ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം വെബ് ഡസ്ക് 
കോട്ടയം: കുമാരനല്ലൂര് ഗവ. യു.പി. സ്കൂളിലെ ക്ലാസ്മുറികളിലെ ചുമരില് ചിത്രങ്ങള് വരച്ച് വ്യത്യസ്തനാവുകയാണ് ഈ രക്ഷകര്ത്താവ്. അതേ സ്കൂളിലെ ഏഴാം ക്ലാസ് വിദ്യാര്ഥി ധ്യാന്ചന്ദിന്റെ അച്ഛന് ചിത്രകാരനും വി.എഫ്.എക്സ്. ആര്ട്ടിസ്റ്റുമായ കുമാരനല്ലൂര് കൊല്ലംപറമ്പില് അനു കെ. ഭാസ്കരന്. മധ്യവേനലവധി കഴിഞ്ഞ് സ്കൂള് തുറക്കുംമുമ്പാണ് ക്ലാസ്മുറികള് സുന്ദരമായ ചിത്രങ്ങള് വരച്ച് വര്ണാഭമാക്കാമെന്ന് അധികൃതരെ അറിയിച്ചത്.
തുടര്ന്ന് സ്കൂള് പി.ടി.എയുടെയും സഹഅധ്യാപകരുടെയും സഹകരണത്തോടെ ഈ ദൗത്യത്തിലേക്ക് നിറമുള്ള കാഴ്ചകള് ചാലിച്ചെടുക്കുകയായിരുന്നു അനു. ഇക്കാര്യത്തില് ധ്യാന്ചന്ദും മറ്റൊരു സ്കൂളിലെ വിദ്യാര്ഥിയായ സഹോദരന് ഗോപിചന്ദും അച്ഛനൊപ്പം കൂട്ടുചേര്ന്നു. പുതിയ പ്രവേശനത്തിനായി ഈ കാഴ്ചകണ്ടുവരുന്ന വിദ്യാര്ഥികളും കൗതുകത്തിന് പുറത്ത് ചിത്രം വരയ്ക്കാന് താത്പര്യം കാട്ടിയെത്തി. അത് അനുവിന്റെയും ആഗ്രഹമായിരുന്നു.
വരയറിയാത്ത കുട്ടികളെക്കൂടി ചിത്രങ്ങള് വരയ്ക്കുന്നതില് പങ്കാളികളാക്കുക. എന്നാല്, സമയപരിമിതിമൂലം കൂടുതല് കുട്ടികളെ ഉള്പ്പെടുത്താന് കഴിഞ്ഞില്ല. എങ്കിലും ആഗ്രഹിച്ച് മുന്നോട്ടുവന്ന കുട്ടികള് ഒരു കുഞ്ഞിലയെങ്കിലും വരച്ചിട്ട് േപായി. ഇനാമല് പെയിന്റ് ഉപയോഗിച്ച് നടന്ന ചിത്രരചനയില് മരങ്ങളും ചെടികളും പൂക്കളും ചിത്രശലഭങ്ങളുമൊക്കെയുണ്ട്.
ചിത്രരചനയില് താത്പര്യമുള്ള ഓഫീസ് അസിസ്റ്റന്റ് സുധാലക്ഷ്മിയും ചിത്രങ്ങള് വരയ്ക്കാന് കൂട്ടുചേര്ന്നു. കുമാരനല്ലൂര് ക്ഷേത്രത്തിന് സമീപം സുന്ദരമായ വളപ്പില് സ്ഥിതിചെയ്യുന്ന സ്കൂളില് നിറയെ കളിപ്പാട്ടങ്ങളും മരങ്ങളും ചേര്ന്ന ഭംഗിയാര്ന്ന അന്തരീക്ഷമാണ്. വിവിധ ക്ലാസുകളിലായി നൂറിലേറെ വിദ്യാര്ഥികള് പഠിക്കുന്നു. അധ്യാപകരടക്കം 10 ജീവനക്കാരുമുണ്ട്.
