സർക്കാർ പിന്തുണ ഉണ്ടായിരുന്നിട്ടും, കുവൈറ്റിൽ പകുതിയോളം പൗരൻമാരും അവിവാഹിതരെന്ന് റിപ്പോർട്ട്

കുവൈത്ത് സിറ്റി: വിദ്യാഭ്യാസം, തൊഴിൽ, വിവാഹം എന്നിവയിലൊക്കെ പൂർണമായ സർക്കാർ പിന്തുണ ഉണ്ടായിരുന്നിട്ടും, കുവൈറ്റിലെ പകുതിയോളം പൗരന്മാരും അവിവാഹിതരായി തുടരുന്നുവെന്ന് റിപ്പോർട്ട്. പുതിയ ഔദ്യോഗിക സ്ഥിതിവിവ രക്കണക്കുകൾ പ്രകാരം, 1.065 ദശലക്ഷത്തിലധികം പൗരന്മാരുള്ള ജനസംഖ്യയിൽ 409,201 കുവൈറ്റ്-215,000 പുരുഷന്മാരും 194,000 സ്ത്രീകളും അവിവാഹിതരാണ്.

നേരത്തെയുള്ള വിവാഹങ്ങളെ സംബന്ധിച്ചുള്ള അപ്രതീക്ഷിത പ്രവണതയും ഡാറ്റ വെളിപ്പെടുത്തുന്നുണ്ട്. 15 നും 19 നും ഇടയിൽ പ്രായമുള്ള രണ്ടായിരത്തിലധികം കുവൈത്തികളാണ് വിവാഹിതരായത്. ഇതിൽ 1,984 സ്ത്രീകളും 104 പുരുഷന്മാരുമാണ്. ഇതിനു വിപരീതമായി, വിവാഹമോചന നിരക്ക് കുവൈറ്റിലെ വിവാഹങ്ങളുടെ സ്ഥിരതയെക്കുറിച്ചുള്ള ആശങ്കകൾ ഉയർത്തുന്നു.

നീതിന്യായ മന്ത്രാലയം കുവൈത്തികൾക്കിടയിൽ 38,786 വിവാഹമോചനങ്ങൾ റിപ്പോർട്ട് ചെയ്തു, ഏറ്റവും ഉയർന്ന നിരക്ക് 35 നും 39 നും ഇടയിൽ പ്രായമുള്ളവരാണ്. വിവാഹത്തിൻ്റെ ആദ്യ വർഷത്തിനുള്ളിൽ 800 ദമ്പതികൾ വേർപിരിഞ്ഞു. വിധവക ളായ 35,319 പൗരന്മാരിൽ 30,739 സ്ത്രീകളാണ്.