മലയാളമിത്രം നാഷണല് ഡസ്ക് 
ന്യൂഡൽഹി : മാസപ്പടിക്കേസിൽ എസ്.എഫ്.ഐ.ഒയുടെ തുടർനടപടികൾ സ്റ്റേ ചെയ്യണമെന്ന് ആവശ്യപ്പെട്ട് സി.എം.ആർ.എൽ വീണ്ടും ഡൽഹി ഹൈക്കോടതിയിൽ ഹർജി നൽകി.
അന്വേഷണ റിപ്പോ‌ർട്ട് കേന്ദ്രസർക്കാരിന്റെ അനുമതിക്കായി സമർപ്പിച്ചിട്ടുണ്ടോ എന്നും കോടതിയുടെ അനുവാദമില്ലാതെ തുടർ നടപടികൾ പാടില്ലെന്ന് ഉത്തരവിടണമെന്നും സി.എം.ആർ.എൽ ഹർജിയിൽ ആവശ്യപ്പെട്ടു.
കോടതിയുടെ വാക്കാലുള്ള നിർ‌ദ്ദേശം മറികടന്ന് അന്വേഷണ റിപ്പോർട്ടിലെ വിവരങ്ങൾ മാദ്ധ്യമങ്ങൾക്ക് ചോർത്തി നൽകിയ ഉദ്യോഗസ്ഥർക്കെതിരെ അന്വേഷണം വേണമെന്നും ഹർജി അടിയന്തരമായി പരിഗണിക്കണമെന്നുമാണ് ആവശ്യപ്പെട്ടിരിക്കുന്നത്. ഹർജി തിങ്കളാഴ്ച കോടതി പരിഗണിക്കും.
