മലയാളമിത്രം ഗൾഫ് ഡസ്ക് 
ജിദ്ദ: ഏപ്രില്‍ 29ന് മക്കയില്‍ സന്ദര്‍ശന വിസക്കാര്‍ക്കുള്ള വിലക്ക് നിലവില്‍ വരുമെന്ന് അധികൃതർ അറിയിച്ചു. ദുല്‍ഖഅ്ദ് ഒന്നു (ഏപ്രില്‍ 29) മുതല്‍ ദുല്‍ഹജ്ജ് 14 (ജൂണ്‍ 11) വരെയുള്ള കാലയളവിൽ സന്ദര്‍ശനവിസക്കാര്‍ മക്കയില്‍ പ്രവേശിക്കുന്നതിനും അവിടെ താമസിക്കുന്നതിനുമാണ് വിലക്കേർപ്പെടുത്തിയിട്ടുള്ളത്.
അതേസമയം സന്ദര്‍ശന വിസക്കാര്‍ക്ക് ഹജ്ജ് കര്‍മം നിര്‍വഹിക്കാനും അനുമതിയില്ല. പുതുതായി ഇഷ്യു ചെയ്യുന്ന വിസിറ്റ് വിസകളില്‍ ഇക്കാര്യങ്ങള്‍ പ്രത്യേകം രേഖപ്പെടു ത്തുമെന്ന് അറിയിച്ചിട്ടുണ്ട്. ഹജ്ജ് ക്രമീകരണങ്ങളുടെ ഭാഗമായാണ്‌ ഈ നടപടി.
