ഗൾഫ് രാഷ്ട്രങ്ങളിൽ കഴിയുന്ന പ്രവാസികൾക്ക് കുവൈത്തിലേക്ക് ഓൺ അറൈവൽ വിസയിൽ പ്രവേശിക്കാം.

കുവൈത്ത് സിറ്റി, ഗൾഫ് രാഷ്ട്രങ്ങളിൽ കഴിയുന്ന പ്രവാസികൾക്ക് കുവൈത്തിലേക്ക് ഓൺ അറൈവൽ വിസയിൽ പ്രവേശിക്കുന്നതിന് അനുമതി നൽകി. .ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ-യൂസഫ്,സബാഹിന്റ് നിർദേശത്തെ തുടർന്ന് ഏർപ്പെടുത്തിയ തീരുമാനം ഇന്ന് മുതൽ പ്രാബല്യത്തിൽ വന്നു.

ഇത് പ്രകാരം ഗൾഫ് സഹകരണ കൗൺസിൽ (ജിസിസി) രാജ്യത്ത് കഴിയുന്ന വിദേശികൾക്ക് കുവൈത്തിൽ ഓൺ അറൈവൽ വിസയിൽ പ്രവേശനം നൽകും. ഇതിനായി സന്ദർശകന് അതാത് രാജ്യത്ത് ആറ് മാസത്തിൽ കുറയാത്ത കാലാവധിയുള്ള താമസ രേഖ ഉണ്ടായിരിക്കണം. രാജ്യത്തെ വിമാന താവളത്തിലും അതിർത്തി കവാടങ്ങളിലും പ്രവേശന വിസ ഓൺ അറൈവൽ ആയി നേരിട്ട് ലഭ്യമാകും.