരസ്ക്കാരം സമ്മാനിക്കും. മൊത്തം ഒരു മില്യൺ ഡോളർ ആണ് പുരസ്ക്കാര തുക.
