ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
ന്യൂഡല്ഹി: രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്രയുടെ പുതിയ മുദ്രാവാക്യവും ലോഗോയും പുറത്തിറക്കി കോണ്ഗ്രസ്. പാര്ട്ടി അധ്യക്ഷൻ മല്ലികാര്ജുൻ ഖാര്ഗെ, ജനറല് സെക്രട്ടറിമാരായ ജയറാം രമേശ്, കെ.സി വേണു ഗോപാല് എന്നിവരാണ് പുറത്തിറക്കിയത്. ‘ന്യായ് കാ ഹഖ് മില്നെ തക്’ (നമുക്ക് നീതി കിട്ടും വരെ) എന്നതാണ് പുതിയ മുദ്രാവാക്യം.
‘രാഹുല് ഗാന്ധിയുടെ നേതൃത്വത്തില് ജനുവരി 14 മുതല് ഭാരത് ജോഡോ ന്യായ് യാത്ര ആരംഭിക്കുകയാണ്. ജനങ്ങള്ക്ക് സാമ്ബത്തികവും സാമൂഹികവും രാഷ്ട്രീയവുമായ നീതി ലഭ്യമാക്കാനുള്ള ശക്തമായ ചുവടുവെപ്പാണ് ഈ യാത്ര’ -മല്ലികാര്ജുൻ ഖാര്ഗെ പറഞ്ഞു.
പ്രധാനമന്ത്രി നരേന്ദ്ര മോദിയെ കടന്നാക്രമിച്ച ഖാര്ഗെ, വംശീയ കലാപം നടന്ന മണിപ്പൂരില് അദ്ദേഹം ഇതുവരെ സന്ദര്ശിച്ചിട്ടില്ലെന്നും പറഞ്ഞു. ‘മറ്റൊരു വഴിയു മില്ലെന്ന് പറയാൻ ഞങ്ങള് ജനങ്ങളുടെ ഇടയിലേക്ക് പോവുകയാണ്. പാര്ലമെന്റില് സംസാരിക്കാനും പ്രശ്നങ്ങള് ഉന്നയിക്കാനും ഞങ്ങള് ശ്രമിച്ചു. എന്നാല്, സര്ക്കാര് ഞങ്ങള്ക്ക് അവസരം നല്കിയില്ല. രാജ്യത്തിന്റെ ചരിത്രത്തില് ആദ്യമായി 146 എംപിമാരെ സസ്പെൻഡ് ചെയ്തു. പ്രധാനമന്ത്രി ലോക്സഭയില് എത്തിയെങ്കിലും ഒരിക്കല് പോലും രാജ്യസഭയിലേക്ക് എത്തിനോക്കിയത് പോലുമില്ല’ -ഖാര്ഗെ കൂട്ടിച്ചേര്ത്തു.
മണിപ്പൂരിലെ ഇംഫാലില് നിന്നാണ് ഭാരത് ജോഡോ ന്യായ് യാത്ര ആരംഭിക്കുന്നത്. ആകെ 6713 കിലോമീറ്റര് ദൂരമാണ് യാത്ര. ഇതില് 100 ലോക്സഭാ മണ്ഡലങ്ങളും 337 നിയമസഭാ മണ്ഡലങ്ങളും 110 ജില്ലകളും ഉള്പ്പെടുന്നു. മാര്ച്ച് 20ഓടെ മുംബൈയില് സമാപിക്കും.
