ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
മലയാളമിത്രം നാഷണല് ഡസ്ക് 
ഉത്തര്പ്രദേശില് ലോക്സഭാ തിരഞ്ഞെടുപ്പില് കോണ്ഗ്രസും സമാജ് വാദി പാര്ട്ടിയും ഒന്നിച്ച് മത്സരിക്കും. 17 ലോക്സഭാ സീറ്റുകളില് കോണ്ഗ്രസ് മത്സരിക്കുമെന്നാണ് ധാരണ. ബാക്കി 63 സീറ്റുകള് അഖിലേഷ് യാദവിന്റെ നേതൃത്വത്തിലുള്ള സമാജ്വാദി പാര്ട്ടിക്കും (എസ്പി) ഇന്ത്യാ മുന്നണിയുടെ മറ്റ് സഖ്യകക്ഷികള്ക്കും ആയിരിക്കും.
‘ഉത്തര്പ്രദേശില് ഐഎന്സി 17 സീറ്റുകളില് മത്സരിക്കുമെന്നും ബാക്കി 63 സീറ്റുക ളില് എസ്പിയില് നിന്നും മറ്റ് പാര്ട്ടികളില് നിന്നുമുള്ള ഇന്ത്യന് സഖ്യത്തിന്റെ സ്ഥാനാര്ത്ഥികള് ഉണ്ടാകുമെന്നും തീരുമാനിച്ചു,’ ഉത്തര്പ്രദേശ് കോണ്ഗ്രസ് ഇന്ചാര്ജ് അവിനാഷ് പാണ്ഡെ വാര്ത്താസമ്മേളനത്തില് പറഞ്ഞു.
കോണ്ഗ്രസുമായുള്ള(Congress) സഖ്യ ചര്ച്ചകള് പുരോഗമിക്കുകയാണെന്ന് അഖിലേഷ് യാദവ് സ്ഥിരീകരിച്ചതിന് പിന്നാലെ ഇരു പാര്ട്ടികളും തമ്മില് ധാരണയിലെത്തി യതിന് പിന്നിലെ കഥ പുറത്ത് വന്നിരുന്നു. കോണ്ഗ്രസ് നേതാവ് പ്രിയങ്ക ഗാന്ധിയാണ് സംഭാഷണത്തിന് തുടക്കമിട്ടതെന്നും രാഹുല് ഗാന്ധിയുമായി വിഷയം ചര്ച്ച ചെയ്ത ശേഷം അഖിലേഷ് യാദവുമായി പ്രിയങ്ക സംസാരിച്ചുവെന്നും വൃത്തങ്ങള് വെളിപ്പെടുത്തി.
മൊറാദാബാദ് സീറ്റിനുള്ള ആവശ്യം കോണ്ഗ്രസ് ഉപേക്ഷിച്ച് പകരം സീതാപൂര്, ശ്രാവസ്തി, വാരണാസി എന്നിവ ആവശ്യപ്പെട്ടതിനെ തുടര്ന്നാണ് ചര്ച്ചകള് മുന്നോട്ട് നീങ്ങിയത്. നിലവിൽ അമേഠി, റായ്ബറേലി, പ്രയാഗ്രാജ്, വാരണാസി, മഹാരാജ്ഗഞ്ച്, ഡിയോറിയ, ബന്സ്ഗാവ്, സീതാപൂര്, അംറോഹ, ബുലന്ദ്ഷഹര്, ഗാസിയാബാദ്, കാണ്പൂര്, ഝാന്സി, ബരാബങ്കി, ഫത്തേപൂര് സിക്രി, സഹാറന്പൂര്, മഥുര എന്നീ സീറ്റുകളില് കോണ്ഗ്രസ് മത്സരിക്കും
കോണ്ഗ്രസുമായുള്ള ബന്ധം വഷളായെന്നും സഖ്യം അവസാനിപ്പിച്ചെന്നുമുള്ള ഊഹാപോഹങ്ങള് ശക്തമായിരിക്കെയാണ് അഖിലേഷ് യാദവ് നിലപാടറിയിച്ചത്. ഉത്തര്പ്രദേശില് പാര്ട്ടിയുമായി സഖ്യം തുടരുകയാണെന്നും രാഹുല് ഗാന്ധിയുമായി തര്ക്കമില്ലെന്നും അദ്ദേഹം പറഞ്ഞു.
”എല്ലാം ശരിയാണ്, തര്ക്കമില്ല… ഒരു സഖ്യമുണ്ടാകും,” അമേഠിയിലും റായ്ബറേലി യിലും രാഹുല് ഗാന്ധിയുടെ ‘ഭാരത് ജോഡോ ന്യായ് യാത്ര’യില് പങ്കെടുക്കാത്തതിനെ കുറിച്ചുള്ള ചോദ്യത്തിന് മറുപടി നല്കുകയായിരുന്നു അദ്ദേഹം.
നേരത്തെ 17 ലോക്സഭാ സീറ്റുകളെന്ന അന്തിമ വാഗ്ദാനം എസ്പി കോണ്ഗ്രസിന് നല്കിയിരുന്നു. ഇതിൽ കൂടുതൽ സീറ്റുകള് കോണ്ഗ്രസിന് നല്കാന് കഴിയില്ലെന്നും എസ്പി തുറന്നടിച്ചു. റായ്ബറേലിയിലോ അമേഠിയിലോ നടക്കുന്ന രാഹുല് ഗാന്ധിയുടെ സന്ദര്ശനത്തില് അഖിലേഷ് യാദവും പങ്കെടുക്കുമെന്നാണ് വിലയിരുത്തിയിരുന്നത്. രാഹുലിന്റെ യാത്ര അമേഠിയിലെത്തിയ ദിവസമാണ്, സഖ്യം രൂപീകരിക്കുന്നത് വരെ ഈ യാത്രയില് പങ്കെടുക്കില്ലെന്ന് അഖിലേഷ് തുറന്നടിച്ചത്.
