മലയാളമിത്രം നാഷണല് ഡസ്ക് 
ഗുവാഹത്തി: പഹൽഗാം ഭീകരാക്രമണത്തിന് ശേഷം ഇന്ത്യയും പാകിസ്ഥാനും തമ്മിലുള്ള സംഘര്‍ ഷത്തില്‍ ചൈന നേരിട്ട് ഇടപെടാൻ സാധ്യതയില്ലെന്ന് ഈസ്റ്റേണ്‍ കമാൻഡ് മുന്‍ മേധാവിയായ ലഫ്റ്റനന്‍റ് ജനറൽ (റിട്ട.) റാണ പ്രതാപ് കലിത. നിലവിലെ ഭൗമരാഷ്ട്രീയ സാഹചര്യവും താരിഫ് സംബന്ധമായ സങ്കീർണ്ണതകളും കാരണമാണിതെന്നും അദ്ദേഹം പറഞ്ഞു. എന്നിരുന്നാലും, പാകിസ്ഥാനുമായുള്ള ചൈനയുടെ സൗഹൃദം അറിയപ്പെടുന്ന വസ്‌തുതയാണെന്നും അദ്ദേഹം ചൂണ്ടിക്കാട്ടി.
“2020-ലെ ഗാൽവാൻ സംഭവത്തിന് പിന്നാലെ, ഇരു രാജ്യങ്ങളും തമ്മിലുള്ള നിരവധി കൂടിയാലോ ചനകൾക്കും ചർച്ചകൾക്കും ശേഷം, സംഘർഷത്തിന്‍റെ അവസാന ഘട്ട സാധ്യതയും പരിഹരിച്ചു. സംഘർഷത്തിന്‍റെ അവസാന മേഖലകൾ പരിഹരിച്ചതിനുശേഷം ഒരു ‘സാധാരണവൽക്കരണ പ്രക്രിയ’ നടന്നിട്ടുണ്ട്. നേരിട്ടുള്ള വിമാന സർവീസുകൾ ആരംഭിക്കുന്നതിനും കൈലാസ് മാനസരോവർ യാത്ര പുന രാരംഭിക്കുന്നതിനുമുള്ള ചർച്ചകൾ ഉൾപ്പെടെ ഉഭയകക്ഷി സംവിധാനം പുരോഗമിച്ചു”- പ്രതാപ് കലിത പറഞ്ഞു.
യുഎസ് ചുമത്തിയ വർധിച്ച വ്യാപാര തീരുവ ഇരു രാജ്യങ്ങളും നേരിടുന്നുണ്ടെന്നും ഇത് ആഗോള സമ്പദ്‌വ്യവസ്ഥയെയും ബാധിക്കുന്നുണ്ടെന്നും കലിത ചൂണ്ടിക്കാട്ടി. ഇന്ത്യയും ചൈനയും ഉൽപ്പാദന രാജ്യങ്ങളാണെന്നും ഇതുപോലെ തന്നെ പ്രധാന ഉപഭോഗ വിപണികളാണെന്നും അതിനാൽ താരിഫുക ളിലെ മാറ്റത്തിന്‍റെ ആഘാതം കൂടുതൽ അനുഭവപ്പെടുമെന്ന് അദ്ദേഹം പറഞ്ഞു.
“ഈ സങ്കീർണ്ണതകളും ഭൗമരാഷ്ട്രീയ സംഭവവികാസങ്ങളും കൂടി കണക്കിലെടുക്കുമ്പോൾ, പഹൽഗാം സംഭവം മൂലമുണ്ടായ അസ്ഥിരതയിലേക്ക് ചൈനക്കാരുടെ നേരിട്ടുള്ള പ്രകടനം ഉണ്ടാകുമോ എന്ന് ഇപ്പോൾ പ്രവചിക്കാൻ പ്രയാസമാണ്. എന്നാൽ ഇപ്പോൾ, അവർ നേരിട്ട് ഇടപെടുന്നതായി ഞാൻ കാണു ന്നില്ല. പാകിസ്ഥാൻ വഴി അറബിക്കടലിലേക്കുള്ള പ്രവേശനം ചൈനയ്ക്ക് പ്രധാനമാണെന്നതും അറിയപ്പെടുന്ന വസ്‌തുതയാണ്” പ്രതാപ് കലിത പറഞ്ഞു.
