ഇന്ത്യയില് വിവാഹേതര ബന്ധങ്ങള് ഏറ്റവും കൂടുതലുള്ള ഇന്ത്യന് സംസ്ഥാനം ഇതാണ്; പട്ടിക അറിയാം
അന്താരാഷ്ട്ര ഡെസ്ക് 
ഇറാന് തലസ്ഥാനമായ ടെഹ്റാനിന് നേരെ ഇസ്രായേല് വ്യോമാക്രമണം നടത്തി. മുന്കരുതലായുള്ള ആക്രമണമാണ് നടന്നതെന്ന് ഇസ്രയേല് പ്രതിരോധ മന്ത്രി വ്യക്തമാക്കി. മൂന്ന് ആക്രമണങ്ങളാണ് ഇന്നുണ്ടായത്. പശ്ചിമേഷ്യയില് പുതിയൊരു സൈനിക ഏറ്റുമുട്ടലിലേക്കുള്ള തുടക്കമായിരിക്കുമോ ഇതെന്ന ആശങ്കയും ഉയരുന്നുണ്ട്. പ്രതിരോധത്തിന്റെ ഭാഗമായി ഇസ്രയേല് വ്യോമാതിര്ത്തികള് അടച്ചു. ഇസ്രയേലില് അടിയന്തരാവസ്ഥ പ്രഖ്യാപിച്ചിട്ടുണ്ട്.
ഇറാന്, ഇസ്രായേല് പശ്ചിമേഷ്യന് രാജ്യങ്ങള് എന്നീ മേഖലകളില് സംഘര്ഷസാധ്യത നിലനില്ക്കുന്ന പശ്ചാത്തലത്തില് മുഖ്യമന്ത്രിയുടെ ഓഫീസിന്റെ നിര്ദ്ദേശപ്രകാരം കേരളീയര്ക്കായി നോര്ക്ക റൂട്ട്സ് ഹെല്പ്പ്ഡെസ്ക് പ്രവര്ത്തനം ആരംഭിച്ചു. സഹായം ആവശ്യമുളള കേരളീയര്ക്ക് നോർക്ക ഗ്ലോബൽ കോണ്ടാക്ട് സെൻ്ററിലെ ഹെല്പ് ഡെസ്ക് നമ്പറുകളായ +91-8802012345 (അന്താരാഷ്ട്ര മിസ്ഡ് കോൾ), 18004253939 (ടോൾ ഫ്രീ നമ്പർ, ഇന്ത്യയില് നിന്നും) എന്നിവയില് ബന്ധപ്പെട്ട് രജിസ്റ്റര് ചെയ്യാവുന്നതാണ്. ഇന്ത്യന് പൗരന്മാര് അതാത് രാജ്യങ്ങളിലെ ഇന്ത്യന് എംബസികളുടെയും കേന്ദ്ര വിദേശകാര്യ മന്ത്രാലയത്തിന്റെയും നിര്ദ്ദേശങ്ങള് പാലിക്കേണ്ടതുമാണ്.
അബുദാബി ടോള് ഫ്രീ നമ്പര്
അബുദാബിയില് ബന്ധപ്പെടാന് ടോള് ഫ്രീ നമ്പര്- 800 46342
ഇറാൻ തൊടുത്തുവിട്ട നിരവധി മിസൈലുകൾ യുഎഇ പ്രതിരോധ സേന തടഞ്ഞതിനെത്തുടർന്ന് തലസ്ഥാനമായ അബുദാബിയിൽ ഒരാൾ കൊല്ലപ്പെട്ടതായി അല്ജസീറ റിപ്പോർട്ട് ചെയ്തു. “ഈ ആക്രമണം രാജ്യത്തിൻ്റെ പരമാധികാരത്തിന്മേലുള്ള കടന്നുകയറ്റവും അന്താരാഷ്ട്ര നിയമങ്ങളുടെ ലംഘനവുമാണ്” എന്ന് യുഎഇ പ്രസ്താവനയിൽ അറിയിച്ചു. ഈ പ്രകോപനത്തിന് മറുപടി നൽകാനുള്ള എല്ലാ അവകാശവും തങ്ങൾക്കുണ്ടെന്നും യുഎഇ കൂട്ടിച്ചേർത്തു.
അമേരിക്കന് താവളങ്ങള് ലക്ഷ്യമിട്ട് ആക്രണം നടത്തിയെന്ന് ഇറാന്. ഖത്തറും വ്യോമപാത അടച്ചു. അബുദാബിയില് സ്ഫോടനമുണ്ടായ കാര്യം യുഎഇ സ്ഥിരീകരിച്ചിട്ടില്ല.റിയാദിലെ അമേരിക്കന് സൈനികത്താവളം ലക്ഷ്യമിട്ട് മിസൈലാക്രമണം, സുരക്ഷിത സ്ഥാനങ്ങളിലേക്ക് മാറാന് ജനങ്ങള്ക്ക് നിര്ദ്ദേശം.നല്കിയിട്ടുണ്ട്
West Asia on fire, Gulf countries tremble; one reported killed in Abu Dhabi; missiles fell continuously in Doha, UAE and Qatar closed airspace, Israel, Iran launched 75 missiles towards Israel; Norka Helpdesk for Keralites in Iran-Israel West Asian countries
