ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം ഗൾഫ് ഡസ്ക് 
റിയാദ്: സൗദി അറേബ്യയുടെ വിവിധ ഭാഗങ്ങളില് വരും ദിനങ്ങളില് കാലാവസ്ഥ യില് വലിയ മാറ്റങ്ങളുണ്ടാകുമെന്ന് അധികൃതര്. അടുത്ത ചൊവ്വാഴ്ച വരെ വിവിധ പ്രദേശങ്ങളില് കനത്ത മഴയ്ക്കും ശക്തമായ കാറ്റിനും സാധ്യതയുണ്ടെന്ന് നാഷണല് സെന്റര് ഫോര് മെറ്റീരിയോളജി മുന്നറിയിപ്പ് നല്കി.
മക്ക, മദീന, ശര്ഖിയ, അല് ബഹ, അസിര്, ജിസാന്, ഹായില്, അല് ജൗഫ് എന്നിവിടങ്ങ ളിലാണ് കാലാവസ്ഥയില് പ്രകടമായ മാറ്റങ്ങള് അനുഭവപ്പെടുകയെന്നും അധികൃതര് വ്യക്തമാക്കി. മിതമായ മഴ മുതല് ശക്തമായ മഴ വരെ ഉണ്ടാവാനുള്ള സാധ്യതയാണ് പ്രവചിക്കപ്പെട്ടിരിക്കുന്നത്. മഴയോടൊപ്പം ശക്തമായ ഇടിമിന്നലിനും സാധ്യതയുണ്ട്. ശക്തമായ കാറ്റില് പൊടിപടലങ്ങള് അന്തരീക്ഷത്തില് ഉയരുന്നതിനാല് കാഴ്ചാ ദൂരം കുറയാന് കാരണമാവുമെന്നും അധികൃതര് അറിയിച്ചു.
മക്ക മേഖലയില് അല് ഖുന്ഫുദ, തായിഫ് തുടങ്ങിയ പ്രദേശങ്ങളില് നേരിയ മഴയും അല് ഷാഫ, മിസ്സാന് എന്നിവിടങ്ങളില് മിതമായ മഴയും പെയ്യുമെന്നും നാഷണല് സെന്റര് ഫോര് മെറ്റീരിയോളജി അറിയിച്ചു. കനത്ത മഴയും ശക്തമായ കാറ്റ് ദൃശ്യപരത കുറയ്ക്കുന്ന അല് ബഹയിലും സമാനമായ കാലാവസ്ഥ പ്രവചിക്കപ്പെടുന്നു.
അസീര്, ജസാന് മേഖലകളില് ഇടിമിന്നല്, ശക്തമായ കാറ്റ്, വെള്ളപ്പൊക്കം എന്നിവ യുള്പ്പെടെ കൂടുതല് തീവ്രമായ അവസ്ഥകള് പ്രതീക്ഷിക്കുന്നു. പ്രത്യേകിച്ച് അല് മജാരിദയിലും റിജാല് അല്മയിലുംമാണ് കാലാവസ്ഥാ മാറ്റം ഏറ്റവും രൂക്ഷമായി രീതിയില് അനുഭവപ്പെടുക. അതേസമയം, മദീന മേഖലയില് ശക്തമായ കാറ്റും അതുമൂലം കുറഞ്ഞ ദൂരക്കാഴ്ചയും നേരിടാനുള്ള സാധ്യതയുണ്ട്. പ്രത്യേകിച്ച് യാന്ബുവിലും അല് റയീസിലുമാണ് ഇത് കൂടുതലായി അനുഭവപ്പെടുക.
കിഴക്കന് പ്രവിശ്യയിലും വരും ദിവസങ്ങളില് ആലിപ്പഴ വര്ഷവും ശക്തമായ കാറ്റും അനുഭവപ്പെടും. ഇവിടെയും പൊടിപടലങ്ങള് ഉയരാനുള്ള സാധ്യതയുണ്ട്. ദമ്മാം, ഖോബാര് തുടങ്ങിയ പ്രധാന നഗരങ്ങളിലും പൊടിപടങ്ങള് കാരണം അന്തരീക്ഷ കാഴ്ച കുറയുന്നു. ദുമത് അല് ജന്ദാല്, സകാക്ക എന്നിവയുള്പ്പെടെ അല് ജൗഫ് മേഖലയി ലും പൊടിക്കാറ്റ് വീശും.പ്രതികൂല കാലാവസ്ഥ അടുത്ത ആഴ്ച വരെ തുടരുമെന്ന് പ്രതീക്ഷിക്കുന്നതിനാല്, പ്രത്യേകിച്ച് ദൃശ്യപരത കുറഞ്ഞ പ്രദേശങ്ങളില് ജാഗ്രത പാലിക്കാന് ദേശീയ കാലാവസ്ഥാ കേന്ദ്രം നിവാസികള്ക്ക് നിര്ദ്ദേശം നല്കുന്നത് തുടരുന്നു. കാലാവസ്ഥാ നിരീക്ഷണ കേന്ദ്രവും ബന്ധപ്പെട്ട സുരക്ഷാ ഏജന്സികളും നല്കുന്ന കാലാവസ്ഥാ അപ്ഡേറ്റുകള് കൃത്യമായി ശ്രദ്ധിക്കുകയും നിര്ദ്ദേശങ്ങള് കര്ശനമായി പാലിക്കുകയും ചെയ്യണമെന്നും അധികൃതര് നിര്ദ്ദേശിച്ചു.
