മലയാളമിത്രം നാഷണല് ഡസ്ക് 
ഛത്തീസ്ഗഢ് വിദ്യാഭ്യാസ മന്ത്രി പ്രേംസായ് സിംഗ് ടെകം സംസ്ഥാന മന്ത്രിസഭയിൽ നിന്ന് രാജിവച്ചു. പാർട്ടി സ്ഥാനത്തുനിന്നും ഒഴിവാക്കപ്പെട്ടതിന് തൊട്ടുപിന്നാലെ മുൻ സംസ്ഥാന കോൺഗ്രസ് മേധാവി മോഹൻ മർകം അദ്ദേഹത്തിന് പകരക്കാരനായേക്കും. മോഹൻ മാർകം വെള്ളിയാഴ്ച രാവിലെ 11.30ന് സത്യപ്രതിജ്ഞ ചെയ്യുമെന്ന് പാർട്ടി വൃത്തങ്ങൾ പറഞ്ഞു.
“ആരെയെങ്കിലും മന്ത്രിസഭയിൽ നിർത്തുകയോ ആരെയെങ്കിലും പുറത്താക്കുകയോ ചെയ്യുന്നത് മുഖ്യമന്ത്രിയുടെ വിവേചനാധികാരമാണ്. ഞാൻ രാജിവയ്ക്കണമെന്ന് ഓൾ ഇന്ത്യ കോൺഗ്രസ് കമ്മിറ്റി (എഐസിസി) നിർദ്ദേശിച്ചിട്ടുണ്ട്. ”രാജിവെക്കാനുള്ള നടപടി ക്രമം താൻ പാലിച്ചുവെന്ന് ടേക്കം മാധ്യമപ്രവർത്തകരോട് പറഞ്ഞു.
ബുധനാഴ്ച മുഖ്യമന്ത്രിയുടെ വസതിയിൽ ചേർന്ന മന്ത്രിസഭാ യോഗത്തിലാണ് തീരു മാനം. ഈ വർഷം അവസാനം നടക്കാനിരിക്കുന്ന സംസ്ഥാന നിയമസഭാ തെരഞ്ഞെ ടുപ്പിന് മുന്നോടിയായാണ് പകരക്കാരൻ വരുന്നത്. “സംഘടനയിലെ ആളുകൾക്ക് വ്യത്യസ്ത ഉത്തരവാദിത്തങ്ങളാണ് നൽകിയിരിക്കുന്നത്. എല്ലാ സംസ്ഥാന ങ്ങളിലും മാറ്റങ്ങൾ വരുത്തിക്കൊണ്ടിരിക്കുകയാണെന്ന് തീരുമാനത്തെക്കുറിച്ച് മുഖ്യമന്ത്രി ഭൂപേഷ് ബാഗേൽ പറഞ്ഞു.
അടുത്തിടെ റായ്പൂരിൽ നടന്ന കോൺഗ്രസിന്റെ പ്ലീനറി സമ്മേളനത്തിൽ 50 ശതമാനം പാർട്ടി സ്ഥാനങ്ങൾ 50 വയസ്സിന് താഴെയുള്ളവർക്ക് നൽകാൻ തീരുമാനിച്ചതായും ബാഗേൽ പറഞ്ഞു. ദീപക് ബെയ്ഗിന് 42 വയസ്സായതിനാൽ ഛത്തീസ്ഗഡിൽ നിന്നാണ് തീരുമാനം നടപ്പിലാക്കി തുടങ്ങിയത്.” അദ്ദേഹം കൂട്ടിച്ചേർത്തു.
50 വയസ്സിന് താഴെയുള്ളവർക്ക് പാർട്ടി സ്ഥാനങ്ങളുടെ പകുതി നൽകാനുള്ള കോൺ ഗ്രസിന്റെ നീക്കം ഛത്തീസ്ഗഢിൽ നിന്ന് ആരംഭിച്ചത് ദീപക് ബൈജിനെ സംസ്ഥാന ഘടകത്തലവനായി നിയമിച്ചതോടെയാണെന്നും വ്യാഴാഴ്ച മുഖ്യമന്ത്രി പറഞ്ഞു. ബസ്തർ പാർലമെന്റ് മണ്ഡലത്തെ പ്രതിനിധീകരിക്കുന്ന ബൈജിനെ മോഹൻ മർകമിന് പകരം ഛത്തീസ്ഗഢ് കോൺഗ്രസ് അധ്യക്ഷനായി പാർട്ടി അധ്യക്ഷൻ മല്ലികാർജുൻ ഖാർഗെ ബുധനാഴ്ച നിയമിച്ചിരുന്നു.
