ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
ന്യൂസ് ബ്യൂറോ തിരുവനന്തപുരം 
തിരുവനന്തപുരം: സര്ക്കാര് പാവപ്പെട്ടവര്ക്ക് നല്കുന്ന സാമൂഹിക ക്ഷേമപെന്ഷന് വാങ്ങുന്നവരില് കോളജ് അധ്യാപകര് ഉള്പ്പെടെ ആയിരത്തിലേറെ സര്ക്കാര് ഉദ്യോഗ സ്ഥര്. 1458 സര്ക്കാര് ജീവനക്കാര് സാമൂഹിക ക്ഷേമ പെന്ഷന് വാങ്ങുന്നുവെന്നാണ് പുറത്തുവന്ന റിപ്പോര്ട്ട്. ധനവകുപ്പ് നിര്ദേശ പ്രകാരം ഇന്ഫോര്മേഷന് കേരള മിഷന്റെ പരിശോധനയിലാണ് വിവരങ്ങള് പുറത്തുവന്നത്.
ഗസറ്റഡ് ഉദ്യോഗസ്ഥര്, കോളജ് അധ്യാപകര്, ഹയര്സെക്കന്ഡറി അധ്യാപകര് തുടങ്ങിയവര് ക്ഷേമപെന്ഷന് നിയമവിരുദ്ധമായി കൈപ്പറ്റുന്നതായാണ് സര്ക്കാര് നടത്തിയ അന്വേഷണത്തില് കണ്ടെത്തയത് നേരത്തതെന്ന സര്ക്കാര് അനര്ഹമാ യവര് സാമൂഹിക ക്ഷേമ പെന്ഷന് കൈപ്പറ്റുന്നതായി മനസ്സിലാക്കിയിരുന്നു. തുടര്ന്നാണ് ധനവകുപ്പ് പരിശോധന നടത്തിയത്.
പാലക്കാട്, തിരുവനന്തപുരം ജില്ലയിലെ സര്ക്കാര് കോളജ് അധ്യാപകരാണ് സാമൂഹിക ക്ഷേമ പെന്ഷന് വാങ്ങുന്നതായി കണ്ടെത്തിയത്. ഹയര്സെക്കന്ഡറി അധ്യാപകരായ മൂന്നു പേര് പെന്ഷന് വാങ്ങുന്നു. ആരോഗ്യവകുപ്പിലെ 373 പേരും പൊതുവിദ്യാഭ്യാസവ കുപ്പിലെ 224 പേരും നിയമവിരുദ്ധമായി സാമൂഹിക ക്ഷേമപെന്ഷന് കൈപ്പറ്റുന്നതാ യാണ് കണക്കുകള്. ഇവരില് നിന്ന് പലിശ അടക്കം തിരിച്ചുപിടിക്കാനാണ് സര്ക്കാര് നീക്കം.
മെഡിക്കല് എഡ്യുക്കേഷന് വകുപ്പില് 124 പേരും ആയൂര്വേദ വകുപ്പില് (ഇന്ത്യന് സിസ്റ്റം ഓഫ് മെഡിസിന്) 114 പേരും മൃഗസംരണക്ഷ വകുപ്പില് 74 പേരും പൊതു മരാമത്ത് വകുപ്പില് 47 പേരും ക്ഷേമ പെന്ഷന് വാങ്ങുന്ന സര്ക്കാര് ജീവനക്കാരാണ്. സാങ്കേതിക വിദ്യാഭ്യാസ വകുപ്പില് 46 പേരും ഹോമിയോപ്പതി വകുപ്പില് 41 പേരും കൃഷി, റവന്യു വകുപ്പുകളില് 35 പേര് വീതവും ജുഡീഷ്യറി ആന്ഡ് സോഷ്യല് ജസ്റ്റീസ് വകുപ്പില് 34 പേരും ഇന്ഷ്വറന്സ് മെഡിക്കല് സര്വീസ് വകുപ്പില് 31 പേരും കോളജിയറ്റ് എഡ്യുക്കേഷന് വകുപ്പില് 27 പേരും ഹോമിയോപ്പതിയില് 25 പേരും ക്ഷേമ പെന്ഷന് കൈപ്പറ്റുന്നു..
വില്പന നികുതി 14 വീതം, പട്ടികജാതി ക്ഷേമം 13, ഗ്രാമ വികസനം, പൊലീസ്, പിഎസ്സി, ആയുര്വേദ മെഡിക്കല് എഡ്യുക്കേഷന് 10 വീതം, സഹകരണം എട്ട്, ലജിസ്ലേച്ചര് സെക്രട്ടറിയറ്റ്, തൊഴില് പരിശീലനം, പൊതുഭരണം, വൊക്കേഷണല് ഹയര് സെക്കണ്ടറി ഏഴു വീതം, വനം-വന്യജീവി ഒമ്പത്, സോയില് സര്വെ, ഫിഷറീസ് ആറു വീതം, തദ്ദേശ ഭരണം, വാഹന ഗതാഗതം, വ്യവാസായവും വാണിജ്യവും, ഫയര്ഫോഴ്സ്, ക്ഷീര വികസനം, പൊതുവിതരണം, അഡ്വക്കേറ്റ് ജനറല് ഓഫീസ് നാലു വീതം, സാമൂഹിക ക്ഷേമം, രജിസ്ട്രേഷന്, മ്യൂസിയം, പ്രിന്റിങ്, ഭക്ഷ്യ സുരക്ഷ, എക്സൈസ്, ആര്ക്കിയോളജി മൂന്നു വീതം, തൊഴില്, ലീഗല് മെട്രോളജി, മെഡിക്കല് എക്സാമിനേഷന് ലബോട്ടറി, എക്ണോമിക്സ് ആന്ഡ് സ്റ്റാറ്റിറ്റിക്സ്, ലാ കോളജുകള് രണ്ടു വീതം, എന്സിസി, ലോട്ടറീസ്, ജയില്, തൊഴില് കോടതി, ഹാര്ബര് എന്ജിനിയറിങ്, ഇലക്ട്രിക്കല് ഇന്സ്പക്ട്രേറ്റ്, ഡ്രഗ്സ് കണ്ട്രോള്, വിന്നോക്ക വിഭാഗ വികസനം, കയര് വകിസനം ഒന്നു വീതം എന്നിങ്ങനെയാണ് പരിശോധനയിലെ കണ്ടെത്തല്.
അനധികൃതമായി കൈപ്പറ്റിയ പെന്ഷന് തുക, പലിശയടക്കം തിരിച്ചുപിടിക്കാന് ധനവകുപ്പ് നിര്ദേശം നല്കി. കുറ്റക്കാര്ക്കെതിരെ കര്ശന അച്ചടക്ക നടപടി സ്വീകരിക്കാനും ധനമന്ത്രി കെഎന് ബാലഗോപാലിന്റെ നിര്ദേശമുണ്ട്.വിവിധതല ങ്ങളിലുള്ള പരിശോധനകള് തുടരാനാണ് ധനവകുപ്പ് തീരുമാനം. അനര്ഹരായവരെ കണ്ടെത്തി ഒഴിവാക്കുകയും അര്ഹരായവര്ക്ക് മുഴുവന് കൃത്യമായി പെന്ഷന് വിതരണം ഉറപ്പാക്കുകയും ചെയ്യുന്ന നടപടികള് തുടരുമെന്ന് ധനവകുപ്പ് വൃത്തങ്ങള് വ്യക്തമാക്കി
