ഡി.​ക്യൂ യാത്രക്കായി ഇ​നി പൊ​തു​ഗ​താ​ഗ​ത സൗ​ക​ര്യവും, എം​ബ​സി​ക​ളി​ലേ​ക്ക് റി​യാ​ദ്​ മെ​ട്രോ റെ​ഡ്​ ലൈ​നി​ലെ കി​ങ്​ സ​ഊ​ദ്​ യൂണി​വേ​ഴ്​​സി​റ്റി സ്റ്റേ​ഷനില്‍ നിന്ന് രാവിലെ 6 മുതല്‍ 12 വരെ ബസ് സര്‍വീസ്.

റി​യാ​ദ്​: റിയാദിൽ വി​വി​ധ രാ​ജ്യ​ങ്ങ​ളു​ടെ എം​ബ​സി​ക​ൾ സ്ഥി​തി​ചെ​യ്യു​ന്ന ഡി​പ്ലോ​മാ​റ്റി​ക്​ ക്വാ​ർ​ട്ട​റി​ലേ​ക്ക്​ (ഡി.​ക്യൂ) യാത്രക്കായി ഇ​നി പൊ​തു​ഗ​താ​ഗ​ത സൗ​ക​ര്യം ഉപയോഗിക്കാം. റി​യാ​ദ് സി​റ്റി റോ​യ​ൽ കമ്മീഷൻ ന​ട​പ്പാ​ക്കു​ന്ന കി​ങ്​ അ​ബ്​​ദു​ൽ അ​സീ​സ്​ പ​ബ്ലി​ക്​ ട്രാ​ൻ​സ്​​പോ​ർ​ട്ട്​ സി​സ്റ്റ​ത്തി​ന്​ കീ​ഴി​ലാ​ണ്​ ഈ സൗ​ക​ര്യ​മൊ​രു​ക്കു​ന്ന​ത്​. റി​യാ​ദ്​ മെ​ട്രോ ട്രെയിനും ബ​സും വ​ഴി എം​ബ​സി​ക​ളി​ലേ​ക്കു​ള്ള യാ​ത്ര ഇനി എ​ളു​പ്പ​മാ​കും. ​

ഇതിന്റെ ഭാഗമായി ഡി​പ്ലോ​മാ​റ്റി​ക് ക്വാ​ർ​ട്ട​റി​നും റി​യാ​ദ്​ മെ​ട്രോ റെ​ഡ്​ ലൈ​നി​ലെ കി​ങ്​ സ​ഊ​ദ്​ യൂണി​വേ​ഴ്​​സി​റ്റി സ്റ്റേ​ഷ​നു​മി​ട​യി​ൽ​ ബ​സ്​ സ​ർ​വി​സ്​ ആ​രം​ഭി​ച്ചു. ഞാ​യ​റാ​ഴ്​​ച (മാ​ർ​ച്ച്​ 16) മു​ത​ലാ​ണ്​ ബ​സ്​ സർവീസിന്​ തു​ട​ക്ക​മാ​യ​ത്. രാ​വി​ലെ ആറ് മു​ത​ൽ രാ​ത്രി 12 വ​രെയാണ് ബ​സു​ക​ൾ സർവീസ്​ ന​ട​ത്തുന്നത്. ന​ഗ​ര​ത്തി​​ന്റെ ഏത് ​ഭാ​ഗ​ത്തു​നി​ന്നും ബ​സു​ക​ളി​ലോ ട്രെയിനുക​ളി​ലോ ക​യ​റി യൂണി​വേ​ഴ്​​സി​റ്റി സ്റ്റേ​ഷ​നി​ലെ​ത്താ​ൻ ക​ഴി​യും. ഇ​രു​ദി​ശ​ക​ളി​ലും ദി​വ​സ​വും രാ​വി​ലെ 6.30 മു​ത​ൽ അ​ർ​ധ​രാ​ത്രി 12 വ​രെ ബ​സു​ക​ൾ സർവീസ് ന​ട​ത്തും.

ഇ​ത് യാ​ത്ര​ക്ക്​ കൂ​ടു​ത​ൽ സൗ​ക​ര്യ​മൊ​രു​ക്കു​ക​യും സ്വ​കാ​ര്യ വാ​ഹ​ന​ങ്ങ​ളെ ആ​ശ്ര​യി​ക്കു​ന്ന​ത് കു​റ​ക്കു​ക​യും ചെ​യ്യും. റി​യാ​ദി​ലെ പൊ​തു​ഗ​താ​ഗ​ത സേ​വ​ന​ങ്ങ​ൾ​ക്കാ​യി സ​മ​ർ​പ്പി​ച്ചി​രി​ക്കു​ന്ന ‘ദ​ർ​ബ്’ ആ​പ്ലി​ക്കേ​ഷ​ൻ വ​ഴി ഗു​ണ​ഭോ​ക്താ​ക്ക​ൾ​ക്ക് ടൈം​ടേ​ബി​ളു​ക​ളും ബ​സ് റൂ​ട്ടു​ക​ളും അറിയാൻ ക​ഴി​യും. ജീ​വി​ത നി​ല​വാ​രം ഉ​യ​ർ​ത്തു​ന്ന​തി​നും ത​ല​സ്ഥാ​ന​ത്തെ ന​ഗ​ര അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കു​ന്ന​തി​നു​മു​ള്ള ശ്ര​മ​ങ്ങ​ളു​ടെ തു​ട​ർ​ച്ച​യാ​യാ​ണ്​ ഈ ​ന​ട​പ​ടി.